Сипаттама
Дәрілік затты медициналық қолдану жөніндегі нұсқаулық
ШҮЙГІНШӨП ТҰНДЫРМАСЫ
Саудалық атауы
Шүйгіншөп тұндырмасы
Халықаралық паттентелмеген атауы
Жоқ
Дәрілік түрі
25 мл және 30 мл тұндырма
Құрамы
белсенді зат – 200 г шүйгіншөп тамырсабақтары тамырларымен,
қосымша зат –70% этил спирті 1000 мл тұндырма алғанға дейін
Сипаттамасы
Хош иісті және тәттілеу-ащы, татымды дәмімен сипатталатын қызылдау - қоңыр түсті (жарықтың әсерінен күңгірттенеді) мөлдір сұйықтық.
Фармакотерапиялық тобы
Ұйықтататын және басқа да тыныштандыратын препараттар
АТХ коды N05CМ
Фармакологиялыққасиеттері
Фармакокинетикасы
Шүйгіншөп тұндырмасын ішке қабылдағаннан кейін шүйгіншөп қышқылының (белсенді компоненттердің бірінің) ең жоғары концентрациясына 1-2 сағаттан кейін жетеді және 0,9-2,3 мг/мл құрайды. Жартылай шығарылу кезеңі – 1,1 ± 0,6 сағ. Шүйгіншөп тұндырмасын бірнеше дүркін қолданғанда, оның құрамына кіретін компоненттердіңфармакокинетикасы өзгермейді. Қайтара қолданғанда шүйгіншөп қышқылының жинақталуы анықталмаған.
Шүйгіншөп тұндырмасы дәрілік заттарды метаболиздейтін CYP 2D6 және 3A4 цитохромдары негізгі изоформаларының белсенділігіне ықпал етпейді.
Фармакодинамикасы
Өсімдік тектес дәрі. Тыныштандыратын әсер береді.
Әсері көп бөлігін борнеол мен изовалерианқышқылы құрайтын, барнеол ацетатының күрделі эфирі құрайтын эфир майының (0,2-2,8%) мөлшері болуына байланысты. Шүйгіншөптің құрамындағы сексвитерпендер мен монотерпендер: β-кариофиллен, валеранон, валеренал, шүйгіншөп қышқылы, сондай-ақ валепотриаттар (0,05-0,67%) – валтрат пен изовалтрат препараттың маңызды құрамдас бөліктері болып саналады. Валепотриаттардың негізгі ыдырау өнімдері балдринал, гомобалдринал және валтроксал болып табылады, олар бастапқы қосылыстар гидролизінің өнімдерін білдіреді. Шүйгіншөп тұндырмасы γ-аминмайлы қышқылының әсеріне ГАМҚ-рецепторлары сезімталдығын жоғарылатып, бұл ми қыртысындағы тежелу үрдісін күшейтеді. Осымен бір мезгілде ми қыртысы нейрондары синапстарындағы ГАМҚ синтезі мен секрециясының ұлғаюы байқалады. Мұндай ықпал ету тек шүйгіншөп тұндырмасы құрамының қолданыстағы заттары қосындыларының әсері арқылы білінеді және эфир майын, сексвитерпендер мен валепотриаттарды бөлек-бөлек енгізгенде өндірілмейді.
Шүйгіншөп тұндырмасын пайдаланғанда тыныштандыру әсері баяу білінеді, бірақ айтарлықтай тұрақты және толығымен тек жүйелі және ұзақ курстық емдеу кезінде ғана дамиды. Сыртқы тітіркендіргіштерге қатысты организм реакциясының жылдамдығы төмендейді, табиғи ұйқының басталуы жеңілдейді.
Шүйгіншөп қышқылы және валепотриаттардың спазмолитикалық әсері бар, әсіресе өт шығару жолдарының түйілуі мен гипермоторлы дискинезиясы кезінде жеңіл өт айдайтын әсер береді.
Шүйгіншөп тұндырмасының биологиялық белсенді заттары кешені нейрогуморальді механизмдер мен миокардтың өткізгіш жүйесі арқылы жүрек қызметін реттейді - жүрек ырғағын баяулатады және жүрек қан тамырларын елеусіз кеңейтеді.
Қолданылуы
- неврастения және басқа невроздық бұзылуларда (невроздар)
- жүйке стрессі, ұзақ уақыт болған шектен тыс жүйкелік-психикалық қозуға байланысты ұйқының бұзылуы
- жүрек-қан тамырлары жүйесі мен ас қорыту жүйесі жағынан жеңіл функциональдық бұзылулар (кешенді ем құрамында).
Қолдану тәсілі және дозалары
Ішке, ересектерге 50 мл ауыз суда (¼ стақан) ерітіп, 20-30 тамшыдан, күніне 3-4 рет, қажет болғанда 50 мл ауыз суда еріте отырып, дозаны күніне 3-4 рет ең жоғарысы – 5 мл (1 шай қасық) дейін көтереді. 12 жастан асқан балаларға күніне өмірінің бір жылына 1 тамшыдан 3-4 рет, 50 мл ауыз суда ерітіп қабылдау тағайындалады. Құрамында этил спиртінің концентрациясы жоғары болғандықтан балаларға тұндырманы араластырылмаған (ерітілмеген) күйінде қолдануға болмайды. Бауыр мен бүйрек функциясының бұзылуы бар адамдарда дозаны түзету қажет етілмейді. Емдеу курсының ұзақтығын ауырудың сипатын, ауырлық дәрежесін және ағымының ерекшеліктерін, қол жеткізген емдеу әсерінің тұрақтылығын және препаратты көтере алушылығын ескере отырып, әр пациентке жеке тағайындайды.
Жағымсыз әсері
-енжарлық, жабырқаушылық, әлсіздік, жұмыс қабілетінің төмендеуі
Қолдануға болмайтын жағдайлар
- препаратқа жоғары сезімталдықта
- 12 жасқа дейін балаларға
- тетурамды, нитроимидазол мен нитрофуран препараттарын, ІІ-ІІІ буынның цефалоспориндік антибиотиктерін (шүйгіншөп құрамындағы этил спиртіне жедел уыттылық реакциясының даму мүмкіндігіне байланысты) қолдануда
- эпилепсияда
- гепатит, асқазан және он екі елі ішектің ойық жаралы ауыруы, созылмалы маскүнемдікте
- жүктілікте, лактация кезеңінде
Дәрілермен өзара әрекеттесуі
Шүйгіншөп тұндырмасы басқа тыныштандыратын және ұйқы келтіретін дәрілердің, наркозға арналған дәрілердің, психотропты препараттардың, сондай-ақ спазмолитикалық дәрілердің әсерін күшейтеді.
Айрықша нұсқаулар
Шүйгіншөп тұндырмасын пайдаланғанда қандағы алкоголь мөлшерін анықтауға жүргізілетін тестте оң нәтиже алынуы мүмкін.
Дәрілік заттың көлік құралдарын немесе қауіптілігі зор механизмдердібасқару қабілетінеәсер ету ерекшеліктері
Шүйгіншөп тұндырмасын қолдану кезеңінде автокөлік құралдарын немесе аса қауіпті механизмдерді басқаруға болмайды.
Артық дозалануы
Симптомдары – жағымсыз әсерлерінің күшеюі мүмкін
Емі – симптоматикалық.
Шығарылу түрі және қаптамасы
Бұрандалы мойны, тығынмен тығындалған және қақпағы бар полимер құтыда немесе полиэтилен тығынмен тығындалған және бұралатын қақпағы бар қызғылт-сары шыны құтыда 25 мл және 30 мл препараттан. Құтыларды медициналық қолдану жөніндегі мемлекеттік және орыс тілдеріндегі нұсқаулықпен бірге картоннан жасалған қораптарға немесе орама қағазбен қапталған бумаларға салады.
Сақтау шарттары
Жарықтан қорғалған жерде, 25 0С–ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
5 жыл
Жарамдылық мерзімі өткеннен кейін қолдануға болмайды.
Босатылу шарттары
Рецептісіз
Өндіруші
«Шаншаров-Фарм» ЖШС, Қазақстан Республикасы
Алматы қ., Б.Бұлқышев к-сі, 4е
Тіркеу куәлігінің иесі
«Шаншаров-Фарм» ЖШС, Қазақстан Республикасы
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын, тіркеуден кейінгі қауіпсіздігін қадағалауға жауапты ұйымның мекенжайы:
«Шаншаров-Фарм» ЖШС, Қазақстан Республикасы, Алматы қ.
Б.Бұлқышев к-сі, 4е,
Тел./факс +7 727 233-27-58
Электронды поштасы farm-4@mail.ru
