Біздің компаниямыз жайлы жалпы ақпарат.
Дәрілік затты медициналық қолдану
жөніндегі нұсқаулық
ЦИСТОН
Саудалық атауы
Цистон
Халықаралық патенттелмеген атауы
Жоқ
Дәрілік түрі
Таблеткалар
Құрамы
Бір таблетканың құрамында
белсенді заттар:
сабақты қосжеміс жапырақтары экстрактісі65 мг
тілдік тасжарған тамырлары экстрактісі 49 мг
Жүрекжапырақты риян тамырлары экстрактісі16 мг
Түйнек жер бадамы тамырсабағы экстрактісі16 мг
кедір-бұдыр сабангүл дәндеріэкстрактісі 16 мг
Ілмешекті айлауық сабағы экстрактісі16 мг
Күлгін верония шөбі экстрактісі16 мг
тазартылған мумие 13 мг
кальций силикаты 16 мг
келесі өсімдік шикізаттарының қоспасынан алынған экстрактінің буымен өңделген: хош иісті насыбайгул, отты ат бұршақ, жатаған теміртікен, ұяң мимоза, хош иісті павония, дала қырықбуыны, тик ағашының дәндері
қосымша заттар: микрокристалды целлюлоза, натрий карбоксиметилцеллюлозасы, кросповидон, сусыз коллоидты кремнийдің қостотығы (кабосил М5), магний стеараты
Сипаттамасы
Дөңес, крем реңдіден қоңыр түске дейінгі, теңбілдері бар таблеткалар.
Фармакотерапиялық тобы
Урогенитальді ағзалар ауруларын емдеуге арналған препараттар және жыныс гормондары. Урологиялық ауруларды емдеуге арналған препараттар. Урологиялық ауруларды емдеуге арналғанбасқа препараттар, спазмолитиктерді қоса.
АТХ коды G04B
Фармакологиялық қасиеттері
Фармакокинетикасы
Цистон көп компонентті өсімдік препараты болғандықтан, оның белсенділігі ингредиенттерінің синергиялық әсері арқылы жүзеге асады. Ол қандай да бір қосылысқа толық жатпайтын болғандықтан, оған кинетикалық бақылау жүргізу мүмкін емес,маркерлердің немесе биозерттеулердің жәрдемімен барлық компоненттері бірге қадағалануы мүмкін емес.
Фармакодинамикасы
Біріктірілген өсімдік препараты Цистон ішектің литогендік заттармен шамадан тыс қанығуына кедергі жасайды, ішектен оксамидтердің (тастың түзілуін жылдамдататын заттар) сіңуін азайтады және кристаллоидты-коллоидтық тепе-теңдікті қалпына келтіреді. Цистон тастардың, кристалдардың түзілуін басады, тас түзетін заттардың: қымыздық қышқылының, кальций гидроксипролинінің және басқалардың мөлшерін азайтады, және олардың ыдырауына және ұсақталған түрінде шығарылуына мүмкіндік береді. Цистон бөлшектерді байланыстыратын муцинге әсер ете отырып, конкременттер мен кристалдарды ыдыратады.
Микробтарға қарсы қасиеттері болғандықтан, препарат несеп шығару жолдарының инфекцияларын емдеген кезде жағымды әсер етеді.
Сабақты қосжеміс – осы өсімдіктің жапырақтарында халкондар, хинохалкондар және флавондар бар, олар бүйректе және қуықта тас болғанда қолданылады, литотриптикалық әсерін тигізеді. Өсімдіктен алынған эфир майларының микробқа қарсы белсенділігі бар.
Тілдік тасжарған – тұтқырлық, сергітетін және түйілуді басатын әсері бар және дизурияда және несеп шығару жолдарының басқа да бұзылуларында қолданылады. Түйілуді басатын және қабынуға қарсы әсерінің арқасында бүйрек шаншуларын жеңілдетеді, несеп шығарған кездегі күйдіріп ашуы және ауыруды азайтады.
Жүрекжапырақты риян – оның тамырлары антрахинондарға және олардың гликозидтеріне бай, олардың ішінде өте маңыздысы урогенитальді бұзылуларда қолданылатын пурпурин және мунджистин болып табылады. Тамырынан алынған экстрактісінің мына микробтарға қатысты (Escheria coli, Bacillus subtilis, Кlebsiella pneumonia, Proteus vulgaris, Psuedomonas aeruginosa) белсенділігі бар.
Кедір-бұдыр сабангүлде акирантин алкалоиды бар, ол бүйректе тас болғанда қолданылады, осы өсімдіктің сулы экстрактісіStaphylococcus aureus сияқты микроорганизмдерге қарсы микробқа қарсы белсенділік танытады.
Күлгін верония несептің бөлінуі қиындаған кезде қуық түйілуін бәсеңдету үшін қолданылады. Жалпы алғанда, өсімдікте бета амирин тритерпен, люпеол ацетаты, бета амиринжәне калий хлориді бар, олар дизурияда, қуықтың спазмында және несептің бөлінуі қиындағанда қолданылады.
Тазартылған мумие – несеп шығару жолдарының бұзылуын, толғақ түріндегі ауыруларды емдеуге қолданылады.
Кальций силикаты – литотриптикалық қасиеттері және әлеуетті диурездік әсері бар.
Қолданылуы
- несептас ауруы, кристаллурия
- несеп шығару жолдарының инфекцияларында (циститте, спецификалық емес уретритте, пиелитте) қосымша дәрі ретінде
- тас түзілудің қайталануының профилактикасы
- әйелдердегі несепті ұстай алмаушылық
- несеп шығарған кездегі күйдіріп ашыту
- подагра, гиперурикемия
Қолдану тәсілі және дозалары
Несеп шығару жолдарының инфекцияларында (циститте, спецификалық емес уретритте, пиелитте)
Ересектер:
7 күннен бастап қабыну үдерісі жоғалғанға дейін күніне тамақтан кейін 3 рет 2 таблеткадан.
Балалар:
6-дан 11жасқа дейін тамақтан кейін күніне 3 рет 1 таблеткадан, 12-15 жасқа тамақтан кейін күніне 2-3 рет 2 таблеткадан 7 күннен немесе қабыну үдерісі жоғалғанға дейін.
Несеп-тас ауруларында, кристаллурияда
Ересектер:
3-4 ай бойы күніне 2-3 рет 2 таблеткадан, содан кейін күніне 2 рет 1 таблеткадан, тас шыққанша.
Балалар:
6-11жасқа күніне3 рет 1 таблеткадан, одан кейін күніне 1 таблеткадан, емдеу курсы 4 ай.
11- 15 жасқа күніне 3 рет 2 таблеткадан, тасшыққанша.
Подагра кезінде
1-ден 2 айға дейін күніне 3 рет 2 таблеткадан.
Хирургиялық араласымнан және тасты алып тастағаннан кейін, дистанциялық литотрипсиядан соң бүйрек конкременттерінің қайтадан түзілуінің профилакттикасы үшін:
4-5 ай бойы күніне 3 рет 1 таблеткадан.
Жағымсыз әсерлері
- аллергиялық реакциялар (тері бөртпесі, қышыну) болуы мүмкін
Қолдануға болмайтын жағдайлар
- препараттың кез келген өсімдік компонентіне жоғары сезімталдық
- 6 жасқа дейінгі балалар
Дәрілермен өзара әрекеттесуі
Сипатталмаған.
Айрықша нұсқаулар
Конкременттің өлшемі үлкен болуына байланысты несепағардың бітелу қаупі болғандықтан, Цистонды қолданбаған дұрыс.
Несептас ауруы және кристаллурия кезінде препаратты қолдану тастың және несептің рН құрамына байланысты емес, препарат оксалат, урат, фосфатты уролитиаз кезінде тиімді.
Цистон препаратын тәулігіне 2-2,5 литрге дейінгі сұйықтықты қабылдаған кезде қолдану ұсынылады.
Дәрілік заттың көлік құралдарын немесе қауіптілігі зор механизмдерді басқару қабілетіне ықпал ету ерекшеліктері
Ықпал етпейді.
Артық дозалануы
Артық дозалану жағдайлары білінген жоқ.
Шығарылу түрі және қаптамасы
Пластик құтыға 100 таблеткадан салынған.
1 құтыдан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынған.
Сақтау шарттары
Жарықтан қорғалған жерде, 25°С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Жарамдылық мерзімі өткеннен кейін қолдануға болмайды.
Дәріханадан босатылу шарттары
Рецептісіз
Өндіруші
Хималайя Драг Компани
Макали, Бангалор 562162, Үндістан
Тіркеу куәлігінің иесі
Хималайя Драг Компани
Қазақстан Республикасы аумағында тұтынушылардан дәрілік заттың сапасы жөнінде шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы
«Трансатлантик Алматы» ЖШС
Алматы қ., Әл-Фараби даңғылы 19
ПФО «Нұрлы-Тау», 901-кеңсе
тел: 311-03-46/47
e-mail reg@transatlantic.kz