Біздің компаниямыз жайлы жалпы ақпарат.
Дәрілік препаратты медициналық қолдану
жөніндегі нұсқаулық (Қосымша парақ)
Саудалық атауы
Тримспа 200
Халықаралық патенттелмеген атауы
Дәрілік түрі, дозалануы
Қабықпен қапталған таблеткалар, 200 мг
Фармакотерапиялық тобы
Ас қорыту жолы және зат алмасу. Асқазан-ішек қызметінің бұзылыстарын емдеуге арналған препараттар. Ішектің функционалдық бұзылыстарын емдеуге арналған препараттар. Синтетикалық холиноблокаторлар – үштік амин тобы эфирлері. Тримебутин.
АТХ коды А03АА05
Қолданылуы
Қолдануды бастағанға дейін қажетті мәліметтер тізбесі
Қолдануға болмайтын жағдайлар
- тримебутин малеатына немесе препараттың кез келген басқа компонентіне жоғары сезімталдық
- тұқым қуалайтынгалактоза көтере алмаушылығы, Lapp- (ЛАПП) лактаза ферменті тапшылығы, глюкоза-галактоза мальабсорбциямен пациенттер
- жүктілік және лактация кезеңі
- 12 жасқа дейінгі балалар
Басқа дәрілік препараттармен өзара әрекеттесу
Тримебутин д-тубо-курарин туындатқан кураре тәрізді әсерді ұзартады.
Тримебутин емдік әсердің бұрмалануына дейін құрамында спирт бар сұйықтықтармен үйлеспейді. Тримспа 200 ОЖЖ депрессанттарының және/немесе этанол седациясын арттыруы мүмкін.
Басқа ешқандай дәрілік өзара әрекеттесулер сипатталмаған.
Арнайы ескертулер
Препаратты қатаң көрсетілімдер бойынша қолдану керек.
Тримспа 200 ұйқышылдық тудыруы мүмкін, сондықтан оны ОЖЖ депрессиясы бар пациенттерге сақтықпен қолдану керек. Барлық емдеу курсы бойына алкогольді қабылдаудан бас тарту керек.
Педиатрияда қолдану
Бұл препаратты дәрігердің тағайындауынсыз балаларға беруге болмайды. Балалар шаншуында қолдануға болмайды.
Жүктілік және лактация кезінде
Препаратты жүктіліктің I триместрінде және лактация кезеңінде қолдануға болмайды, өйткені оны пайдалану қауіпсіздігі туралы клиникалық мәліметтер жоқ. Дәрігермен кеңессіз бұл препаратты өз бастамаңыз бойынша қабылдамаңыз.
Анасы үшін потенцалды пайдасы шаранаға төнетін ықтимал қауіптерден асып кетсе, бұл дәрі тек дәрігердің тағайындауы бойынша жүктіліктің соңына дейін қолданылуы керек.
Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Мүмкін болатын жанама әсерлерді ескере отырып, көлік құралын немесе зейін қоюды талап ететін қауіптілігі зор механизмдерді басқару кезінде сақ болу керек.
Қолдану жөніндегі нұсқаулар
Ересектер мен 12 жастан асқан балалар: ас қабылдағанға дейін күніне 2 немесе 3 рет 200 мг-ден (1 таблетка).
Ең жоғарғы тәуліктік доза – тәулігіне 600 мг.
Енгізу жолы және тәсілі
Ішке қабылдауға арналған. Таблетканы бөлмеңіз және шайнамаңыз. Таблетканы аз мөлшерде сумен немесе басқа алкогольсіз сұйықтықпен бүтіндей жұтыңыз.
Емдеу ұзақтығы
Тримспа 200 препаратымен емдеу курсы әдетте 30 күннен аспайтын қысқа мерзімді болуы тиіс. Емдеудің ең аз ұзақтығы әдетте 20 күнді құрайды.
Артық дозалану жағдайында қабылдануы қажет шаралар
Симптомдары: жүрек айнуы, диарея, ұйқышылдық, құрысу және естен тану.
Артық дозалану жағдайында брадикардия,QTc аралығының ұзаруы немесе тахикардия сияқты жүрек бұзылыстары және ұйқышылдық, құрысулар және кома сияқты неврологиялық бұзылыстар байқалады.
Емі: егер пациент препараттың тым көп дозасын ішке қабылдаса, асқазанды шаю керек. Емі симптоматикалық.
Дәрілік препараттың бір немесе бірнеше дозасын жіберіп алғанда қажетті шаралар
Егер сіз Тримспа 200 қабылдауды ұмытып кетсеңіз, өткізіп алған дозаның орнын толтыру үшін қосарлы дозасын қабылдамаңыз. Өткізіп алған дозаны өткізіңіз және әдеттегідей келесісіне өтіңіз.
Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша ұсынымдар
Дәрігердің кеңесінсіз осы дәріні қабылдауды тоқтатпаңыз және қабылдау тәсілін өзгертпеңіз.
Дәріні қабылдауды бастамас бұрын өзіңіздің дәрігеріңізге кез-келген медициналық жай-күйіңіз немесе аллергияңыз туралы, сіз қабылдап жүрген кез-келген дәрілер туралы, жүктісіз бе немесе бала емізесіз бе, сондай-ақ өз денсаулығыңыз туралы кез-келген басқа да маңызды фактілер туралы хабарлаңыз. Бұл факторлар сіз осы дәріні қалай пайдалануыңызға әсер ететін болады.
Бұл дәріні басқа біреуге бермеңіз, өйткені препарат ол сіздікімен бірдей белгілері болса да, денсаулығына зиян келтіруі мүмкін.
ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар
Жағымсыз құбылыстардың жиілігін анықтау келесі критерийлерге сәйкес жүргізіледі: өте жиі (≥ 1/10), жиі (≥ 1/100-ден < 1/10 дейін), жиі емес (≥ 1/1000-нан < 1/100 дейін), сирек (≥ 1/10000-нан <1/1000 дейін), өте сирек (< 1/10000), белгісіз (қолда бар деректер бойынша баға беру мүмкін емес)
Сирек
- аллергиялық реакция (тері бөртпесі, есекжем, қызару)
- жүрек айну, диспепсия, іш қату немесе диарея
- полиурия (несеп кідірісі)
- іштің кебуі, эпигастрий аумағындағы ауру
Өте сирек
- ұйқышылдық, бас айналу, шаршағыштық, суықты/ыстықты сезіну, бас ауыруы
- ауыздың кеберсуі, дәм сезудің өзгеруі
- етеккір бұзылыстары, сүт бездері көлемінің ауырсынулы үлкеюі
- үрейлену
- есту бұзылыстары
Белгісіз
- аса жоғары сезімталдық (ангионевроздық ісіну және анафилаксиялық шок)
- жайылған макулопапулезді бөртпе, эритема, экзематиформалы реакциялар және терінің айрықша ауыр реакциялары, оның ішінде жедел жайылған экзантематозды пустулез (ЖЖЭП), мультиформалы эритема, фебрильді токсидермия
Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз
Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК
Қосымша мәліметтер
Бір таблетканың құрамында
белсенді зат – 200 мг тримебутин малеаты,
қосымша заттар: микрокристалдыцеллюлоза (РН 101), лактоза, шарап қышқылы, жүгері крахмалы, натрий кроскармеллозасы, микрокристалды целлюлоза (PH 102), сусыз коллоидты кремнийдің қостотығы, магний стеараты,
қабықтың құрамы: гипромеллоза, диэтилфталат, титанның қостотығы(Е 171), тазартылған тальк.
Сыртқы түрінің, иісінің, дәмінің сипаттамасы
Дөңгелек пішінді, екі беті дөңес тегіс беткейлі, ақ түсті үлбірлі қабықпен қапталған таблеткалар.
6 таблеткадан алюминий фольгадан жасалған пішінді ұяшықсыз қаптамада.
5 пішінді қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.
3 жыл
Жарамдылық мерзімі өткеннен кейін қолдануға болмайды.
Сақтау шарттары
Құрғақ, жарықтан қорғалған жерде, 30 ºС-ден аспайтын температурада сақтау керек.
Балалардың қолы жетпейтін жерде сақтау керек!
Дәріханалардан босатылу шарттары
Рецепт арқылы
Өндіруші туралы мәлімет
Macleods Pharmaceuticals Limited, Үндістан
304, Атланта Аркаде, Mapoл Чеч Роуд, Андери (Ист), Мумбай – 400059
Тел. 00912266762800, факс 00912 229256599
e-mail: exports@macleodspharma.com
Тіркеу куәлігінің ұстаушысы
Macleods Pharmaceuticals Limited, Үндістан
304, Атланта Аркаде, Mapoл Чеч Роуд, Андери (Ист), Мумбай – 400059
Тел. 00912266762800, факс 00912 229256599
e-mail: exports@macleodspharma.com
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
«Macleods Pharmaceuticals Limited»ЖШК ҚР-дағы филиалы,
Қазақстан Республикасы, 050004, Алматы қ., Төлебаев к-сі 38/61, 5-қабат
Тел./факс: +7 (727) 2734593, 8 7012420565
е-mail: regulatorykazakh@macleodspharma.com