Біздің компаниямыз жайлы жалпы ақпарат.
Дәрілік затты медициналық қолдану жөніндегі нұсқаулық
Сальбутамол
Саудалық атауы
Сальбутамол
Халықаралық патенттелмеген атауы
Сальбутамол
Дәрілік түрі
Ингаляцияға арналған дозаланған аэрозоль 100 мкг/доза, 200 доза
Құрамы
Бір дозаның құрамында
белсенді зат – 120.5 мкгсальбутамол сульфаты микрондалған (100.0 мкг сальбутамолға баламалы),
қосымша заттар: 1,1,1,2-тетрафторэтан (пропеллентHFA-134a), озон қауіпсіз; олеин қышқылы; этанол.
Сипаттамасы
Ақ түсті біркелкі суспензия
Фармакотерапиялық тобы
Респираторлық жүйе ауруларын емдеуге арналған препараттар. Тыныс жолдарының обструкциялық ауруларын емдеуге арналған препараттар. Ингаляциялық симпатомиметиктер. Селективті бета 2 — адрености-муляторлар. Сальбутамол.
АТХ коды R03AC02
Фармакологиялық қасиеттері
Фармакокинетикасы
Дем алғаннан кейін белсенді заттың 10-20%-ға жуығы ұсақ бронхтарға жетеді, қалған мөлшері тыныс алу жолдарының жоғарғы бөліктеріне шөгеді. Ішке қабылдаған кезде, соның ішінде ингаляциямен ішінара жұтқан кезде, сальбутамол асқазан-ішек жолынан жақсы сіңеді. Сальбутамолдың жүйеалды метаболизмі негізінен асқазан-ішек жолында белсенді емес сульфаттың эфирімен конъюгациясы арқылы жүзеге асады. Тиісті дозаның ингаляциясынан кейін, бронхтардан біртіндеп сіңу себебіне байланысты,сальбутамолдың жүйелік деңгейі төмен болады.Плазмада ең жоғары концентрацияға 2-4 сағаттан кейін жетеді. Плазма ақуыздарымен байланысуы – 10%. Плацента арқылы өтеді. Сальбутамолдың жүйелік клиренсі сағатына 30 литр құрайды. Сальбутамол несеппен бірге өзгермеген күйінде және фенолсульфаттық метаболит түрінде шығарылады. Жартылай шығарылу кезеңі 3 сағаттан 7 сағатқа дейінді құрайды. Дозаның шамамен 72%-ы несеппен бірге 24 сағат ішінде шығарылады және өзгермеген препараттың 28%-нан және метаболиттің 44%-нан тұрады. Сальбутамол гематоэнцефалдық бөгет арқылы өтпейді.
Фармакодинамикасы
Сальбутамол β2-адренорецепторлардың селективтік агонисі болып табылады. Емдік дозаларда ол бронхтардың тегіс бұлшықеттерінің β2-адренорецепторларын стимуляциялап, β1-адренорецепторларға аздаған ықпалын тигізеді немесе тіпті ықпалын тигізбейді. Бронхтарды кеңейтетін әсер беріп, бронхтардың тарылуының алдын алып немесе басып,өкпенің тіршілік сыйымдылығын арттырады, тыныс жолдарындағы кедергіні төмендетеді. Осылайша, сальбутамол тез бронхолитикалық әсер береді, ол 4-6 сағатқа созылады.
Тиісті емдік дозаларда жүрек-қантамыр жүйесіне теріс ықпалын тигізбейді, артериялық қысымды арттырмайды. Осы топтың дәрілік заттарымен салыстырғанда, аз дәрежеде, оң хроно- және инотроптық әсер көрсетеді. Коронарлы артерияларды кеңейтеді.
Бірқатар метаболизмдік әсерлері бар: плазмада калий концентрациясын төмендетеді, гликогенолизге және инсулиннің бөлінуіне ықпалын тигізеді, гипергликемиялық (әсіресе бронх демікпесі бар пациенттерде) және липолитикалық әсер береді, ацидоздың даму қаупін арттырады.
Қолданылуы
- бронх түйілуін, бронх демікпесін және/немесе тыныс жолдарының қайтымды бітелісін симптоматикалықемдеуге
- дене жүктемесінен немесе аллергеннің әсерінен туындаған бронхтың түйілуінің профилактикасында
Ересектерде, жасөспірімдердежәне 6-дан 12 жасқа дейінгі балаларда қолданылады.
Қолдану тәсілі және дозалары
Дәрігердің нұсқауларына сай ингаляциялық түрде ғана қолданылады. Сальбутамол дем алған кезде дозаны синхронизациялауы қиын болатын пациенттерге спейсермен бірге қолданылуы мүмкін.
Ересектер (егде жастағы пациенттер және жасөспірімдерді қоса)
Тыныс жолдарының қайтымды обструкциясы бар науқастардағы бронх түйілуін қоса, бронх түйілуінің жедел симптомдарын тоқтату үшін 100 мкг (1 ингаляция) қолданылады. Доза, егер қажет болса, екі ингаляцияға дейін арттырылуы мүмкін.
Дене белсенділігінен немесе аллергеннің әсер етуіне байланысты туындаған бронх түйілуі ұстамасының профилактикасы үшін қоздырушы фактордың әсерінен 10-15 минут бұрын 1 немесе 2 ингаляция жасау керек.
Ұсынылатын ең жоғары тәуліктік доза 800 мкг (2 ингаляциядан күніне 3 немесе 4 рет) құрайды.
Балалар (6 жастан 12 жасқа дейінгі жаста)
Бронх түйілуін қоса,демікпенің жедел симптомдарын жеңілдету үшін 6 жастан бастап және одан үлкен балалар үшін ұсынылатын бастапқы доза –100 мкг бір ингаляция, қажет болған жағдайда доза екі ингаляцияға дейін ұлғайтылуы мүмкін.
Дене белсенділігінен немесе аллергеннің әсер етуіне байланысты туындаған бронх түйілуінің ұстамасыныңпрофилактикасы үшін қоздырушы фактордың әсерінен 10-15 минут бұрын бір ингаляция (100 мкг), қажет болған жағдайда 200 мкг дейін, 2 ингаляция жасау керек.
Ұсынылатын ең жоғары тәуліктік доза тәулігіне 400 мкг (4 ингаляциядан аспауы тиіс) құрайды.
6 жасқа дейінгі балалар
Сальбутамол қауіпсіздік және тиімділігі туралы деректер жеткіліксіздігі-нен 6 жасқа дейінгі балаларға қолдануға болмайды.
Әрбір қолданудан кейін бронхолитикалық әсері, демікпе үдей бастаған пациенттерден басқасында, кем дегенде 4 сағатқа созылады. Дозаны арттыру немесе жүйелік глюкокортикостероидтарды қолдану қажет болған жағдайда дәрігерден кеңес алған жөн.
Дозаны арттырудың қажеттілігі аурудың өршігенін айғақтайды.
Доза, жағымсыз әсерлердің пайда болуы мүмкін болғандықтан, тек дәрігердің нұсқауымен ғана арттырылуы мүмкін.
Бауыр және бүйрек функциясы бұзылуы бар пациенттер
Доза түзетудің қажеті жоқ.
Ингаляторды пайдалану жөніндегі нұсқаулық
Балалар сальбутамолды ересектердің бақылауымен қолдануы керек.
Пациенттер келесі дозаны қолдану алдында төрт сағат күтуі керек. Ингаляция жүргізгенде пациенттерге тік отыру немесе тік тұру керек. Сондай-ақ ингаляторды тік қалпында ұстау маңызды және өйткені ол тек тік қалпында ғана дұрыс жұмыс істейді.
Егер ингалятор суық болса, препараттың әсері төмен болуы мүмкін. Баллон суытылған жағдайда, оны пластик корпусынан шығарып алып, бірнеше минут бойы қолмен жылыту керек. Баллон тіпті бос болғанның өзінде бөлшектеуге, тесуге және отқа тастауға болмайды.
Ингалятордың дұрыс жұмыс істеуін тексеру
Мүштіктен қақпақшаны абайлап ажыратып, ингаляторды қатты сілку жәнепрепараттың екі дозасын ауаға шашу керек. Егер ингалятор бірнеше күн бойы пайдаланылмаған болса, жақсылап сілкіп, оның дұрыс жұмыс істейтініне көз жеткізу үшін препараттың бір дозасын ауаға шашырату керек.
Ингаляторды қолдану
А. Ингалятор мүштігінен қорғаныш қалпақшасын алып тастайды. Мүштік таза ма, құрғақ па, тексереді.
В. Ингаляторды қатты сілкілейді.
С. Бас бармақты мүштіктен төменірек, негіздей төсеп, ингаляторды бас бармақ пен сұқ саусақтың арасына тігінен орналастырады.
D. Терең дем шығару. Сосын мүштікті тістердің арасына салып (оны тістемей), ерінмен тығыз қармап ұстайды.
Е. Ауыз арқылы терең дем алу керек. Терең дем алуды жалғастыра отырып, ингалятордың үстіңгі жағынан басу керек. Ингалятордыасықпай, терең дем алу кезінде басу керек.
Ғ. Демді кідіртіп, ингаляторды ауыздан шығарып, ингалятордың үстіңгі жағынан сұқ саусақты алады. Демді қаншалықты мүмкін болғанынша ұстап тұру қажет.
Н. Егер ингаляцияны жалғастыру қажет болса, ингаляторды тік ұстаған қалыпта шамамен жарты минуттай кідіріп, сонан соң сатыларды В-ден бастап Ғ-ті қоса қайталайды. Ингаляциядан кейін мүштікке шаңнан қорғайтын қалпақшасын кигізеді.
Препарат дәрігердің тағайындауы бойынша қолданылады және препаратты қабылдаумен байланысты ондағы кез-келген қиындықтары жөнінде хабарлау керек.
Жағымсыз әсерлері
Жағымсыз реакциялар10%-ға дейінгі пациенттерде туындауы мүмкін. Бұл реакциялар дозаға тәуелді. Көбірек жиіліктегі жағымсыз реакциялар мыналар: дәм сезу өзгерістері (жағымсыз және әдеттен тыс дәм), тамақтың тітіркенуі, әлсіз тремор (әдеттте қолдың), жүрек айнуы, тершеңдік, мазасыздық, бас ауыруы және бас айналуы. Бұл жағымсыз әсерлер 1-2 апта емнен кейін азаюы мүмкін.
Басқа да ингаляциялық ем қолдану сияқты жағдайында ентігу дамитын парадоксальді бронх түйілуі дамуы мүмкіндігін ескеру керек. Бұл жағдайда препаратты қолдануды дереу тоқтату және баламалы емді бастау керек.
Сальбутамолды қолдануда бөртпе, есекжем, дерматит, қышыну және эритема сияқты аса жоғары сезімталдық реакциялары, ангионевроздық ісінудің (бет, ерін, көз және тамақ),бронх түйілуінің, гипотензия, коллапс, тромбопения, нефриттің өте сирек жағдайы бақыланды.
Сальбутамолды басқа бета-2-адренорецепторлар агонистерімен қолданғанда шеткері вазодилатациясы бар немесе онсыз тахикардия, әдетте сезімтал пациенттерде жүрек аритмиясы (оның ішінде жүрекше фибрилляциясы, қарыншаүстілік тахикардия жәнеэкстрасистола) дамуы мүмкін, жиі жүрек қағуы, стенокардия, қан қысымының төмендеуі бақылануы мүмкін.
Сондай-ақ сальбутамолдың орталық жүйке жүйесіне стимуляциялық әсері туралы да хабарламалар бар, ол аса белсенді мінез-құлықпен, ұйқы бұзылыстарымен және елестеулермен білінеді. Бұл жағымсыз әсерлер негізінен 12 жасқа дейінгі балаларда бақыланды.
Жағымсыз әсерлері жиілігі бойынша жіктеуімен берілген. Жиілігінің жіктеуі: өте жиі (1/10), жиі (1/100, бірақ <1/10), жиі емес (1/1000, бірақ <1/100), сирек (1/10 000, бірақ <1/1000) және өте сирек (<1/10000), жеке хабарламаларды қоса), белгісіз (қолда бар деректер бойынша жиілігін анықтауға болмайды).
| Жүйелік-ағзалық класы | Жиілігі | Жағымсыз әсерлері |
| Қан және лимфа жүйесі тарапынан бұзылулар | Өте сирек | Тромбоцитопения |
| Иммунды жүйе тарапынанбұзылулар | Өте сирек | Аса жоғары сезімталдық реакциялары |
| Зат алмасу және тамақтану тарапынан бұзылулар | Сирек | Гипокалиемия, гипергликемия, инсулин, бос май қышқылдарының, глицерин жәнекетон денелерінің құрамы артуы |
| Психикалық бұзылыстар | Жиі | Аса жоғары белсенділік |
| Жүйке жүйесі бұзылыстары | Жиі | Әлсіз тремор (әсіресе қол), бас айналуы |
| Сирек Өте сирек | Аса белсенді мінез –құлық Ұйқы бұзылуы, қозғыштық, елестеулер | |
| Жүрек бұзылулары | Сирек | Тахикардия, жүрек аритмия (жүрекше фибрилляциясы, қарыншаүстілік тахикардия, экстрасистолалар), жүрек қағуы, стенокардия, гипотония немесе гипертония |
| Өте сирек | Миокард инфаркі, ишемия | |
| Тамырлық бұзылулар | Сирек | Шеткері вазодилатация |
| Өте сирек | Коллапс | |
| Тыныс алу жүйесі, кеуде қуысы және көкірек ортасы мүшелері тарапынан бұзылулар | Сирек Өте сирек | Жөтел Парадоксальді бронх түйілуі |
| Асқазан-ішек жолдары тарапынан бұзылулар | Жиі | Жүрек айнуы, дәм сезу бұрмалануы |
| Тері мен теріасты шелі тарапынан бұзылулар | Жиі Өте сирек | Тершеңдік Қышыну, бөртпе, эритема, есекжем, ангионевроздық ісіну |
| Қаңқа-бұлшықет жүйесі және дәнекер тіндер тарапынан бұзылулар | Сирек | Бұлшықет құрысулары (түйілулер) |
| Бүйрек, несеп шығару жүйесі тарапынан бұзылулар | Өте сирек | Нефрит |
| Жалпы бұзылыстар Басауыруы, реакциялар (ауыз және тамақтың тітіркенулері, тілді күйдіру сезімі) | Бас ауыруы, ауыздағы тітіркенулер, ауыз құрғауы, ауыздың ауыруы, ауызды күйдіру сезімі |
Ингаляциялық емнің басқа да түрлеріндегідей, препаратты қолданғаннан кейін сырылдап тыныс алу дереу күшейіп, бронхтың парадоксальді түйілуі пайда болуы мүмкін. Мұндай жағдай басқа фармакологиялық топқа жататын тез әсер ететін ингаляциялық бронх кеңейткіштің көмегімен тоқтатылуы тиіс. Сальбутамол препаратының 100 мкг/дозасын қолдану дереу тоқтатылуы тиіс, қажет болған кезде баламалы ем тағайындау керек.
Қолдануға болмайтын жағдайлар
- препараттың кез келген компонентіне аса жоғары сезімталдық
- қауіпсіздік және тиімділігі туралы деректер жеткіліксіздігінен 6 жасқа дейінгі балаларға
- жүктілік үзілуінің немесе уақытынан бұрын босану қаупін емдегенде
Дәрілермен өзара әрекеттесуі
Сальбутамолды ингаляция түріндегі басқа симпатомиметикалық бронх кеңейткіштермен бірге қабылдауға болмайды. Адренергиялық препараттарды қолдану қажет болған жағдайда жүрек қызметінің бұзылуына жол бермеу үшін сақ болған жөн.
Cальбутамолды селективті емес бета-адреноблокаторлармен бірге (бета-адреноблокаторлардың көзге арналған дәрілік түрлерін қоса) бірге қабылдауға болмайды. Кардиоселективті бета-блокаторларын қатарластыра қолдану сальбутамолдың әсерін азайтпайды. Ксантин туындыларымен, диуретиктермен және глюкокортикостероидтармен бір мезгілде емдеу және іш жүргізетін дәрілерді ұзақ пайдалану ауыр гипокалиемияның дамуына ықпал етуі мүмкін. Сондай-ақ сальбутамолмен бірге жалпы анестетиктерді, трициклдік антидепрессанттарды және мапротилинді, эрготаминді және МАО тежегіштерін де тағайындауға болмайды. Сальбутамолды және жүрек гликозидтерін бір мезгілде қолданған жағдайда бета-агонистерді қолдануданболған гипокалиемия салдарынан аритмияның қаупі артады.
Пациенттерге сальбутамолды қолдануды галогенизирленген анестезиялаушы дәрілерді пайдаланудан кем дегенде 6 сағат бұрын тоқтату қажет екендігін ескерткен жөн.Препарат құрамында этанол болуына байланысты дисульфирам немесе метронидазол қабылдайтын пациенттерде сальбутамолдың теориялық өзара әрекеттесу мүмкіндігі бар.
Айрықша нұсқаулар
6 жасқа дейінгі балаларға сальбутамол препараты қауіпсіздік және тиімділігі туралы деректер жеткіліксіздігінен қарсы көрсетілімде.
Препарат дәрігердің нұсқауларына сай белгіленген уақыт аралықтары арқылы пайдаланылуы тиіс. Егер сіз дозаны өткізіп алсаңыз, есіңізге түсіру бойына препаратты дереу қабылдаңыз, бірақ ешқашан екі дозаны бірден қабылдамаңыз.
Сальбутамолды жиі қолдану бронх түйілуінің, кенеттен өліп кетудің күшеюіне әкеп соғуы мүмкін, осыған байланысты, препараттың кезекті дозаларын қабылдау арасында бірнеше сағат (6 сағ.) үзіліс жасау қажет. Осы аралықтарды қысқарту төтенше жағдайларда ғана орын алуы мүмкін. Дозаланған аэрозольді қолданған кездекелесі нұсқауларды нақты орындау қажет: әрбір пайдалану алдында ішінде аэрозолі бар баллонды сілкілеу, дем алудың нақты синхронизациясы және препараттың түсуі, барынша терең, қарқынды және барынша ұзақ дем алу, ингаляциядан кейін демді 10 секунд ұстап тұру. Пациенттерге, соның ішінде тыныс алу маневрін дұрыс жасауы қиын болатын кішкентай балаларға препаратты ингаляциялау үшін тыныс алу көлемін арттыратын және асинхронды демнің олқылығын басатын арнайы бейімдегішті (спейсерді) қолдану керек.
Демікпені емдеу әдетте ретті бағдарлама бойынша жасалуы тиіс, мұндайда тыныс жүйесі қызметінің тестін қолдана отырып, ұдайы клиникалық бақылау жасау қажет.
Бронхты кеңейткіштер ауырлығы орташа және ауырлығы ауыр дәрежедегі бронх демікпесі бар пациенттерді емдеудің жалғыз немесе негізгі әдісі болмауы тиіс. Ауыр демікпе ұдайы медициналық бақылауды қажет етеді, өйткені мұндай пациенттерде ауыр демікпелік криз немесе тіпті өлім қаупі үлкен. Мұндай жағдайларда емдеуші дәрігер тиісті ең жоғары дозаны немесе ингаляция түрінде немесе ішке глюкокортикоидтарды тағайындау мүмкіндігін қарастыруы тиіс.
Басқа да ингаляциялық емдегі сияқты, парадоксальді бронх түйілуі сальбутамол қолданғаннан кейін дереу туындауы мүмкін, бұндай жағдайларда препарат қолдануды дереу тоқтату және баламалы ем қолдану керек.
Симптомдарды басу үшін ингаляция түрінде қысқа уақыттық әсер беретін бронх кеңейткіштерді пайдалану қажеттілігін арттыру демікпелік ауруды бақылаудың бәсеңдегенін көрсетеді. Бұндай жағдайларда пациенттің емдеу жоспарын қайта қарау керек. Жай-күйі нашарлаған демікпесі бар пациенттер, сальбутамолмен емге қарамастан немесе бұрынғы тиімді дозасы енді ең кемі үш сағат бойына демікпені бәсеңдетуге әкелмейтін пациенттер барлық қажетті қосымша шаралардың алдын алу үшін медициналық көмекке жүгінуі керек. Мұндай жағдайларда емдеуге баға беру және қабынуға қарсы ем (мысалы, ингаляция түріндегі глюкокортикоидтарды немесе ішке глюкокортикоидтар курсын) тағайындау мүмкіндігін қарастыруы қажет. Дозаны немесе қолдану жиілігін ұлғайтуды тек дәрігер ұсынысы бойынша ғана жасайды.
Сальбутамол ингаляторымен ұзақ мерзімдік емді талап ететін пациенттерге ұдайы бақылау керек.
Демікпелік аурудың кенеттен және өршіп нашарлауы пациенттің өміріне қатер төндіруі мүмкін, мұндай жағдайда кортикостероидтарды қолдану мүмкіндігін қарастыру қажет. Қауіпті топқа жататын пациенттер үшін өкпенің ең жоғары көлемін күн сайын бақылауды жүзеге асыру қажет.
Егер мұның алдында сальбутамолдың ингаляция түрінде қолданылған тиімді дозасы симптомдарды кем дегенде3 сағатта баса алмаса, пациент қосымша шараларды пайдалануы үшін дәрігерге қаралуы керек.
Емдеу тиімділігін арттыру үшін науқасқа ингаляторды дұрыс қолдануды үйреткен және емдеудің басында ингаляторды медицина қызметкерінің бақылауымен қолданған жөн.
Пациенттің препаратты дұрыс қолданатындығына көз жеткізу үшін пациенттерге ингаляторды тиісінше қолдану және ингаляция техникасын тексеру бойынша нұсқау беру керек.
Сальбутамолды тиреотоксикозы, жүрек қызметінің жеткіліксіздігі, артериялық гипертензиясы, аневризмасы, глюкозаға толеранттылығының бұзылуы, қант диабеті, феохромоцитомасы, миокард ишемиясы, тахикардиясы және гипертрофиялық обструктивті кардиомиопатиясы бар пациенттерге және жүрек гликозидтерімен бірге қолданған кезде сақтықпен тағайындайды.
Жүрек-қантамыр аурулары бар, оның ішінде анамнезінде, мысалы, жүректің ишемиялық ауруы, аритмия немесе ауыр жүрек жеткіліксіздігі бар пациенттерге, оларға сальбутамол тағайындаған кезде, көкірегінде ауырсынулар немесе жүрек-қантамыр ауруларының асқынуының өзге симптомдары пайда болған жағдайда дәрігерге міндетті түрде қаралу керектігі ескертілуі тиіс. Ентікпе және көкіректің ауыруы сияқты симптомдардың пайда болуына мұқият баға берген жөн, өйткені олар жүрек-қантамыр, сонымен қатар бронхөкпе функционалдық бұзылуларының салдары болуы мүмкін.
Шұғыл жағдайларда сальбутамолдың жоғары дозаларын қолданудан кейін қан сарысуында лактат концентрациясы жоғарылағаны туралы және сирек жағдайлардалактоцидоз, сальбутамолдозасының қайтымды төмендеуі туралы хабарланғандықтан демікпенің жедел ұстамаларын немесе ауыр өршуін емдегенде сақ болу керек.
Бета-2-адренорецепторлардың агонистерін қолдану потенициалды қауіпті гипокалиемияны тудыруы мүмкін. Демікпенің ауыр ұстамаларында аса сақтық танытқан жөн, өйткені бұл әсер ксантин туындыларын, стероидтарды, диуретиктердібірге қолданумен және гипоксиямен күшеюі мүмкін. Мұндай жағдайларда сарысуда калий концентрациясының деңгейін жүйелі бақылап отыру керек.
Басқа да бета-адренорецепторлар агонистері сияқты сальбутамол қандағы глюкоза концентрациясының жоғарылауы сияқты қайтымды метаболизмдік өзгерістерді туындатуы мүмкін. Диабеті бар пациенттер қандағы глюкоза деңгейінің жоғарылауын компенсациялауға ықпалсыз болуы мүмкін, оларда кетоацидоз дамығаны туралы хабарланған. Глюкокортикоидтарды бір мезгілде қолдану бұл әсерді күшейтуі мүмкін.
Басқа да ингаляциялық ем жағдайындағы сияқты парадоксальді бронх түйілуі дамуының мүмкіндігін ескеру керек. Бұл жағдайда препарат қолдануды дереу тоқтату және баламалы ем бастау керек.
Кейбір пациенттерде рН мәнінің бейтараптан айырмашылығы болатын ерітінділер сирек жағдайларда парадоксальді бронх түйілуін туындатуы мүмкін. Әдетте сальбутамолды және пропранолол сияқты селективті емес бета-блокатор0ларды бір мезгілде тағайындауға болмайды.
Сальбутамолдың құрамында допинг-бақылауда оң нәтиже беретінкомпонент бар.
Егде жастағы пациенттерде қолданылуы
Дозаны түзету талап етілмейді.
Балалар: препарат ересектердің бақылауымен ғана қолданылуы тиіс.
Жүктілік және лактация кезеңі
Сальбутамол ингаляторын жүктілік кезінде тек анасы үшін күтілетін пайдасы шарана үшін қандай да бір қауіптен басымдығы болжанған жағдайда ғана қолдану керек.
Жүктілік үзілуінің және уақытынан бұрын босану қаупін емдегенде сальбутамолды ингаляциялық қолдану қарсы көрсетілімде.
Жүкті әйелдерде сальбутамолды HFA-134aпропеллентіменүйлесімде қолданудың айғақты құжаты жоқ.
Жүктіліктің ерте мерзімінде әдетте ингаляциялық емде қолданылатын бета-симпатомиметиктерді қолдану тәжірибесі дозаның зиянды әсерін анықтамады. Жүктіліктің кешеуілді мерзімінде жоғары жүйелі дозаларды қолдану босану іркілісін және β2-агонистерге тән шарана/ жаңа туған нәрестелерге әсерін, тахикардия және гипогликемия сияқты әсерлерді туындатуы мүмкін. Ингаляциялық ем ұсынылған дозаларындажүктіліктің кешеуілді мерзімінде бұл жағымсыз зиянды әсерлерді туындататыны күтілмейді.
Бала емізу
Сальбутамол ингаляторын лактация кезеңінде анасы үшін күтілетін пайдасы жаңа туған нәрестелерге қандай да бір қаупінен астам болған жағдайларда ғана қолдану керек. Лактация кезеңінде әйелдерде сальбутамолды HFA-134aпропеллентімен үйлесімде қолданудың құжатты айғағы жоқ.
Сальбутамол ана сүтіне бөлінуі мүмкін.
Сальбутамолдың жаңа туған нәрестеге зиянды әсер етуі белгісіз.
Фертильділігі
Сальбутамолдың адамфертильділігіне әсері туралы деректер жоқ.
Дәрілік заттың көлік құралдарын немесе қауіптілігі зор механизмдерді басқару қабілетіне ықпал ету ерекшеліктері
Көлік құралдарын және механизмдерді басқару қабілетіне әсеріне зерттеу жүргізілмеген.
Артық дозалануы
Симптомдары: көбірек жиілікпен - гипокалиемия, артериялық қысымның төмендеуі, қозу, тахикардия, бұлшықет тремор, жүрек айнуы, құсу; жиілігі аздау - гипергликемия, респираторлы алкалоз, гипоксемия, бас ауыру; сирек – елестеулер, құрысулар, тахиаритмия, қарыншалардың жыбырлауы, шеткері қантамырлардың кеңеюі.
Емі: сальбутамол артық дозаланғанда күшті антидоттар кардиоселективті бета-адреноблокаторлар болып табылады. Алайда β-адренорецепторлардың блокаторларын бронх түйілуінің пайда болу қаупіне байланысты сақтықпен қолдану қажет. Сальбутамолдың үлкен дозаларын қолдану гипокалиемияны тудыруы мүмкін, сондықтан артық дозаланғанына күдіктенген кезде, ауыр гипокалиемиясы бар пациенттерден басқасында,қан сарысуында калий деңгейін бақылаған және калийдің ішу арқылы қабылданатын препараттарының тапшылығының орнын толтырған жөн, мұндай жағдайда калий препараттарын вена ішіне енгізу қажет етілуі мүмкін.
Шығарылу түрі және қаптамасы
Ингаляцияға арналған, дозаланған, 100 мкг/доза, 200 доза аэрозоль дозалаушы қақпақшамен, шашыратқыш қондырғымен және қорғағыш қалпақшамен жабдықталған алюминий баллонда.
1 баллон медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынған.
Сақтау шарттары
30 ºС-ден аспайтын температурада сақтау керек.
Балалардың қолы жетпейтін жерде сақтау керек!
Тура түсетін күн сәулесінен қорғау керек, жылу көздеріне жақын жерде сақтамау керек.
Мұздатып қатыруға болмайды.
Сақтау мерзімі
3 жыл
Жарамдылық мерзімі аяқталғаннан кейін қолдануға болмайды.
Дәріханадан босатылу шарттары
Рецепт арқылы
Өндіруші
Лабораторио Альдо-Юнион С.Л., к/Баронесса де Мальда, 73 08950 Эсплугес де Льобрегат, Барселона қ., Испания
Тіркеу куәлігі иесінің атауы және елі
«Интели Генерикс Норд» ЖАҚ, Шейминишкю к-сі 3, 09312
Вильнюс қ., Литва Республикасы
Қаптаушы ұйымның атауы және елі
Лабораторио Альдо-Юнион С.Л., Испания
Қазақстан Республикасы аумағында тұтынушылардан өнім (тауар)сапасына қатысты шағымдарды қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы
«TV-Pharma» ЖШС, Алматы қ., Жетісу ы/а 3, 1 үй, 7 пәтер
Тел/факс: (727) 376-8082
Электронды поштасы:Valera.tv.pharma@gmail.com
