Рибоксин 20 мг/мл 5 мл №10,амп

Сипаттама

Дәрілік затты медициналық қолдану жөніндегі нұсқаулық

Рибоксин

Саудалық атауы

Рибоксин

Халықаралық патенттелмеген атауы

Инозин

Дәрілік түрі

Инъекцияға арналған ерітінді 20 мг/мл 5 мл

Құрамы

Бір ампуланың (5 мл) ішінде

белсенді зат – 100 мг инозин ( 100% затқа шаққанда),

қосымша заттар: гексаметилентетрамин, 1 М натрий гидроксидінің ерітіндісі, инъекцияға арналған су.

Сипаттамасы

Мөлдір түссіз немесе әлсіз боялған сұйықтық

Фармакотерапиялық тобы

Жүрек-қантамыр жүйесі ауруларын емдеуге арналған препараттар. Жүрек ауруларын емдеуге арналған басқа да препараттар. Басқа да кардиотонустық препараттар.

АТХ коды С01ЕВ

Фармакологиялық қасиеттері

Фармакокинетикасы

Глюкуронқышқылын түзіп, артынан оны тотықтандыра отырып, бауырда метаболизденеді. Несеппен бірге болымсыз мөлшерде бөлініп шығады.

Фармакодинамикасы

Рибоксин – пурин туындысы (нуклеозид) – аденозин-трифосфат (АТФ) ізашары. Метаболизм үдерісін стимуляциялайтын дәрілік заттар тобына жатады. Гипоксияға қарсы және аритмияға қарсы әсер білдіреді. Миокардтың энергетикалық теңгерімін арттырады, коронарлық қанайналымын жақсартады, бүйректің интраоперациялық ишемиясының салдарының алдын алады. Глюкоза алмасуына тікелей қатысады және гипоксия және АТФ болмаған жағдайда алмасудың белсенділенуіне ықпал етеді.

Қалыпты жағдайдағы тіндік тыныс алу үдерісін қамтамасыз ету үшін қажетті пирожүзім қышқылының метаболизмін белсендіреді, сондай-ақксантин-дегидрогеназаның белсенділенуіне ықпал етеді. Нуклеотидтер синтезін стимуляциялайды, Кребс циклінің кейбір ферменттерінің белсенділігін күшейтеді. Жасушаларға өтіп миокардтағы метаболизм үдерісіне оң әсер етеді – жүректің жиырылу күшін күшейтеді және миокардтыңдиастолада толық босаңсуына ықпал етеді, соның нәтижесінде екпінді көлемі артады. Аритмияға қарсы әсерінің механизмітолық анықталмаған.

Тромбоциттер агрегациясын төмендетеді, тіндер (әсіресе миокард пен АІЖ шырышты қабатының) регенерациясын белсендіреді.

Қолданылуы

- миокард инфарктісін, жүректің ишемиялық ауруын, инфекциялық аурулардан кейінгі миокардиодистрофия аясында жүрек гликозидтерінқолданумен байланысты жүрек ырғағының бұзылуындағы кешенді емде;

– бауыр ауруларын (гепатит, цирроз, бауырдың май дистрофиясы) және урокопропорфирияны кешенді емдеуде;

– бүйрекке операцияларда (қан айналымы тоқтатылған фармакологиялық қорғайтын дәрі ретінде).

Қолдану тәсілі жәнедозалары

Препаратвена ішіне сорғалатып баяу немесе тамшылатып (1 минутта 40-60 тамшы) қолданылады. Емді 200 мг (10 мл ерітінді 20 мг/мл) күніне 1 рет енгізуден бастайды, содан кейін, жақсы жағымдылығында дозаны күніне 1-2 рет400 мг дейін (20 мл ерітінді 20 мг/мл) арттырады. Емдеу ұзақтығы 10-15 күн.

Жүрек ырғағының жедел бұзылуында 200-400 мг (10-20 мл ерітінді 20 мг/мл) бір реттік дозада препаратты сорғалатып енгізуге болады.

Ишемияланған бүйректіфармакологиялық қорғау үшін Рибоксинді вена ішіне сорғалатып бір реттік 1,2 г дозада (60 мл ерітінді 20 мг/мл) бүйрек артериясынқысқанға дейін5-15 минутбұрын, ал содан кейін тағы 0,8 г (40 мл ерітінді 20 мг/мл) дереу қан айналымы қалпына келгеннен кейін енгізеді.

Вена ішіне20 мг/млерітіндіні тамшылатып енгізгенде 5 %декстрозаның (глюкозаның) немесе натрий хлоридінің (250 мл дейін) изотониялық ерітіндісіндесұйылтады.

Жағымсыз әсерлері

- бөрту, қышыну, тері гиперемиясы, есекжем, анафилаксиялық шокты қоса,аллергиялық/анафилаксиялық реакциялар;

- липодистрофия;

- тахикардия, бас ауыруы, бас айналуы, жүрек айнуы, құсу, тершеңдікпен қатар жүруі мүмкін артериялық гипотензия;

Сирек жағдайларда емдегенде қанда несеп қышқылы деңгейінің жоғарылауы, ұзақ уақыт емдегенде подаграның өршуі байқалуы мүмкін.

Қолдануға болмайтын жағдайлар

- препаратқа жоғары сезімталдық;

- подагра;

- гиперурикемия;

- бүйрек жеткіліксіздігі;

- жүктілік, лактация кезеңі;

- 18 жасқа дейінгі балаларға.

Дәрілермен өзара әрекеттесуі

Бір мезгілде қолданғанда анаболикалық стероидтар мен стероидты емес анаболикалық дәрілердің әсерін күшейтеді.

Теофиллиннің бронхолитикалық әсерін және кофеиннің психостимуляциялайтын әсерін бәсеңдетеді.

Кешенді ем құрамында қолданғанда Рибоксин аритмияға қарсы, антиангинальді және инотропты дәрілік препараттардың тиімділігі жоғарылауына ықпал етеді.

Рибоксинді бета-адреноблокаторлармен бір мезгілде қолданғанда Рибоксиннің әсері төмендемейді. Жүрек гликозидтерімен біріктіргенде препарат аритмияның пайда болуының алдын алуы және инотропты әсерін күшейтуі мүмкін.

Иммунодепрессанттармен бір мезгілде қолданғандатиімділігі төмендейді.

Рибоксиннің басқа топтағы дәрілік препараттармен клиникалық мәні бар өзара әрекеттесуі сипатталмаған.

Рибоксинді препараттардың химиялық сыйымсыздығынан сақ болу үшін, басқа дәрілік заттармен бір шприцте араластыруға болмайды.

Айрықша нұсқаулар

Рибоксинді ұзақ қолданғанда подагра өршуі мүмкін. Рибоксинді ұзақ қолданғанда қандағы несеп қышқылы деңгейін бақылау қажет.

Рибоксин жүрек қызметінің бұзылуларын шұғыл түзету үшін қолданылмайды.

Терінің қышынуы және гиперемия пайда болғанда препаратты тоқтату керек.

Педиатрияда қолдану

Балаларға қолдану қауіпсіздігі жөнінде жеткілікті деректердің болмауына байланысты, балаларға және 18 жасқа дейінгі жасөспірімдерге қолдану ұсынылмайды.

Лейкопения кезінде қолдану

Шеткері қанның нейтрофилдер деңгейі бір литрде 1,5´10⁹ төмен болғанда қолдануға болмайды

Рибоксинді тағайындаған кезде бүйрек функциясы бұзылған емделушілерге айрықша сақтық керек. Бұл орайда қандағы несеп қышқылы мен мочевина деңгейін бақылау ұсынылады.

Жүктілік пен лактация кезеңі

Қауіпсіздігі жөніндегі деректер жоқтығына байланысты препаратты жүктілік немесе бала емізу кезеңінде қолдануға болмайды.

Препараттың автокөлікті немесе қауіптілігі зор механизмдерді басқару қабілетіне әсер ету ерекшеліктері

Көлік құралдарын немесе қауіптілігі зор механизмдерді басқару кезінде сақ болу қажет.

Артық дозалануы

Қазіргі кезде препаратпен артық дозалану жағдайлары байқалмаған. Симптомдары: жоғары дозаларды енгізген кезде бүйрек функциясы бұзылған науқастарда жүрек айнуы, асқазанның ауыруы, жүрек ырғағының (блокада типінде) бұзылуы пайда болуы мүмкін.

Емі: препаратты тоқтату, симптоматикалық емдеу, қажет болғанда тері астына 200-400 мг натрий кофеин-бензоатын енгізуге болады. Арнайы антидоты жоқ.

Шығарылу түрі және қаптамасы

5 мл шыны ампулаларда.

Әрбір ампулаға өздігінен жабысатын заттаңба жапсырылады немесе мәтінді ампулаға жылдам жабысатын бояу баспаны тереңдетілген әдіспен жазады.

10 ампуладан ампулаларды ашуға арналған пышағымен немесе скарификаторымен бірге гофрланған қағаздан жасалған гофрланған қосымша парағымен хром-эрзац картоннан, макулатуралық немесе полиграфиялық картоннан жасалған қорапқа салынған.

Қорапты офсеттік қағаздан немесе көп түстi баспа қағазынан жасалған заттаңба-бандерольмен желiмдейдi.

Қораптар медициналық қолдану жөніндегі мемлекеттік және орыс тілдеріндегі нұсқаулықтарменбірге топтық қаптамаға салынған.

Медициналық қолдану жөнінде мемлекеттік және орыс тілдеріндегі нұсқаулықтар саны қораптар санына сәйкесболуы керек.

10 ампуладан ампулаларды ашуға арналған пышағымен немесе скарификаторымен және медициналық қолдану жөніндегі мемлекеттік және орыс тілдеріндегі нұсқаулықпенбіргебір немесе екі ампулаларды бекітетін хром-эрзац картоннан немесе целлюлоза картоннан жасалған қосымшасымен хром-эрзац картоннан немесе целлюлоза картоннан жасалған қорапқа салынған.

Сындыру сақинасы немесе сындыру кертігі және сындыру нүктесі бар ампулаларды қолданған жағдайдаампулаларды ашуға арналған пышақ немесе скарификатор салынбайды.

Техникалық мүмкіндік болмаған жағдайда, бір медициналық қолдану жөніндегі нұсқаулықты қорапқа салуға, ал екіншісін топтық қаптамаға салуға рұқсат етіледі (медициналық қолдану жөніндегі нұсқаулық қай тілде екеніне қарамастан – мемлекеттік немесе орыс тілінде ме). Қораптарды екі тілдің біріндегі медициналық қолдану жөніндегі нұсқаулықпен бірге топтық қаптамаға салады. Топтық қаптамадағы медициналық қолдану жөніндегінұсқаулықтар санықораптар санына сәйкесболуы керек.

Топтық қаптама және көліктік бума 17768-90 МС сәйкес.

Сақтау шарттары

Жарықтан қорғалған жерде, 15 ºС-ден 25 ºС-ге дейінгі температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл.

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші/Қаптаушы

«Борисов медициналық препараттар зауыты» ашық акционерлік қоғамы, Беларусь Республикасы, Минск обл., Борисов қ., Чапаев к-сі, 64, тел/факс +375(177)734043.

Тіркеу куәлігінің ұстаушысы

«Борисов медициналық препараттар зауыты» ашық акционерлік қоғамы, Беларусь Республикасы

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы

Қазақстан Республикасы, 050026. Алматы қ., Нұрмақов к-сі 26/195, 39 пәтер, тел/факс: +7 (727) 2911 198, тел: +7 777 7040709, +7 777 2306494;

Е-mail: pvqa-bzmp-kz@mail.ru

Дәріханалар