Сипаттама
Дәрілік затты медициналық қолдану жөніндегі нұсқаулық
Саудалық атауы
ПроктозанÒ Нео
Халықаралық патенттелмеген атауы
Жоқ
Дәрілік түрі, дозалануы
Сыртқа қолдануға арналған жақпамай, 20 г
Фармакотерапиялық тобы
Жүрек-қантамыр жүйесі. Вазопротекторлар. Антиварикоздық ем. Жергілікті қолдануға арналған гепарин немесе гепариноидтар. Гепарин біріктірілімдер
АТХ коды С05ВA53
Қолданылуы
- сыртқы және ішкі геморройда
- артқы өтістің геморроидальді веналар тромбофлебитінде
- анус аймағындағы жыланкөздер, экзема және қышуда
- анус сызаттарында
- аноректальді аймақтағы операциялық араласуға даярлауда
- тромбаланған немесе операция жасалған геморройдың кешенді емі құрамында
- препарат компоненттеріне аса жоғары сезімталдық
- терінің бактериялық, вирустық, зеңдік зақымдануы
- туберкулез
- мерез
- тері ісіктері
- қан кетуге бейімділік
- вакцина енгізуге реакциялар
- жүктіліктің I триместрі
- 12 жасқа дейінгі балаларға
- аллергиялық реакциялар, тері гиперемиясы
Қолдануды бастағанға дейін қажетті мәліметтер тізбесі
Қолдануға болмайтын жағдайлар
Қолдану кезінде қажетті сақтық шаралары
Басқа кортикостероидтармен емдеу кезіндегідей, сақтық танытқан жөн, препаратты көп мөлшерде немесе ұзақ уақыт бойы қолданбау керек.
Препараттың құрамына кіретін ланолин жергілікті тері реакцияларын (мысалы, жанаспалы дерматит) тудыруы мүмкін.
Басқа дәрілік препараттармен өзара әрекеттесуі
Басқа дәрілік заттармен өзара әрекеттесуі айқындалмаған.
Ректальді қолдануға арналған басқа препараттармен бір мезгілде қолдануға болмайды.
Арнайы ескертулер
Жүктілік және лактация кезінде қолдану
Жүктіліктің ІІ және ІІІ триместрі кезінде пайда/қауіп арақатынасын бағалап алып, қолдану керек. Лактация кезеңінде дәрігердің кеңесінен кейін қолдану керек.
Дәрілік заттың көлік құралдарын жүргізуге немесе қауіптілігі зор механизмдерді басқару қабілетіне әсер ету ерекшеліктері
Көлік құралдарын немесе қауіптілігі зор механизмдерді басқару қабілетіне әсер етпейді.
Қолдану жөніндегі нұсқаулар
Сыртқа, жақпамайды жұқалап зақымданған бөліктерге тәулігіне 2-4 рет; ауыру сезімдері басылғаннан кейін – 7 күн бойы тәулігіне 1 рет жағады.
Ректальді. Жақпамайды енгізу үшін қоса берілетін бұрандалы ұштық пайдаланылады, оны тік ішек қуысына енгізіп, түбекті жеңіл ғана басып, аз ғана жақпамай сығып шығарылады.
ПроктозанÒ Нео препаратын әрдайым Сізге емдеуші дәрігер ұсынғандай қолданыңыз. Егер Сіз препаратты қолданудың дұрыстығына күмәндансаңыз, дәрігермен кеңесу керек.
Дәрілік препаратты стандартты қолдану кезінде байқалатын жағымсыз реакциялардың сипаттамасы
Жағымсыз дәрілік реакциялардың туындау жиілігі ДДҰ жіктеуіне сәйкес анықталған: өте жиі (>1/10), жиі (>1/100, ≤1/10), жиі емес (>1/1000, ≤1/100), сирек (>1/10000, ≤1/1000), өте сирек (1/10000 аздау), жиілігі белгісіз (қолда бар деректер бойынша анықтау мүмкін емес).
Өте сирек
Ұзақ қолданған кезде және/немесе үлкен беткейге жаққан кезде жүйелік жағымсыз әсерлері болуы мүмкін
- сызаттардың регенерация үдерісінің баяулауы
- ісінулер
Егер кез келген жағымсыз әсері күрделі болса немесе осы нұсқаулықта көрсетілмеген қандай да бір жағымсыз әсерлерді байқасаңыз, бұл туралы міндетті түрде дәрігеріңізге немесе фармацевтке хабарлаңыз.
Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз
Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК
http://www.ndda.kz
Қосымша мәліметтер
Дәрілік препараттың құрамы
1 г жақпамайдың құрамында
белсенді заттар - натрий гепарині, 65 ХБ,
преднизолон ацетаты, 2,233 мг,
полидоканол (макрогол лаурил эфирі), 30 мг,
қосымша заттар: қатты парафин, сұйық парафин, ланолин, сусыз коллоидты кремнийдің қостотығы.
Сыртқы түрінің, иісінің, дәмінің сипаттамасы
Сарғыш-ақ жартылай мөлдір, өзіне тән иісі бар гель тәріздес жақпамай
Шығарылу түрі және қаптамасы
20 г-ден жарғақшаны тесуге арналған құралы бар пластмассадан жасалған бұралып жабылатын қақпағымен жабылған, қорғағыш алюминий жарғақшасы бар алюминий сықпада.
Сықпаны медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салады.
Сақтау мерзімі
3 жыл
Сықпаны алғаш ашқаннан кейін – 28 күн.
Жарамдылық мерзімі өткеннен кейін қолдануға болмайды!
Сақтау шарттары
25 °С-ден аспайтын температурада сақтау керек.
Балалардың қолы жетпейтін жерде сақтау керек!
Дәріханалардан босатылу шарттары
Рецепт арқылы
Өндіруші туралы мәлімет
Хемофарм А.Д. Вршац,
Шабац өндірістік алаң-филиалы, Сербия
15000 Шабац қ.,
Hajduk Veljkova н/ж
тел.: 13/803100
факс: 13/803424
Тіркеу куәлігінің ұстаушысы
Хемофарм А.Д. Вршац, Сербия
26300 Вршац қ.,
Белградский путь б/н
тел.: 13/803100
факс: 13/803424
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
«ЕҰ «Нижфарм-Қазақстан» ЖШС
050011, Қазақстан Республикасы,
Алматы қ., Сүйінбай даңғылы, 258В үй
тел.: (727) 2222-100
факс: (727) 398-64-95
e-mail: almaty@stada.kz
