Біздің компаниямыз жайлы жалпы ақпарат.
Дәрілік затты медициналық қолдану
жөніндегі нұсқаулық
Преднизолон
Саудалық атауы
Халықаралық патенттелмеген атауы
Преднизолон
Дәрілік түрі
Сыртқа қолдануға арналған жақпамай, 5 мг/г
Құрамы
Бір сықпаның ішінде
белсенді зат - преднизолон – 0.05 г,
қосымша заттар: глицерин, ақ жұмсақ парафин, стеарин қышқылы, макроголдың цетостеарил эфирі (кремофор А 6, кремофор А 25), метилпарагидроксибензоат, пропилпарагидроксибензоат, тазартылған су
Сипаттамасы
Консистенциясы біртекті ақ түсті жақпамай
Фармакотерапиялық тобы
Дерматология. Кортикостероидтар, дерматологиялық препараттар. Кортикостероидтар,қарапайымдар.Белсенділігітөмен глюкокортикостероидтар (I топ). Преднизалон.
АТХ коды D07AA03
Фармакологиялық қасиеттері
Преднизолонның сіңірілуі жергілікті қолданған кезде жүзеге асады және белсендізаты қан ағымына түседі. Плазмада 90% преднизолон байланысқан күйде (транскортинмен және альбуминмен) болады. Көбінесе бауырда тотығу арқылы биоөзгеріске ұшырайды; тотыққан түрлері глюкуронданады немесе сульфаттанады.
Метаболиттер түрінде несеппен және нәжіспен, ішінара - өзгеріссіз күйде шығарылады. Плацентарлық бөгет арқылы өтеді және аздаған мөлшерлерде емшек сүтінен табылады.
Преднизолонның сіңуі қатпарлы бөлікке, бет терісіне және зақымданған теріге жаққанда ұлғаяды. Окклюзиялық таңғыштарды пайдалану сіңірілуінің артуына алып келеді.
Мұнымен қоса, дәрілік затты жиі және ұзақ пайдаланғанда, терінің үлкен бөліктеріне жаққанда сіңуі артады. Тері арқылы сіңірілуі ересектерге қарағанда балаларда жоғары болады.
Фармакодинамикасы
Преднизолон - сусыздандырылған гидрокортизонның аналогы. Сыртқа қолданған кезде қабынуға қарсы, аллергияға қарсы, қышынуға қарсы және антиэкссудаттық әсер көрсетеді.
Қабыну медиаторларының (гистамин, кинин, лизосомалық ферменттер) түзілуін, босап шығуын және белсенділігін бәсеңдетеді. Жасушалардың қабынған жерге көшуін бәсеңдетеді; қабыну ошағындағы тамырлардың вазодилатациясын және жоғары өткізгіштігін азайтады.
Вазоконстрикторлық әсерінің арқасында экссудацияны азайтады.
Қолданылуы
- шығу тегі микробтық емес терінің қабыну және аллергиялық ауруларын кешенді емдеуде: есекжем, экзема, аллергиялық, себореялық және жанаспалы дерматиттер, нейродермит, псориаз, қызыл жегі, эритродермия.
Қолдану тәсілі және дозалары
Сыртқа. Жақпамайды терінің зақымданған бөліктеріне тәулігіне 1-3 рет жұқалап жағады.
Жақпамай жағатын жерлерде окклюзиялық таңғышты пайдаланбаған немесе кез келген басқа тәсілмен окклюзиялық әсерін туғызбаған жөн. Мүмкіндігінше 1 аптадан асатын үздіксіз емдеу кезінде дене беткейінің 10 %-нан асыра жақпамай жағылуын болдырмаған дұрыс.
Емдеу курсының ұзақтығы аурудың сипаты мен емнің тиімділігіне байланысты, ол әдетте 6-14 тәулік болады. Дәрілік затты дәрігердің кеңесінсіз 14 күннен ұзақ қолданбаған жөн.
Дәрілік затты 1 жастан асқан балаларға тағайындаған кезде емдеудің жалпы ұзақтығын 3-7 тәулікке дейін шектеген және кортикостероидтар (қыздыратын, бекітетін және окклюзиялық таңғыштар) сіңуінің күшеюіне әкелетін шараларды жоққа шығармаған жөн.
Жағымсыз әсерлері
- гиперемия, препарат жағылған жер аумағындағы ісіну, қышынуды сезіну, стероидты безеулер, телеангиэктазиялар, күйдірулер, тітіркену, терінің құрғауы, әсіресе жеке көтере алмаушылықпен пациенттерде
- терінің салдарлы инфекциялық зақымдануы, ондағы атрофиялық өзгерістер, гипертрихоз (препаратты ұзақ уақыт қолданған кезде)
- преднизолонның сіңірілу әсерінің көрінісі ретінде гиперкортицизм (әсіресе аумақты жерлерде ұзақ уақыт қолданған кезде). Бұл жағдайларда препаратты қолдану тоқтатылады.
Қолдануға болмайтын жағдайлар
- препарат компоненттеріне жоғары сезімталдық
- Кушинг синдромы
- терінің зеңдік, бактериялық, вирустық аурулары, желшешек, қарапайым герпес, тері туберкулезі, мерездің теріде білінуі, жарақатты, ойық жаралы зақымданулар, кәдімгі безеулер, қызғылт безеулер, периоральді дерматит, тері ісіктері
- вакцинация кезеңі
- 1 жасқа дейінгі балалар.
- жүктілік, бала емізу кезеңі
Гирсутизмнің және безеулердің пайда болуына преднизолонмен басқа да глюкокортикостероидтарды, андрогендерді, эстрогендерді, пероральді контрацептивтерді және стероидты анаболиктерді бір мезгілде қабылдау ықпал етеді.
Преднизолон антикоагулянттардың ұюға қарсы әсерін күшейтеді. Салицилаттар қабылдау аясында қан кетулер ықтималдығын арттырады. Диуретиктермен бір мезгілде қабылдағанда электролиттік алмасудың бұзылу мүмкіндігін жоғарылатады. Жүрек гликозидтерімен уыттану қаупін күшейтеді. Диабетке қарсы препараттардың гипогликемиялық әсерін азайтады және рифампициннің бактерияға қарсы белсенділігін төмендетеді. Антацидті препараттармен үйлестіру ұсынылмайды.
Дәрілік затты ең аз дозаларда және тиістіемдік әсеріне жетугеқажетті ең аз қысқа мерзімде тағайындаған жөн. Емдеуді дәрігердің бақылауымен жүргізу керек.
Дәрілік затты ұзақ қолданғанда күрт тоқтату қауіпті. Аурудың өршуі және пациенттің жалпы жағдайының нашарлауы мүмкін. Сондықтан дәрілік затты біртіндеп тоқтату керек. Емдеу үдерісінде окулист бақылауы, артериялық қысымды (АҚ) бақылау қажет. Анамнезде психозға нұсқауы болғанда дәрігердің қатаң бақылауымен жоғары дозалар тағайындалады.
Кортикостероидтарды қысқа курспен және профилактика үшін емес, тек өршуін емдеу үшін ғана қолдану қажет. Тері жабынының кортикостероидтармен өңделетін ең жоғары шекті ауданы дене беткейінің 20 %-нан аспауы тиіс.
Иммун тапшылығы жағдайы кезінде сақтықпен қолданған жөн (оның ішінде ЖИТС немесе АИТВ-инфекция жұқтырған). Емдеу кезеңінде кортикостероидтардың иммунодепрессиялық әсері салдарынанвакцинацияны жүргізбеген жөн. Дәрілік затты жарақатқа, шырышты қабыққа, көзге тигізбеген дұрыс. Бет терісіне дәрілік затты 5 күннен артық қолданбау керек, өйткені беттің терісі атрофиялық өзгерістердің дамуына анағұрлым сезімтал болып келеді.
Сыртқа қолдануға арналған басқа кортикостероидтар сияқты Преднизолон дәрілік затын глаукома немесе субкапсулярлық катарактаның даму қаупіне байланысты көз аймағының терісіне жақпаған жөн.
Дәрілік затты аурудың қайталану ықтималдығы, төзімділік дамуы, пустулезді псориаздың жайылуы мен жергілікті немесе терінің бөгеттеу функциясының бұзылуынан жүйелік уыттылықтың даму қаупі салдарынан псориазға шалдыққан пациенттерге аса сақтықпен қолдану керек. Кортикостероидтар қолданған жағдайда псориазға шалдыққан пациенттерді мұқият бақылауға алады.
Кортикостероидтар диагноз қойылуын қиындататын кейбір тері зақымдануларының сыртқы түрін өзгертуі мүмкін. Инфекциялық тері зақымдануларын болдырмас үшін жақпамайды бактерияға қарсы және зеңге қарсы дәрілермен үйлесімде тағайындау ұсынылады.
Артық дозалануы
Дәрілік затты көп мөлшерде ұзақ уақыт қолданғанда гиперкортицизм симптомдарының білінуі мүмкін.
Емі: дәрілік затты тоқтату және симптоматикалық ем.
Шығарылу түрі және қаптамасы
10 г препараттан алюминий сықпаға салынады. Әрбір сықпа медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынады.
Сақтау шарттары
2 ºС-ден 8 ºС-ге дейінгі температурада сақтау керек.
Балалардың қолы жетпейтін жерде сақтау керек.
Сақтау мерзімі
2 жыл
Жарамдылық мерзімі өткеннен кейін қолдануға болмайды.
Рецепт арқылы.
Өндіруші
«Борисов медициналық препараттар зауыты» ашық акционерлік қоғамы,
Беларусь Республикасы, Минск обл., Борисов қ., Чапаев к-сі, 64,
тел/факс +375(177)734043.
Тіркеу куәлігінің иесі
«Борисов медициналық препараттар зауыты» ашық акционерлік қоғамы,
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта).
Қазақстан Республикасы, 050026. Алматы қ., Нұрмақов к-сі 26/195, 39 пәтер,тел/факс: +7 (727) 2911 198, тел: +7 777 7040709, +7 777 2306494;
Е-mail: pvqa-bzmp-kz@mail.ru
