Біздің компаниямыз жайлы жалпы ақпарат.
Дәрілік затты медициналық қолдану жөніндегі нұсқаулық
Пимафуцин®
Саудалық атауы
Пимафуцин®
Халықаралық патенттелмеген атауы
Натамицин
Дәрілік түрі
Сыртқа қолдануға арналған крем 2%, 30 г
Құрамы
белсенді зат - 20 мг натамицин,
қосымша заттар: цетостеарил спирті, натрий лаурилсульфаты, пропиленгликоль, цетил эфирлерінің негізіндегі балауыз, децил олеаты (цетиол), метилпарагидроксибензоат, пропилпарагидроксибензоат, тазартылған су
Сипаттамасы
Ақ немесе сәл сарғыш түсті крем
Фармакотерапиялық тобы
Дерматология. Тері ауруларын емдеуге арналған зеңге қарсы препараттар. Жүйелі қолдануға арналған зеңге қарсы препараттарЗеңге қарсы антибиотиктер. Натамицин.
АТХ коды D01AA02
Фармакологиялық қасиеттері
Фармакокинетикасы
Натамицин – жергілікті әсер ететін препарат, іс жүзінде зақымданбаған тері арқылы сіңбейді.
Фармакодинамикасы
Зеңге қарсы фунгицидті әсер ететін полиенді антибиотик. Натамицин жасуша жарғақшаларының стеролдарымен байланысып, олардың тұтастығын және функциясын бұзады, бұл микроорганизмдердің қырылуына әкеп соғады. Натамицинге көптеген патогенді ашытқы зеңдері, әсіресе Candida spp. сезімтал. Дерматофиттер сезімталдығы кемдеу. Клиникалық тәжірибеде ашытқы зеңдері арасында натамицинге төзімділік кездеспейді.
Қолданылуы
- тері мен шырыштардың сезімтал ашытқы, ашытқы тәрізді зеңдер және дерматофиттерден болған инфекцияларында, оның ішінде баланопоститте, отомикозда
Қолдану тәсілі және дозалары
Тері мен шырышты қабаттардың кандидоздарында кремді бір немесе бірнеше рет, әдетте тәулігіне 4 ретке дейін жағады.
Сыртқы есту жолының кандидозды микозында зақымданған жерінекремді бір немесе бірнеше рет, әдетте тәулігіне 4 ретке дейін жағады. Препаратты қолданар алдында құлақты тазартады. Препаратты қолданғаннан кейін есту жолына табиғи материалдан (мақта, жүннен) жасалған турунда салады.
Крем түріндегі Пимафуцинді® жұптастардың жыныс мүшесінің кандидозды зақымдануын емдеу үшін пайдаланады.
Баланопоститте кремді терінің зақымданған жеріне бір немесе бірнеше рет, әдетте тәулігіне 4 ретке дейін жағады.
Емдеу курсының ұзақтығын дәрігер әр адамға жекелей белгілейді. Ауру симптомдары жоғалғаннан кейін емді тағы бес күнге жалғастыру керек.
Жағымсыз әсерлері
- жеңіл тітіркену, күйдіру сезімі(қолданған жерде)
Қолдануға болмайтын жағдайлар
- препарат компоненттеріне аса жоғары сезімталдық
Дәрілермен өзара әрекеттесуі
Дәрілік өзара әрекеттесулері сипатталмаған.
Айрықша нұсқаулар
Педиатрияда қолданылуы
Жаңа туған кезінен бастап Пимафуцинді® балаларға тағайындауға болады.
Жүктілік жәнелактация кезеңі
Пимафуцин® лактация және жүктілік кезеңінде де қолданылуы мүмкін.
Дәрілік заттардың автомобиль немесе қауіптілігі зор механизмдерді басқару қабілетіне әсер ету ерекшеліктері
Әсер етпейді.
Артық дозалануы
Пимафуцин® препаратының артық дозалану жағдайлары туралы қазіргі кезде хабарланбаған.
Шығарылу түрі және қаптамасы
30 г препараттан бұралатын қақпағы бар алюминий сықпаға салынған.
1 сықпадан медициналық қолдану жөніндегі нұсқаулықпен бірге картон қорапшаға салынады.
Сақтау шарттары
25 оС-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Қаптамасында көрсетілген жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецепт арқылы
Өндіруші ұйымның атауы мен елі
Теммлер ИталиаС.р.Л., Виа деле Индустри 2, 20061 Каругате, Милан, Италия
Тіркеу куәлігі ұстаушысының атауы мен елі
ЛЕО Фарма А/С, 55, Индустрипаркен, ДК-2750 Баллеруп, Дания
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсынымдарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта):
«Дельта Медикел Промоушнз АГ» АҚ өкілдігі (Швейцария),
050040, Алматы қ., Бостандық ауданы, Байзақов к-сі, 280 үй,
Тел./факс: +7 (727) 332 20 79.
Электронды пошта: DrugSafety@deltaswiss.eu