Оксивин-DF 0.05 % 10 мл спрей назальный

Сипаттама

Дәрілік препаратты медициналық қолдану

жөніндегі нұсқаулық (Қосымша парақ)

Саудалық атауы

Оксивин-DF^®

Халықаралық патенттелмеген атауы

Оксиметазолин

Дәрілік түрі, дозалануы

Мұрынға арналған спрей 0,025%, 0,05 %10 мл

Фармакотерапиялық тобы

Респираторлық жүйе. Мұрынға арналған препараттар. Деконгестанттар және жергілікті қолдануға арналған басқа мұрынға арналған препараттар. Симпатомиметиктер, қарапайымдар. Оксиметазолин.

АТХ коды R01AA05

Қолданылуы

- жедел, аллергиялық, вазомоторлы ринит

- риносинусит

- ринитпен байланысты евстахиит

- диагностикалық процедуралар алдында мұрын қуысының шырышты қабығының ісінуін жою

Қолданудың басталуына дейінгі қажетті мәліметтер тізбесі

Қолдануға болмайтын жағдайлар

- әрекет етуші затқа немесе қосымша заттардың кез келгеніне аса жоғары сезімталдық

- атрофиялық ринит

- айқын атеросклероз

- созылмалы жүрек жеткіліксіздігі

- аритмиялар

- артериялық гипертензия

- созылмалы бүйрек жеткіліксіздігі

- қуық асты безінің гиперплазиясы

- моноаминоксидаза тежегіштерін бір мезгілде қабылдау және оларды қолдану аяқталғаннан кейін 14 күнге дейінгі кезең

- транссфеноидальды гипофизэктомиядан немесе қатты ми қабығына жүргізілген басқа хирургиялық араласудан кейінгі жағдайлар

- қант диабеті

- тиреотоксикоз, гипертиреоз

- жабық бұрышты глаукома

- көздің ауыр аурулары

- феохромацитома

- порфирия

- 1 жасқа дейінгі балалар (Оксивин-DF® үшін 0,025%)

- 6 жасқа дейінгі балалар (Оксивин-DF® үшін 0,05%)

Қолдану кезінде қажетті сақтық шаралары

Оксивин-DF^® препаратын ұзақ қолданудан аулақ болу керек, себебі бұл оның емдік әсерінің әлсіреуіне әкелуі мүмкін.

Ұсынылған дозадан өздігінен асырмау және препаратты 5-7 күннен артық қолданбау керек.

Жүректің ишемиялық ауруы (ЖИА) кезінде сақтықпен қолдану қажет.

Мұрынға арналған препаратты ұзақ қолданғанда және артық дозаланғанда тамырды тарылтатын препараттың әсері (тахифилаксия) төмендеуі мүмкін. Осы препараттарды дұрыс пайдаланбау нәтижесінде пайда болуы мүмкін:

- мұрын шырышты қабығының реактивті гиперемиясы (рикошет феномені)

- мұрын шырышты қабығының созылмалы ісінуі (дәрі-дәрмектік ринит)

- мұрын шырышты қабығының атрофиясы

Мұрынға арналған спрей құрамындағы консервант (бензалконий хлориді), әсіресе ұзақ қолданғанда мұрын шырышты қабығының ісінуін тудыруы мүмкін. Егер мұндай реакцияға күдік болса (мұрынның тұрақты бітелуі), мүмкіндігінше құрамында консерванты жоқ мұрынға арналған препаратты пайдалану керек.

Басқа дәрілік препараттармен өзара әрекеттесуі

Препарат жергілікті анестезиялайтын дәрілердің сіңуін баяулатады және олардың әсерін ұзартады.

Оксивин-DF^® басқа да тамырды тарылтатын дәрілермен (енгізу тәсіліне қарамастан) қолданғанда жағымсыз әсерлердің өзара күшеюін туындатуы мүмкін.

Моноаминоксидаза тежегіштерін (оларды тоқтатқаннан кейін 14 күн бойы кезеңді қоса алғанда) және трициклді антидепрессанттарды бір мезгілде тағайындау артериялық қысымның жоғарылауына әкелуі мүмкін.

Арнайы сақтандырулар

Жүктілік немесе лактация кезінде

Қолдану тәжірибесінің жеткіліксіздігіне байланысты ұсынылмайды.

Препаратты жүктілік кезінде және лактация кезеңінде қолдану ана үшін болжамды пайда бала мен ұрық үшін ықтимал қатерден асып кеткен жағдайда ғана мүмкін болады.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Ұсынылған дозаларда Оксивин-DF^® көлік құралын басқару немесе механизмдермен жұмыс істеу қабілетіне әсер етпейді.

Қолдану жөніндегі нұсқаулар

Дозалау режимі

0,025% мұрынға арналған спрей 1 жастан 6 жасқа дейінгі балаларға: тәулігіне 2-3 рет әрбір мұрын жолына 1 бүркуден.

0,05% мұрынға арналған спрей 6 жастан асқан балалар мен ересектерге: тәулігіне 2-3 рет әрбір мұрын жолына 1 бүркуден.

Емдеу курсы 5-7 күннен аспайды.

Енгізу әдісі мен жолы

Интраназальды.

Бүркуді дұрыс жүзеге асыру үшін қорғағыш қалпақшаны алып тастап, ерітінді бүріккішке түсуі және шашырауы үшін пластиктен жасалған бүріккіш-ұштықты 1 - 2 рет абайлап басу керек. Сосын құтының қондырғысын мұрын жолына орналастырып, жылдам және бірден бүріккішті 1 рет басу және бүріккішті қыспай қондырғыны шығарып алу керек

Қабылдау уақыты көрсетілген қолдану жиілігі

Әрбір мұрын жолына тәулігіне 2-3 рет 1 бүркуден.

Емдеу ұзақтығы

Емдеу курсы 5-7 күннен аспау керек.

Артық дозаланғанда қабылдау қажет шаралар

Симптомдары: ұсынылған дозаларды арттырғанда немесе кездейсоқ ішке қабылдағанда келесі симптомдар байқалуы мүмкін: қарашықтың тарылуы, жүрек айнуы, құсу, цианоз, температураның көтерілуі, тахикардия, аритмия, коллапс, жүрек қызметінің бәсеңдеуі, артериялық гипертензия, өкпенің ісінуі, тыныс алудың бұзылыстары. Одан өзге, психикалық бұзылыстар, сондай-ақ ұйқышылдықпен, дене температурасының түсуімен, брадикардиямен, артериялық гипотензиямен, тыныс алудың тоқтауымен және ықтимал команың дамуымен қатар жүретін орталық жүйке жүйесі функциясының бәсеңдеуі пайда болуы мүмкін.

Емі: дереу белсендірілген көмір (абсорбент), натрий сульфатын (іш жүргізетін дәрі) тағайындау немесе асқазанды шаю керек. Артериялық қысымды төмендету үшін селективті емес альфа-адреноблокаторлар (фентоламин 5 мг тұзды (физиологиялық) ерітіндіде баяу в/і немесе 100 мг пероральді) тағайындайды. Вазопрессорлық дәрілерді қолдану карсы көрсетілген.

Қажет болғанда ыстық түсіретін, құрысуға қарсы ем және өкпені жасанды желдету жүргізеді.

Дәрілік препаратты қолдану тәсілін түсіндіру үшін медицина қызметкеріне кеңес алу үшін жүгіну бойынша ұсынымдар

Препаратты қолдану әдісіне қатысты күмән туындаған кезде медициналық қызметкерден кеңес алу ұсынылады.

Дәрілік препаратты стандартты қолдану кезінде көрініс беретін жағымсыз реакциялар сипаттамасы және осы жағдайда (қажет болса) қабылдау керек шаралар

жиі (≥ 1/100 бастап < 1/10 дейін):

- мұрын жолдары шырышының ашуы және құрғақтығы

- ауыздың және тамақтың құрғауы

- түшкіру

жиі емес (≥ 1/1000 бастап < 1/100 дейін):

- бас айналуы, бас ауыруы

- ұйқысыздық

- шаршау (қажу)

- жүрек айнуы

- шырышты қабықтың ісінуі және ісіуі (мұрынның бітелуі сезімі)

- реактивті гиперемия

- шырышты қабықтың атрофиясы

- аллергиялық реакциялар (Квинке ісінуі, есекжем, қышыну)

өте сирек (< 1/10000):

- тамыр соғуының жиілеуі

- артериялық гипертензия

- тахикардия

- тахифилаксия

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

1 мл препараттың құрамында

белсенді зат - оксиметазолин гидрохлориді-0,25 мг (0,025%) немесе 0,5 мг (0,05%);

қосымша заттар - бензалконий хлориді (10% ерітінді түрінде), натрий хлориді, натрий дигидрофосфаты дигидраты, динатрий фосфаты додекагидраты, тазартылған су.

Сыртқы түрінің, иісінің, дәмінің сипаттамасы

Мөлдір түссіз немесе сәл сарғыш ерітінді

Шығарылу түрі және қаптамасы

10 мл препараттан батпалы түтігі бар жаншылған алюминий қақпағы және қорғағыш қалпақшасы бар пластиктен жасалған бүріккіш-ұштық кіретін помпалық дозалаушы құрылғымен қоңыр пластик құтыларда.

Әрбір құтыға заттаңба желімделеді.

Бір құтыдан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынған.

Сақтау мерзімі

3 жыл

Жарамдылық мерзімі өткеннен кейін қолдануға болмайды..

Сақтау шарттары

Жарықтан қорғалған жерде, 25 ºС-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босату шарттары

Рецептісіз

Өндіруші туралы мәліметтер

«DOSFARM» ЖШС, Қазақстан, 050034, Алматы қ., Чаплыгин к-сі, 3

тел./факс: +7 (727) 253-03-88, +7 (727) 253-07-07,

электронды пошта: dosfarm@dosfarm.kz

Тіркеу куәлігінің ұстаушы

«DOSFARM» ЖШС, Қазақстан, 050034, Алматы қ., Чаплыгин к-сі, 3

тел./факс: +7 (727) 253-03-88, +7 (727) 253-07-07,

электронды пошта: dosfarm@dosfarm.kz

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта):

«DOSFARM» ЖШС, Қазақстан, 050034, Алматы қ., Чаплыгин к-сі, 3

тел./факс: +7 (727) 253-03-88, +7 (727) 253-07-07,

электронды пошта: dosfarm@dosfarm.kz

Дәріханалар

Қалалар