Рецепт бойынша
Тауарлардың көрінісі фотосуретте көрсетілгеннен өзгеше болуы мүмкін

Нео-Пенотран Форте № 7 вагин. суппозитории

3788
Қолжетімділігі
Сатылымда бар
Үлгі
8699584900237
Елі
Турция
Өндіруші
Эмбил Фармацеутикал Ко. Лтд.
  • Сипаттама
  • Дәріханалар

Сипаттама

Дәрілік затты медициналық қолдану

жөніндегі нұсқаулық

Нео-Пенотран®Форте

Cаудалық атауы

Нео-Пенотран®Форте

Халықаралық патенттелмеген атауы

Жоқ

Дәрілік түрі

Қынаптық суппозиторийлер

Құрамы

Бір суппозиторийдің құрамында

белсенді заттар:метронидазол 750 мг,

миконазол нитраты 200 мг,

қосымша зат- витепсол S55

Сипаттамасы

Ақшыл немесесарғыш түсті эллипс пішінді суппозиторийлер

Фармакотерапиялық тобы

Урогенитальді ағзалардың ауруларын емдеуге арналған препараттар мен жыныс гормондары. Антисептиктер мен гинекологиялық ауруларды емдеуге арналған микробқа қарсы препараттар. Антисептиктер мен гинекологиялық ауруларды емдеуге арналған микробқа қарсы препараттар (кортикостероидтармен біріктірілімді қоспағанда). Имидазол туындылары. Имидазол туындыларының біріктірілімі.

АТХ коды G01AF20

Фармакологиялық қасиеттері

Фармакокинетикасы

Миконазол нитраты: миконазол нитратын қынапішілік қолданғанда сіңірілуі өте мардымсыз (шамамен дозаның1,4%). Сондықтан суппозиторийді қынапішілік енгізгенде миконазол нитраты қанплазмасында анықталған жоқ.

Метронидазол: қынапішілік енгізгенде метронидазолдың биожетімділігі пероральді қабылдаумен салыстырғанда 20% құрайды. Суппозиторийді күнделікті қынапішілік енгізгеннен кейін метронидазолдың плазмадағы тепе-тең концентрациясы 1,1-5,0 мкг/мл құрайды

Метронидазол бауырда тотығу жолымен метаболизденеді.Гидроксиметаболиттердің биологиялық белсенділігі метронидазолдың биологиялық белсенділігінің 30%-ын құрайды. Метронидазолдың жартылай шығарылу кезеңі 6-11 сағат құрайды. Метронидазол өзгермеген түрінде және метаболиттер түрінде (гидрокситуындылар және сірке қышқылының қосылыстары) негізінен бүйрекпен шығарылады.

Фармакодинамикасы

Нео-Пенотран®Форте суппозиторийі құрамында зеңге қарсы әсер көрсететін миконазол, бактерияға қарсы және трихомонадқа қарсы әсер көрсететін метронидазол бар.

Имидазолдың синтетикалық туындысы болып табылатын миконазол, зеңге қарсы белсенділікке ие жәнеәсер ету ауқымы кең. Candida albicans қоса патогенді зеңдерге қатысты тиімділігі ерекше. Одан басқа, миконазол грамоң бактерияларға қатысты да тиімді. Миконазолдың әсері цитоплазмалық жарғақшада эргостерол синтезі болып табылады. Миконазол Candida spp. микоздық жасушаларының өткізгіштігін өзгертеді және глюкозаның тұтынылуын in vitro тежейді. 5-нитроимидазол туындысы болып табылатын Метронидазол Trichomonas vaginalis, Gardnerella vaginalis және анаэробты бактериялар, оның ішінде анаэробты стрептококктар секілді анаэробты бактериялар мен қарапайымдылардан туындағанинфекцияларға қатысты протозойға қарсы және бактерияға қарсы агент болып табылады.

Миконазол, метронидазол және лидокаин оларды біріктіргенде синергиялық немесе антагонистік әсерге ие емес.


Қолданылуы

- Candida albicans-тен туындаған вульвовагинитте

- бактериялық вагинозда (спецификалы емес, гарднереллёзді вагинит немесе анаэробты вагиноз)

- трихомонадты вагинитте

- аралас инфекциядан туындаған вагинитте.

Қолдану тәсілі және дозалары

Ішке қабылдауға болмайды. Тек қынап ішіне қолдануға болады.

Егер дәрігер басқаша тағайындамаса 7 күн бойы түнге қарай 1 суппозиторийден қынапқа терең енгізу керек.

Ауру қайталанған жағдайда емдеу курсын 14 күнге дейін ұзартуға болады.

Суппозиторийді жатқан қалыпта қынапқа терең енгізу керек.Прослушать

DETYEĬ
Bezopasnostʹ i effektivnostʹ u detyeĭ ne ustanovlena. Poetomu preparat ne rekomenduetsya dlya primeneniya u detyeĭ v vozraste do 16 let.

Словарь - Открыть словарную статью

Vnutrivennoe vvedenie
Vnutrivennoe upotreblenie ETOGO PREPARATE zarezervirovano v bolʹnitsy i kliniki

Словарь - Открыть словарную статью

Прослушать

Прослушать

Жағымсыз әсерлері

Жағымсыз құбылыстардың жиілігін бағалау үшін келесі критерийлер қолданылды: өте жиі (≥ 1/10), жиі (≥ 1/100, бірақ <1/10), сирек (≥ 1/1000, бірақ <1/100), сирек (≥ 1 / 10 000, бірақ <1/1000), өте сирек (<1/10 00), белгісіз (бар деректер негізінде анықталған жоқ).

Жүйелі жағымсыз әсерлері өте сирек пайда болады, өйткені қынаптық сіңірілуінде қан плазмасындағы метронидазол деңгейі өте төмен (пероральді қабылдағанда анықталған деңгейден 2-12%). Миконазол нитраты имидазол туындысы негізіндегі(2-6 %) басқа да зеңге қарсы препараттарды қынапішілік қолданғандағыдай қынаптың тітіркенуін (күйдіру, қышыту) туындатуы мүмкін). Вагиниттерде қынаптың шырышты қабаты қабынуы мүмкін болғандықтан, бірінші суппозиторийді енгізгенде күйдіру мен қышыту байқалуы мүмкін. Бұл симптомдар емді жалғастырғанда тез қайтады. Күшті тітіркенуде емді тоқтату керек.

Препараттың белсенді компоненттерін жүйелі (атап айтсақ, пероральді) қолдануға қатысты жағымсыз әсерлеріне мыналар жатады:

Өте жиі:

- қынаптан бөліністер

Жиі:

- вагинит, вульвовагинит, жамбас аймағындағы жайсыздық

- бас ауыруы, бас айналуы

Жиі емес:

-шөлдеу

-депрессия

Сирек:

- тітіркену, қынаптағы күйдіру, қышыну

- іштің ауыруы, тері бөртпесі

Өте сирек:

- психо-эмоциональді бұзылыстар

Жиілігі белгісіз (бағалау мүмкін емес)*:

- аса жоғары сезімталдық реакциялары, аллергиялық реакциялар (ауыр жағдайларда анафилаксия)

- шаршағыштық, әлсіздік, атаксия, құрысулар, шеткері нейропатия (препаратты ұзақ уақыт қолданғанда және артық дозалануында)

- дәм сезудің бұзылуы, ауызда металл дәмі,ауыздың құрғауы, жүрек айнуы, құсу, іш қату, диарея, іштің ауыруы және түйілуі

-жергілікті тітіркену, жоғары сезімталдық, жанаспалы дерматит

- лейкопения.

Қолдануға болмайтын жағдайлар

- препарат компоненттеріне немесе олардың туындыларына аса жоғарысезімталдық

- емделу кезінде немесе ем аяқталғаннан кейін 3 күн ішінде алкоголь қабылдаған пациенттер

- емделу кезінде немесе ем аяқталғаннан кейін 2 апта ішінде дисульфирам қабылдаған пациенттер

- жүктіліктің бірінші триместрі, оның ішінде трихомонадты вагинитпен жүктілер

- порфирия

- эпилепсия

- бауыр функциясының ауыр бұзылыстары

- балалар мен 18 жасқа дейінгі жасөспірімдер

Дәрілермен өзара әрекеттесуі

Төменде берілген дәрілік препараттармен бір мезгілде қолданғанда метронидазолдың сіңуінің нәтижесінде дәрілік өзара әрекеттесудің келесі түрлері байқалуы мүмкі:

Алкоголь: алкогольдің жақпаушылығы (дисульфирамға ұқсайтын реакциялар).

Амиодарон: кардиоуыттылығы қаупінің артуы (ЭКГ-де Q-T аралығының ұзаруы, “torsades de pointes” типті полиморфты қарыншалық тахикардия, жүректің тоқтап қалуы).

Астемизол мен терфенадин: метронидазол осы қосылыстардың метаболизмін тежейді және олардың қан плазмасындағы концентрациясын арттырады.

Карбамазепин: карбамазепиннің қан плазмасындағы концентрациясын арттырады.

Циметидин:метронидазолдыңқан плазмасындағы концентрациясын арттыруы салдарынанорталық жүйке жүйесі тарапынан жағымсыз әсерлерінің даму қаупі бар.

Циклоспорин: циклоспориннің уытты әсерін күшейту

Дисульфирам: орталық жүйке жүйесі тарапынан бұзылыстар болуы мүмкін (мысалы, психоздық реакциялар).

Литий: литийдің уытты әсерін күшеюі.

Фенитоин: фенитоин концентрациясының артуы және метронидазол концентрациясының азаюы.

Фенобарбитал: метронидазол концентрациясының азаюы.

Фторурацил: фторурацилдің қанплазмасындағы концентрациясының және оның уытты әсерінің артуы.
Ішуге арналғанантикоагулянттар: антикоагулянттық әсерінің күшеюі (қан кетудің дамуының жоғары қаупі).

Қандағы бауыр ферменттері, глюкозаның деңгейіне (оны гексокиназды әдіспен анықтағанда), теофиллин мен прокаинамидтің әсері байқалды.

Миконазол нитратының сіңуінің салдарынан дәрілік өзара әрекеттесу мүмкін.

Аценокумарол, анизиндион, дикумарол, фенитоин, фенпрокумон, варфарин: қан кету қаупінің артуы.
Астемизол, цизаприд, терфенадин: миконазол бұл препараттардың метаболизмін тежейді және қан плазмасындағы концентрациясын жоғарылатады.

Карбамазепин: карбамазепин клиренсін төмендетеді.

Циклоспорин: уытты әсерінің күшеюі (бүйрек функциясының бұзылуы, холестаз, парестезиялар).

Фентанил: опиоидты препараттардың әсер ету ұзақтығының артуы (ОЖЖ, тыныс алудың бәсеңдеуі).

Фенитоин мен фосфенитоин: уытты әсерінің қаупі (атаксия, гиперлексия, нистагм, тремор).

Глимепирид: гипогликемиялық әсердің ұлғаюы

Оксибутинин: оксибутинин клиренсінің төмендеуі, соның салдарынан, оның қан плазмасындағы концентрациясының жоғарылауы.

Оксикодон: оксикодонның қан плазмасындағы концентрациясының жоғарылауы, оның клиренсінің төмендеуі.

Пимозид: кардиоуытты әсер (ЭКГ-де Q-T аралығының ұзаруы, “torsades de pointes” типті полиморфты қарыншалық тахикардия, жүректің тоқтап қалуы).

Толтеродин: P450 цитохромының 2D6 изоферментінің төмен белсенділігімен пациенттерде толтеродин биожетімділігінің жоғарылауы

Триметрексат: уытты әсерінің күшеюі (сүйек кемігінің бәсеңдеуі, бүйрек, бауыр функциясының төмендеуі, АІЖ ойық жаралы зақымдануы).


Айрықша нұсқаулар

Емделу кезінде, емдеу курсыаяқталғаннан кейін кем дегенде3 күн ішінде дисульфирамға ұқсайтын реакциялардың болу мүмкіндігіне байланысты алкоголь қабылдауға болмайды.

Ұзақ уақыт емделуге және Нео-Пенотран®Форте препаратының үлкен дозаларын қабылдауға болмайды, өйткені бұлшеткері нейропатия және құрысу синдромының даму қаупімен қатар жүруі мүмкін.

Нео-Пенотран®Форте препаратын етеккір кезінде қолдануға болмайды, өйткені препараттың тиімділігі төмендейді немесе оны қолданғандақиындықтар туындайды.

Нео-Пенотран®Форте препаратын қыздарға және жыныстық жетілмеген жас қыздарға қолдануға болмайды.

Суппозиторий негізімен өзара әрекеттесу мүмкіндігіне байланысты суппозиторийлерді контрацептивтік диафрагмалармен және мүшеқаптармен бір мезгілде қолданудан аулақ болу керек.

Жеке гигиенаның басқа өнімдері (тампондар, душқа арналған зат, спермицидтер) емделу кезінде қолдануға болмайды.

«Трихомонадтывагинит» диагнозымен пациенттерге олардың жыныстық жұптастарын бір мезгілде емдеуді ұсыну керек.

Бүйрек функциясының бұзылуында

Бүйрек функциясы төмендегенде препараттың жартылай шығарылу кезеңі өзгермейді, сондықтан дозаны төмендету қажет емес. Бірақ, гемодиализ жүргізуді талап ететін бүйрек функциясының елеулі бұзылысында дозаны түзету қажет.

Бауыр функциясының бұзылуында

Бауыр функциясының елеулі бұзылысында метронидазолдың клиренсі төмендеуі мүмкін. Метронидазол плазмадағы деңгейінің жоғарылауына байланысты энцефалопатия симптомдарын күшейтуі мүмкін, сондықтанбауыр энцефалопатиясы бар пациенттерде сақтықпен қолданылуы керек.Дәрігер осындай пациенттер үшін пайда/ қауіп арақатынасын бағалауы керекжәне егер өте қажет болмаса препаратты тағайындауға болмайды.

Жүктілік және лактация

Жүктілік кезінде қолдануға болмайды,жүктіліктің II - III триместрінде препаратты анасы үшін күтілген пайдасы ұрық үшін әлеуетті қаупінен жоғары болған жағдайда ғана, дәрігердің бақылауымен қолдануға болады. Емделу кезінде емшек емізуді тоқтату керек, өйткені метронидазол емшек сүтіне өтеді. Емшек емізуді емдеу курсы аяқталғаннан кейін 24-48 сағаттан соң жаңғыртуға болады.

Педиатрияда қолданылуы

Балалар мен 18 жасқа дейінгі жасөспірімдерге ұсынылмайды

Дәрілік заттың көлік құралдарынжәнеқауіптілігі зор механизмдерді басқару қабілетіне ықпал ету ерекшеліктері

Болуы мүмкін жағымсыз әсерлерін ескеріп көлік құралдарын басқару жәнеәлеуетті қауіпті механизмдермен жұмыс істегенде сақтық шараларын сақтау керек.

Артық дозалануы

Метронидазолды қынапішілік қолданғанда адамда артық дозалануына қатысты деректер жоқ.

Метронидазолды 12 г-ден асатын дозада кездейсоқ ішке қабылдап қойған пациенттерді емдеу керек.

Симптомдары: жүрек айнуы, құсу, ауыздың металл татуы,анорексия, іштің ауыруы, диарея, қышыну, тамақтың және ауыз қуысының ауыруы, атаксия, бас ауыруы, бас айналуы, парестезия, құрысулар, лейкопения, несептің күңгірттенуі.

Емі: препаратты кездейсоқ ішке қабылдап қойған жағдайда асқазанды шаю, симптоматикалық ем.Арнайы антидоты жоқ.

Шығарылу түрі және қаптамасы

Поливинилхлорид / полиэтиленнен жасалған пішінді ұяшықты

қаптамада 7 суппозиторийден.

Бір пішінді ұяшықты қаптамадан медициналық қолдану жөніндегі

мемлекеттік және орыс тілдеріндегі нұсқаулықпен бірге картон

қорапшағасалынған.

Сақтау шарттары

25 0С-ден аспайтын температурада сақтау керек. Тоңазытқышта сақтауға болады (2-8°С).

Мұздатып қатыруға болмайды.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

Экселтис Илач Сан. ВеТик. А.Ш., Текирдаг, Түркия

Тіркеу куәлігінің иесі

Экселтис Илач Сан. Ве Тик. А.Ш., Стамбул, Түркия

Қаптаушы ұйымның атауы мен елі

Экселтис Илач Сан. ВеТик. А.Ш., Текирдаг, Түркия

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын ұйымныңатауы, мекенжайы және байланыс деректері:

«ЭКСЕЛТИС Хелскеар С.Л.» Жауапкершілігі шектеулі компаниясыныңҚазақстан Республикасындағы өкілдігі

050059, Алматы қ. Әл-Фараби к-сі 7, 5А корпусы, 177-кеңсе

Тел. 872 73115201

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымныңатауы, мекенжайы және байланыс деректері

TOO ConsultAsia

050061, Алматы қ, Шевченко к-сі 165 Б, 307-кеңсе

Тел/факс: +727-379-42-58

+77051708876/+77051708825

e-mail: pv@consultingasia.kz

Дәріханалар

Тауар артығымен бар
Тауар аз қалды
Аптека №30
г. Сарыагаш, ул. Ермекова, 1А
Круглосуточно