Магникум № 50 табл п/о

Сипаттама

Дәрілік затты медициналық қолдану

жөніндегі нұсқаулық

МАГНИКУМ

Саудалық атауы

Магникум

Халықаралық патенттелмеген атауы

Жоқ

Дәрілік түрі

Ішекте еритін, үлбірлі қабықпен қапталған таблеткалар

Құрамы

Бір таблетка құрамында:

белсенді заттар: 470.0 мг магний лактаты дигидраты, 100% құрғақ затқа шаққанда ол 48.0 мг магнийге баламалы және 5.0 мг пиридоксин гидрохлориді,

қосымша заттар: микрокристалды целлюлоза, поливинил спирті, сусыз коллоидты кремнийдің қостотығы, тальк, магний стеараты,

қабығы: Acryl-EZE White ішекте еритін үлбірлі қабық үшін қоспа (метакрил қышқылының кополимері, сусыз коллоидты кремнийдің қостотығы, натрий бикарбонаты,натрий лаурилсульфаты, тальк, титанның қостотығы (Е 171), триэтил цитраты).

Сипаттамасы

Екі беті дөңес, ұзынша пішінді, ақ немесе ақ дерлік түсті үлбірлі қабықпен қапталған таблеткалар.

Фармакотерапиялық тобы

Ас қорыту жолы және зат алмасу. Минералды қоспалар. Басқа да минералды заттар. Магний препараттары. Әртүрлі магний тұздарының біріктірілімі.

АТХ коды A12CC30

Фармакологиялық қасиеттері

Фармакокинетикасы

Магний мен пиридоксинді бір мезгілде қолдану ішектегі магний сіңірілу жылдамдығын арттырады, В₆-магний-аминқышқылдары дәруменінің хелатты кешенінің түзілуі салдарынан жасушаларға оның жарғақша арқылы өтуін жақсартады, плазма мен эритроциттердегі магний концентрациясын арттырады, сондай-ақ оның оның несеппен шығарылуын азайтады.

Фармакодинамикасы

Препараттың емдік әсері адам және жануарлар организмдегі биохимиялық реакцияларына кеңінен қатысуы жақсы белгілі екі белсенді компоненттердің синергиялық әсерінің нәтижесі болып табылады.

Магний – барлық ферментативтік, АТФ-тәуелді реакциялардың алмастырылмайтын құрушы бөлігі; ол көмірсулар, ақуыздар мен майлардың метаболизміне, сондай-ақ тотығу-тотықсыздану реакцияларына қатысады.

Магний гликолиткалық ферменттерді, жасушалық тотығу ферменттерін, нуклеин қышқылдарын синтездеу ферменттерін белсендіреді; ол сондай-ақ миокардты жиырылуы үдерісінде маңызды рөл атқарады.

Магний – тромбоциттер мен фибриногеннің тұрақтандырғышы. Артериялық гипертензия, тамырлардың түйілуі, неопластикалық аурулар және несеп-тас ауруы кезінде магний тапшылығының патогенетикалық рөлі жалпыға танылған болып табылады. Магний жүйке-бұлшықет қозуында жетекші рөлге ие – бұл үдерісте ол кальций антагонисі болып табылады.

Пиридоксин ең алдымен аминқышқылдарының метаболизміне қатысады, пиридоксальфосфат түрінде декарбоксилдену мен қайта aминдеу, сондай-ақ көмірсулар мен майларды катализдейтін ферменттердің құрамына кіреді. Амин қышқылдарын жарғақша арқылы тасымалдауға жәрдемдеседі, фосфорилазаны белсендіруге, нейромедиаторлардың, гамма-аминомай қышқылының, глициннің, серотониннің түзілуіне қажетті.

В₁₂ дәруменінің, фолий қышқылының алмасуына, порфириндердің, қанықпаған май қышқылдарының синтезіне қатысады.

Миокардтағы метаболизмдік үдерістерді белсендіреді, әсіресе гипоксия кезінде, нейротропты, гемопоэздік, кардиотропты және гепатотропты қасиеттері болуы мүмкін. Магний мен В₆ дәруменінің өзара әрекеттесу механизмі әзірге нақты анықталмаған. Тапшылық симптомдары, сондай-ақ екі компоненттің артық дозалануы ұқсас, алайда В₆ дәрумені тапшылығының құбылыстары магнийдің бір мезгілде тапшылығында анағұрлым мәнерлі, өйткені магний пиридоксин-тәуелді ферментативті жүйелерді белсендіру үшін қажет.

Қолданылуы

• Магнийдің анықталған, оқшауланған немесе астасқан тапшылығында.

Келесі симптомдардың бірігуі магний тапшылығын айғақтай алады:

• жүйкенің тозуы, ашушаңдық, жеңіл үрейлену ахуалдары, өтпелі шаршаңқылық, ұйқының аздаған бұзылулары
• асқазан-ішек түйілуі немесе жүрек соғуының жиілеуі сияқты үрей белгілері (жүрек жағынан қандай да бір патологиясыз)
• бұлшықеттік құрысулар, бұлшықеттердің шаншуын сезіну

Қолдану тәсілі және дозалары

Профилактика: ересектер және 12 жастан асқан балалар тәулігіне 1 рет 2 таблеткадан немесе тәулігіне 2 рет 1-2 таблеткадан.

Емдеу: тек дәрігердің тағайындауы бойынша. Емдеу ұзақтығын дәрігер анықтайды.

Таблетканы бүтіндей бір стақан сумен ішіп, жұту керек.

Жағымсыз әсерлері

Өте сирек

- асқазан-ішек жолы тарапынан болатын бұзылыстар (іштің ауыруы, іш қату, диарея, жүректің айнуы, құсу)

- аллергиялық реакциялар, оның ішінде қышыну, есекжем, тері бөртпесі.

Қолдануға болмайтын жағдайлар

- дәрілік заттың компоненттеріне жоғары сезімталдық

- бүйректің ауыр жеткіліксіздігі (креатинин клиренсі 30 мл/мин кем)

- гипермагниемия, В₆ дәрумендерінің гипервитаминозы, AV-блокадасы

- ауыр миастения

- Паркинсон ауруы (декарбоксилаза леводопаның шеткері тежегіштерін қатар қолданусыз леводопамен емделеді)

- ауыр артериялық гипотензия

- диарея

- 12 жасқа дейінгі балалар

Дәрілермен өзара әрекеттесуі

Құрамында фосфаттар мен кальций тұздары, липидтердің артық мөлшері бар препараттарды бір мезгілде қолдану магнийдің асқазан-ішек жолында сіңуін едәуір азайтады. Диуретиктер, цисплатин, циклосерин, минералокортикоидтар магнийдің несеппен шығарылуын арттырады.

Препаратты аминогликозидті антибиотиктер, қаңқа бұлшықеті релаксанттары және колистинмен қатар қолданғанда бұлшықет салдануын тудыруы мүмкін.

Магний теофиллиннің, тетрациклиннің, темір препараттарының, фторидтердің және пероральді антикоагулянттардың – варфарин туындыларының сіңірілуін азайтады. Препаратты пероральді тетрациклиндермен бір мезгілде қолданған кезде, ас қорыту өзегінен тетрациклиндердің сіңуіне Магникумның теріс әсерін болдырмау үшін осы препараттарды қабылдау арасында 3 сағаттан кем емес аралық сақталуы қажет.

Циклосерин, гидрализин, изониазид, пенициламин және пероральді контрацептивтерді қолдану В₆ дәруменіне қажеттілікті арттырады.

Қарсы көрсетілімді біріктірілімдер: егер осы препаратты қабылдау допа-декарбоксилазаның шеткері тежегіштерін қабылдаумен үйлеспесе, леводопамен бір мезгілде тағайындамау керек, өйткені леводопаның белсенділігі тежеледі. Егер леводопамен бір мезгілде допа-декарбоксилазаның шеткері тежегіштері тағайындалмаса, кез-келген мөлшердепиридоксинді қабылдамаған жөн.

Айрықша нұсқаулар

Орташа бүйрек жеткіліксіздігі кезінде гипермагниемияның пайда болуының алдын алу үшін сақтық шараларын ұстанған жөн (қан сарысуындағы магний мөлшерін үнемі бақылау және жоғары дозада дәрілік затты ұзақ уақыт қолданудан аулақ болу). Жүрек және бүйрек жеткіліксіздігі бар пациенттерге дәрілік затпен емдеуді бастамас бұрын дәрігермен кеңесу керек.

Егер емнің 1 айынан кейін жағдайдың жақсаруы байқалмаса, дәрілік затты тоқтату керек.

Кальций тапшылығы қатарласқан жағдайда кальцийді қосымша қабылдауға кіріспес бұрын магний тапшылығын түзету ұсынылады.

Пиридоксинді ұзақ уақыт бойы(оның ішінде бірнеше ай немесе жылдар бойы) жоғары дозада (> 200 мг/тәулік) асыра қолданған жағдайда ғана сенсорлық нейропатияның дамуына әкелуі мүмкін. Бұл әсер әдетте препаратты қабылдауды тоқтатқаннан кейін жоғалатын қайтымды сипатқа ие. Магнийдың ауыр тапшылығы бар пациенттерге дәрілік затты қолдануды вена ішіне енгізуден бастаған жөн. Бұл сондай-ақ мальабсорбциясы бар пациенттерге көрсетілімді.

Жүктілік және лактация кезеңі

Жүктілік кезеңінде тиісті зерттеулер жүргізілмегендіктен, дәрілік затты қолдану шаранаға қандай да бір қауіп төндіретіні-төндірмейтіні белгісіз. Сондықтан жүктілік немесе бала емізу кезеңінде дәрілік затты қолдану туралы мәселені әрбір пациент үшін әйел үшін пайдасы/ұрық (бала) үшін қауіптің арақатынасын ескере отырып тек дәрігер ғана жеке шеше алады.

Педиатрия

Дәрілік затты балаларға 12 жастан бастап қолдануға болады.

Дәрілік заттың көлік құралдарын және қауіптілігі зор механизмдерді басқару қабілетіне әсер ету ерекшеліктері

Дәрілік зат көлік құралдарын басқару және қауіптілігі зор механизмдермен жұмыс істеу қабілетіне әсер етпейді.

Артық дозалануы

Магнийдің артық дозалануы оны пероральді қолданған кезде бүйрек функциясы қалыпты пациенттерде уыттану реакцияларының туындауына әкелмейді. Алайда, бүйрек жеткіліксіздігі бар пациенттерде магниймен улану дамуы ықтимал. Уыттану деңгейі қандағы магний деңгейіне байланысты.

Симптомдары: жүректің айнуы, құсу, артериялық гипотензия, орталық жүйке жүйесінің бәсеңдеуі, бұлшықет әлсіздігі, тыныс алудың бәсеңдеуі, ЭКГ патологиялық өзгерістері,кома, жүректің тоқтап қалуы және тыныс алудың салдануы, анурия, аяқ-қолдың ауыруы, рефлекторлық функциялардың бұзылуы.

Емі: регидратация, қарқынды диурез. Бүйрек жеткіліксіздігінде гемодиализ немесе перитонеальді диализ қажет. Симптоматикалық ем.

Шығарылу түрі және қаптамасы

10 таблеткадан мөлдір поливинилхлоридті үлбірден және баспалы лакталған алюминий фольгадан жасалған пішінді ұяшықты қаптамаға салынған.

5 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге тұтынушылық ыдысқа арналған картон қорапшаға салынады.

Сақтау шарттары

Түпнұсқалық қаптамасында, 25 °C-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші

«КИЕВ ДӘРУМЕНДЕР ЗАУЫТЫ» АҚ

04073, Украина, Киев қ-сы, Копыловская к-сі, 38

Тел.: (044) 461-03-08, факс: (044) 461-03-01

Web-сайт: www.vitamin.com.ua

Тіркеу куәлігінің ұстаушысы

«КИЕВ ДӘРУМЕНДЕР ЗАУЫТЫ» АҚ

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

Өкілдік: «КИЕВ ДӘРУМЕНДЕР ЗАУЫТЫ» АҚ

Мекенжайы: 050008, Қазақстан Республикасы: Алматы қ-сы,

Абай даңғылы 109 В, 16А кеңсе

Тел.: +7(727) 356 88 50; е-mail: ossadchiy@mail.ru

Қалалар