Ксефокам Рапид 8 мг, №6, табл.

Сипаттама

Дәрілік затты медициналық қолдану

жөніндегі нұсқаулық (Қосымша парақ)

Саудалық атауы

Ксефокам Рапид

Халықаралық патенттелмеген атауы

Лорноксикам

Дәрілік түрі, дозалануы

Үлбірлі қабықпен қапталған таблеткалар 8 мг

Фармакотерапиялық тобы

Сүйек-бұлшықет жүйесі. Қабынуға қарсы және ревматизмге қарсы препараттар.Қабынуға қарсы және ревматизмге қарсы стероидты емес препараттар. Оксикамдар. Лорноксикам

АТХ коды М01АС05

Қолданылуы

• ересектердегі ауырлығы жеңілден орташа дәрежеге дейінгі жедел ауыру синдромын қысқа мерзімді симптоматикалық емдеу

Қолдануды бастағанға дейін қажетті мәліметтер тізбесі

Қолдануға болмайтын жағдайлар

• әсер етуші затқа немесе қосымша заттардың кез келгеніне аса жоғары сезімталдық
• тромбоцитопения
• басқа қабынуға қарсы стероидты емес дәрілерге (ҚҚСД), оның ішінде ацетилсалицил қышқылына (демікпе, ринит, ангионевроздық ісіну немесе есекжем сияқты симптомдар) аса жоғары сезімталдық

• жүректің ауыр жеткіліксіздігі
• асқазан-ішектен қан кету, цереброваскулярлық қан кету немесе қан ұюның басқа да бұзылуы
• ҚҚСД алдыңғы емдеумен байланысты анамнезінде асқазан-ішектен қан кетудің немесе тесілуінің болуы
• белсенді формадағы немесе анамнездегі қайталанатын пептидтік ойықжаралар/қан кету (дәлелденген жараланудың немесе қан кетудің екі немесе одан көп жекелеген эпизоды)
• бауыр функциясының ауыр бұзылуы
• бүйрек функциясының ауыр бұзылуы (сарысу креатинині > 700 мкмоль/л)
• жүктіліктің үшінші триместрі

Қолдану кезінде қажетті сақтық шаралары

Лорноксикам тромбоциттер агрегациясын төмендетеді және қан ұю уақытын ұзартады. Демек, қан кетуге бейім пациенттерге тағайындағанда сақ болу керек.

Пациенттердің келесі санатына Лорноксикамды пайда-қауіпті мұқият бағалағаннан кейін ғана тағайындау керек:

• бүйрек функциясы бұзылған пациенттер: лорноксикамды бүйрек функциясы жеңіл және орташа бұзылған пациенттерде сақтықпен қолдану керек, себебі бүйрек простагландиндері бүйректен қан ағысын ұстап тұруды қамтамасыз етеді. Емдеу уақытында бүйрек функциясы нашарлаған жағдайда, лорноксикаммен емдеуді тоқтату керек
• мына пациенттерге бүйрек функциясын бақылау ұсынылған:

• ауқымды хирургиялық араласуды бастан өткерген
• жүрек жеткіліксіздігі бар
• диуретиктермен немесе бүйрек зақымдануын туындатуы мүмкін дәрілік препараттармен қатар ем алатындар

• қан ұюы бұзылған пациенттер: мұқият клиникалық мониторинг жүргізу және зертханалық бағалауды орындау ұсынылады (мыс., белсенді ішінара тромбопластиндік уақыт (БІТУ)

• бауыр функциясы бұзылған пациенттер (мыс., бауыр циррозы): бауыр функциясы бұзылған пациенттерге клиникалық мониторинг және зертханалық бағалауды тағайындау ұсынылады, өйткені 12-ден 16 мг-ға дейінгі тәуліктік дозалармен емдеу аясында мұндай пациенттерде лорноксикамның жинақталуы орын алуы мүмкін (AUC ұлғаюы). Осы фактіні қоспағанда, сау адамдардағы осындай фактілермен салыстырғанда бауыр функциясының бұзылуы лорноксикамның фармакокинетикалық параметрлеріне әсер етпейді.
• 65 жастан асқан егде пациенттерге бүйрек пен бауыр функциясын мониторингілеу ұсынылады. Хирургиялық араласуды бастан өткерген егде жастағы пациенттерді емдеу кезінде сақтық таныту қажет.

ҚҚСД бірге қолдану

Лорноксикам мен ҚҚСД, оның ішінде циклооксигеназа-2 селективті тежегіштерін бірге қолданудан аулақ болу керек.

Жағымсыз құбылыстардың даму қаупін төмендету үшін ең төменгі тиімді дозаны ең төменгі ықтимал қысқа курспен пайдалану керек.

Асқазан-ішек жаралары, қан кету және тесілуі

Анамнезінде күрделі АІЖ бұзылуларын ескертетін симптомдармен немесе онсыз емдеу үдерісінде кез келген уақытта пайда болатын өлімге ұшыратуы мүмкін АІЖ-да қан кету, жаралар және тесілуі барлық ҚҚСД қолдану аясында тіркелген.

АІЖ-да қан кету, жара немесе тесілуі қаупі ҚҚСД дозаларының жоғарылауы кезінде, анамнезінде ойық жарасы бар пациенттерде, әсіресе қан кету немесе перфорация асқынғанда және егде жастағы пациенттерде артады. Бұл пациенттер емді мүмкін болатын ең төменгі дозадан бастауы тиіс. Осы пациенттерге, сондай-ақ төмен дозаларда ацетилсалицил қышқылын немесе асқазан-ішек жолы тарапынан бұзылулардың туындау қаупін арттыруға қабілетті басқа да дәрілік заттарды бір мезгілде қабылдауды қажет ететін пациенттерге гастропротекторлармен (мыс., мизопростол немесе пртонды помпа тежегіштері) біріктірілген ем тағайындау мүмкіндігін қарастыру керек (төмендегі ақпаратты қ.). Тұрақты аралықтармен клиникалық мониторинг жүргізу ұсынылады.

Анамнезінде АІЖ тарапынан уытты құбылыстары бар пациенттер, бірінші кезекте егде жастағы адамдар, әсіресе емдеудің бастапқы кезеңдерінде кез келген ерекше абдоминальді симптомдары (ең алдымен АІЖ қан кету белгілері туралы) туралы хабарлау қажеттігі туралы хабардар болуы тиіс.

Жаралар немесе қан кету қаупін арттыруға қабілетті дәрілік заттарды, мысалы, пероральді кортикостероидтар, варфарин сияқты антикоагулянттар, серотонинді кері қармаудың селективті тежегіштері немесе ацетилсалицил қышқылы сияқты антитромбоцитарлық препараттарды бір мезгілде алатын пациенттерге сақтық шараларын сақтауды ұсыну керек.

Лорноксикам қабылдайтын пациенттерде АІЖ-да қан кету немесе жаралар туындаған кезде емдеуді тоқтату қажет.

ҚҚСД анамнезінде АІЖ аурулары (ойықжаралы колит, Крон ауруы) бар пациенттерде осы аурулардың асқынуы мүмкін болғандықтан сақтықпен қолдану керек.

Егде жастағы пациенттер

Егде жастағы пациенттерде ҚҚСД-ға жағымсыз реакциялардың, әсіресе өмірге қауіпті болуы мүмкін асқазан-ішектен қан кету және тесілу жоғары жиілігі байқалады.

Жүрек-қантамыр және цереброваскулярлық әсерлер

Артериялық гипертензиясы және/немесе жеңілден орташа ауырлық дәрежесіне дейін іркілісті жүрек жеткіліксіздігі бұрыннан бар немесе содан зардап шегетін пациенттерге тиісті мониторинг және медициналық кеңес беру қажет, өйткені ҚҚСД емдеу аясында сұйықтықтың кідіруі және ісіну оқиғалары туралы хабарланған.

Клиникалық зерттеулер барысында алынған ақпарат және эпидемиологиялық деректер кейбір ҚҚСД, әсіресе жоғары дозаларда және ұзақ емдеу курстары шеңберінде қолдану артериялық тромбоздық асқынулардың (мысалы, миокард инфаркті немесе инсульт) қаупінің жоғарылауымен астасуы мүмкін деп болжауға мүмкіндік береді. Лорноксикамды қабылдау кезінде мұндай қауіпті болдырмау үшін жеткілікті деректер алынған жоқ.

Бақыланбайтын гипертензиясы, іркілісті жүрек жеткіліксіздігі, диагностикаланған жүректің ишемиялық ауруы, шеткері артериялар ауруы және/немесе цереброваскулярлық ауруы бар пациенттерге лорноксикаммен емдеуді оның дұрыстығын мұқият бағалағаннан кейін ғана тағайындауға болады. Осындай бағалауды жүрек-қантамыр ауруларының даму қаупі факторлары (мысалы, гипертензия, гиперлипидемия, қант диабеті, темекі шегу) бар пациенттерді ұзақ мерзімді емдеу басталғанға дейін орындау қажет.

ҚҚСД пен гепаринді бір мезгілде қолдануспинальді немесе эпидуральді анестезия контекстінде спинальді/ эпидуральді гематома туындау қаупін жоғарлатады.

Терідегі бұзылыстар

ҚҚСД қолдану аясында эксфолиативті дерматит, Стивенс-Джонсон синдромы (СДС) және уытты эпидермальді некролиз (УЭН) сияқты аса сирек жағдайлар тіркелді, олардың кейбірі өліммен аяқталған. Пациенттер емдеу курсының басында ең үлкен қауіпке ұшырайды, көп жағдайда мұндай реакциялардың симптомдары емнің бірінші айында пайда болады. Шырышты қабықтарда тері бөртпесі, жара пайда болған немесе басқа да аса жоғары сезімталдық белгілері пайда болған жағдайда лорноксикамды қолдануды дереу тоқтату керек.

Респираторлық бұзылыстар

Препаратты бронх демікпесімен ауыратын немесе бұрын зардап шеккен пациенттерге тағайындағанда сақ болған жөн, өйткені ҚҚСД осындай пациенттерде бронх түйілуін тудыруы мүмкін.

Жүйелі қызыл жегі және дәнекер тіннің аралас аурулары

Жүйелі қызыл жегі (ЖҚЖ) және дәнекер тіннің аралас аурулары бар пациенттерді емдеу кезінде сақтық таныту керек, өйткені мұндай пациенттер асептикалық менингиттің жоғары қаупіне бейім болуы мүмкін.

Нефроуыттылық

ҚҚСҚ мен такролимусты бірге қолдану бүйректегі простациклин синтезінің азаюына байланысты нефроуыттылық қаупінің артуына әкелуі мүмкін. Сондықтан аралас ем алатын пациенттерге бүйрек функциясының қатаң мониторингі көрсетілген.

Зертханалық көрсеткіштердің нормадан ауытқуы

Көптеген ҚҚСД қабылдағандағыдай, сарысудағы трансаминазалар деңгейінің мезгіл–мезгіл жоғарылауы, сарысудағы билирубиннің немесе бауыр функциясының басқа да көрсеткіштерінің жоғарылауы, сондай-ақ сарысудағы креатинин деңгейінің және қан мочевина азоты деңгейінің жоғарылауы және зертханалық көрсеткіштердің басқа да ауытқулары байқалды. Егер осы ауытқулардың қай қайсысы елеулі немесе тұрақты болса, лорноксикам қабылдауды тоқтату және тиісті тексерулер тағайындау қажет.

Ұрпақ өрбіту функциясы

Циклооксигеназа/простагландиндердің синтезін сенімді тежейтін кез келген басқа препарат сияқты лорноксикам қабылдау ұрпақ өрбіту функцияға теріс әсер етуі мүмкін және сондықтан жүктілікті жоспарлайтын әйелдерге ұсынылмайды. Ұрықтану бойынша қиындықтарға тап болған немесе бедеулікке байланысты тексеруден өтетін әйелдерге қатысты лорноксикамды тоқтату мүмкіндігін қарастыру керек.

Желшешек

Ерекше жағдайларда желшешек тері мен жұмсақ тіндердің күрделі инфекциялық асқынуына себеп болуы мүмкін.

Қазіргі уақытта бұл инфекциялардың асқынуында ҚҚСД-ның түрткі болатын рөлін жоққа шығаруға болмайды. Сондықтан желшешек кезінде лорноксикам қолданудан аулақ болу ұсынылады.

Басқа дәрілік препараттармен өзара әрекеттесуі

Лорноксикам мен мыналарды бір уақытта қолданғанда

• циметидинді, плазмадағы лорноксикам концентрациясы жоғарылайды, бұл лорноксикамның жағымсыз әсерлері қаупінің жоғарылауына әкелуі мүмкін (лорноксикам мен ранитидин немесе антацидтер арасында ешқандай өзара әрекеттесу анықталған жоқ).
• антикоагулянттарды, антикоагулянттардың, мысалы, варфарин әсерлерінің күшеюі ықтимал. Халықаралық қалыптасқан қатынасты (ХҚҚ) қатаң мониторингілеу қажет.
• фенпрокумонды, фенпрокумонның емдік әсері төмендеуі мүмкін
• гепаринді, жұлын немесе эпидуральді анестезия контексінде қан кету және жұлын немесе эпидуральді гематомалардың пайда болу қаупі артады.
• ангиотензин өзгертуші фермент (АӨФ) тежегіштерін, АӨФ тежегіштерінің гипертензияға қарсы әсері төмендеуі мүмкін.
• диуретиктерді, диуретиктер, тиазидтік диуретиктер және калий жинақтаушы диуретиктердіңдиуретикалық және гипертензияға қарсы әсерлерінің (гиперкалиемия және нефроуыттылық қаупінің жоғарылауы) төмендеуі мүмкін.
• бета-адренергиялық рецепторлардың блокаторларын, гипертензияға қарсы тиімділіктің төмендеуі ықтимал.
• ангиотензин II рецепторлардың блокаторларын, гипертензияға қарсы тиімділіктің төмендеуі ықтимал.
• дигоксинді, дигоксиннің бүйрек клиренсі төмендеуі мүмкін, бұл дигоксин уыттылығы қаупін арттырады.
• кортикостероидтарды, асқазан-ішек жолында жаралар немесе қан кету қаупі артады.
• Хинолонды антибиотиктерді (мыс., левофлоксацин, офлоксацин): Құрысу ұстамалары қаупінің жоғарылауы.
• Антитромбоцитарлық препараттарды (мыс., клопидогрел): қан кету қаупінің жоғарылауы.
• Басқа ҚҚСД: асқазан-ішек жолында жаралар немесе қан кету қаупі артады.

• Метотрексатты: метотрексаттың сарысулық концентрациясының жоғарылауы. Нәтижесінде уыттылық жоғарылауы мүмкін. Біріктірілген емді жүргізу қажет болған жағдайда қатаң мониторингті жүзеге асыру керек.
• Серотонинді кері қармаудың селективті тежегіштері (СКҚСТ): қан кету қаупінің жоғарылауы.
• Литийді: ҚҚСД литий бүйрек клиренсін тежейді, соның нәтижесінде литийдің сарысулық концентрациясы уытты деңгейге дейін артуы мүмкін. Сондықтан сарысудағы литий деңгейі, әсіресе емнің басында, дозаны таңдау және емдеуді тоқтату кезінде бақылануы тиіс.
• Циклоспоринді: циклоспориннің сарысулық концентрациясының жоғарылауы. Циклоспориннің нефроуыттылығы бүйрек простагландиніне әсер етуінен ҚҚСД әсерімен жоғарылауы мүмкін. Біріктірілген ем барысында бүйрек функциясының көрсеткіштерін қадағалау қажет.
• Сульфонилмочевина туындылары (мысалы, глибенкламид): гипогликемия қаупінің жоғарылауы.
• CYP2C9 изоферменттерінің белгілі индукторлары мен тежегіштері: лорноксикам (Р450 2С9 (CYP2C9 изоферменті) цитохромының қатысуымен метаболизденетін басқа ҚҚСД сияқты CYP2C9 изоферменттерінің белгілі индукторлары мен тежегіштерімен өзара әрекеттеседі.
• Такролимусты: бүйректегі простациклин синтезін азайту нәтижесінде нефроуыттылық қаупінің жоғарылауы. Біріктірілген ем барысында бүйрек функциясының көрсеткіштерін қадағалау қажет.
• Пеметрекседті: ҚҚСД пеметрекседтің бүйрек клиренсін азайтуы мүмкін, бұл бүйрек пен асқазан-ішек жолына уытты әсердің күшеюіне, сондай-ақ миелосупрессияға әкеледі.

Ксефокам Рапид препаратын тағаммен және сусындармен бір уақытта қолдану

Үлбірлі қабықпен қапталған Ксефокам Рапид таблеткаларды тамақпен бірге қабылдау кезінде лорноксикамның сіңуінің баяулауы байқалады. Сондықтан, әрекеттің тез басталуын (ауырсынуды басуды) қамтамасыз ету қажет болған жағдайда, Ксефокам Рапид препараттын тамақпен бірге қабылдауға болмайды.

Тағам сіңуді шамамен 20% төмендетеді және T_max арттырады

Арнайы ескертулер

Егер сіз жүкті болсаңыз, жүкті болуым мүмкін деп ойласаңыз немесе бала көтеруді жоспарласаңыз, осы препаратты қолданар алдында емдеуші дәрігермен немесе фармацевтпен кеңесіңіз. Сондай-ақ, сіз балаға емшек емізіп жүрсеңіз, емдеуші дәрігерге хабарлауыңыз керек.

Ұрпақ өрбіту функциясы

Ксефокам Рапид препаратын қолдану репродуктивтік функцияға теріс әсер етуі мүмкін, сондықтан да жүкті болуға тырысып жүрген әйелдерге ұсынылмайды. Ұрықтануға қатысты қиындығы бар немесе бедеулікке байланысты тексеруден өтіп жүрген әйелдер дәрігермен кеңесіп, Ксефокам Рапид препаратымен емдеуді тоқтату туралы ойлануы тиіс

Жүктілік уақытында

Емдеуші дәрігеріңіз міндетті түрде тағайындайтын жағдайларды қоспағанда, жүктіліктің алғашқы алты айында Ксефокам Рапид препаратын қабылдамаған жөн.

Сіз жүктіліктің соңғы үш айында Ксефокам Рапид препаратын қабылдамауыңыз тиіс.

Емшек емізу уақытында

Емдеуші дәрігеріңіз міндетті түрде тағайындайтын жағдайларды қоспағанда, емшек емізу уақытында Ксефокам Рапид препаратынқабылдамаған жөн.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Ксефокам Рапид автокөлікті басқару және құрал-жабдықпен жұмыс істеу қабілетіне әсер етпейді немесе іс жүзінде әсер етпейді.

Қолдану жөніндегі нұсқаулар

Дозалау режимі

Бұл дәрілік затты қабылдағанда емдеуші дәрігердің нұсқауларын әрдайым дәл сақтаңыз. Егер сізде препаратты дұрыс қолдану туралы күмән туындаса, емдеуші дәрігермен немесе фармацевтпен кеңесіңіз.

Жедел ауыры синдромында күніне 8-16 мг лорноксикам керек. Бірінші емдеу күні бастапқы доза 16 мг, содан соң 12 сағаттан кейін 8 мг құрайды. Кейінненең жоғары тәуліктік дозасы 16 мг құрайды.

Балалар мен жасөспірімдер

Лорноксикам балалар мен 18 жасқа дейінгі жасөспірімдерде қауіпсіздік және тиімділік туралы деректердің болмауына байланысты қолдануға ұсынылмайды

Егде жастағы пациенттер

Бүйрек немесе бауыр функциясы бұзылған науқастарды қоспағанда, 65 жастан асқан егде пациенттерге дозаны арнайы түзету талап етілмейді, бірақ лорноксикам сақтықпен қолдану керек, себебі пациенттердің бұл тобында асқазан-ішек жолы тарапынан туындайтын жағымсыз әсерлер көтерімділігінашар өтуі мүмкін

Бүйрек жеткіліксіздігі бар пациенттер

Бүйрек функциясы жеңіл немесе орташа пациенттер үшін Ксефокам Рапид қабылдау жиілігін күніне бір рет төмендету ұсынылады. Бүйрек функциясы ауыр бұзылған пациенттерге лорноксикамды қолдануға болмайды.

Бауыр жеткіліксіздігі бар пациенттер

Бауыр функциясы орташа пациенттер үшін Ксефокам Рапид қабылдау жиілігін күніне бір рет төмендету ұсынылады. Бауыр функциясы ауыр бұзылған пациенттерге лорноксикамды қолдануға болмайды.

Ксефокам Рапид таблеткаларын жеткілікті мөлшердегі сұйықтықпен ішіп қабылдау қажет. Тамақ Ксефокам Рапид препаратының тиімділігін төмендететіндіктен, Ксефокам Рапид препаратын аспен бір мезгілде қабылдауға болмайды

Егер сіз Ксефокам Рапид препаратының дозасын арттырып алсаңыз

Егер сіз Ксефокам Рапид препаратының тағайындаған мөлшерінен артыққабылдасаңыз, онда дәрілік затты қабылдауды тоқтатып, емдеуші дәрігеріңізбен немесе фармацевтпен хабарласыңыз.

Артық дозаланғанда сізде келесі симптомдар пайда болуы мүмкін: жүрек айнуы, құсу және орталық жүйке жүйесімен астасқан симптомдар (бас айналу немесе көрудің бұзылуы сияқты).

Сондай-ақ, комаға ауысатын атаксия сияқты ауыр симптомдар және құрысу, бауыр мен бүйрек зақымдануы және қан ұюының ықтимал бұзылуы дамуы мүмкін.

Ксефокам Рапид препаратын қабылдауды ұмытып кетсеңіз

Сізге өткізіп алған таблетканың орнына препараттың қосарлы дозасын қабылдауға болмайды.

Егер сізде осы препаратты қолдану бойынша қосымша сұрақтар туындаса, емдеуші дәрігерге немесе фармацевтке хабарласыңыз.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар (қажет болса)

Кез келген басқа препараттармен болатындай, бұл дәрілік зат жағымсыз әсерлерді тудыруы мүмкін, алайда олар барлығында болмаса да дамиды.

Ксефокам Рапид сияқты дәрілік заттарды қабылдау жүрек ұстамалары немесе инсульт қаупін аздап арттырумен астасқан болуы мүмкін.

Егер сізде ерекше абдоминальді симптомдар, мысалы, құрсақ қуысында қан кету, тері бөртпелері, мұрынның ішкі төсемдерінің, ауыз қуысының, қабақтың, құлақ жарғағының, гениталийдің немесе анустың зақымдануы, немесе басқа да аса жоғары сезімталдық белгілері сияқты тері реакциялары туындаса, сіз Ксефокам Рапид препаратын қабылдауды тоқтатуыңыз және дереу емдеуші дәрігерге қаралуыңыз керек.

Егер сізде келесі жағымсыз әсерлердің кез келгені туындаса, осы дәрілік затты қабылдауды тоқтатыңыз және олар туралы дереу емдеуші дәрігерге хабарлаңыз немесе жақын жердегі аурухананың шұғыл көмек көрсету бөлімшесіне хабарласыңыз:

• ентігу, кеуденің ауыруы немесе айқын болатын немесе сіздің ойыңызша солай болатын тобық ісінуі;
• қатты немесе тоқтамайтын іш ауыруы немесе нәжістің қараюы;
• тері жабындары мен көз ақуыздарының сарғаюы (сарғаю) - бауырдағы проблемалардың белгісі;
• тері проблемаларымен, мысалы, ойық жаралар немесе күлдіреуік, немесе бет, ерін, тіл немесе тамақ ісінуімен көрініс табуы мүмкін аллергиялық реакция, осының нәтижесінде сіздің тыныс алу қиын болуы мүмкін;
• қызу, сулы бөртпе немесе, әсіресе алақандағы және табандағы немесе ауыз маңындағы қабыну (Стивенс-Джонсон синдромы);
• ерекше жағдайларда желшешек аясында (желшешек) терінің күрделі инфекциялары дамуы мүмкін.

Ксефокам Рапид препаратын қолданумен астасқан жағымсыз әсерлер төменде сипатталған.

Жиі жағымсыз әсерлер (10 адамға 1 жағдайға дейін)

• жеңіл және қысқа мерзімді бас ауыруы және айналуы;
• көзден шығатын бөліністер (конъюнктивит);
• жүрек айнуы, іш ауыруы, асқазандағы бұзылыс, диарея және құсу.

Жиі емес жағымсыз әсерлер (10 адамға 1 жағдайға дейін)

• салмақ жоғалту (анорексия), ұйықтай алмау (ұйқысыздық), депрессия;
• бас айналуын сезіну, құлақтың шулауы (тиннитус);
• жүрек жеткіліксіздігі, жүрек соғуының жиілеуі, тахикардия, бетке қан құйылу сезімі;
• аллергия нәтижесінде мұрынның бітелуі (ринит);
• іш қату, шамадан тыс газ түзілуі (метеоризм), жарық, ауыздың құрғауы, гастрит, пептидтік жара, іштің жоғарғы бөлігіндегі ауырсыну, он екі елі ішектің ойықжарасы, ауыз қуысындағы ойықжара;
• бауыр ферменттерінің белсенділігін арттыру (қан талдауы бойынша анықталатын);
• бөртпе, қышыну, қатты терлеу, терінің қызаруы (эритема), ангионевроздық ісіну (терінің терең қабаттарының, әдетте беттің тез ісінуі), аллергиялық бөртпе (есекжем), шаштың түсуі (алопеция);
• буын ауыруы (артралгия);
• өзін-өзі нашар сезіну (дімкәстік), беттің ісінуі;

Сирек жағымсыз әсерлер (1 000 адамға 1 жағдайға дейін)

• тамақ ауыруы ( фарингит)
• анемия, қандағы жасушалар мөлшерінің азаюы (тромбоцитопения және лейкопения);
• анафилактоидты реакцияларды және анафилаксияны қоса аса жоғары сезімталдық (организмнің реакциясы, әдетте беттің ісінуімен, бетке қан құйылуымен, тыныс алудың қиындауымен және естен тану алдындағы жағдаймен сипатталады);
• сананың шатасуы, ашулану, қозу, ұйқышылдық (ұйқыға тартқан кезде), парестезия (шаншу сезімі), дәмдік қасиеттерінің өзгеруі, тремор, бас сақинасы, көру қабілетінің бұзылуы;
• жоғары артериялық қысым, ысыну;
• қан кету, гематомалар (көгерулер), қан ұю уақытының ұзаруы;
• тыныс алудың қиындауы (ентігу), жөтел, бронх түйілуі;
• ойықжараның тесілуі, қан құсу, асқазан-ішек жолынан қан кету, қара нәжіс;
• ауыз қуысының қабынуы, эзофагит (өңештің қабынуы), гастроэзофагеальді рефлюкс, жұтудың қиындауы, афтоздық стоматит (ойықжаралы), тілдің қабынуы;
• бауыр функциясын бағалау нәтижесінде нормадан ауытқу;
• тері проблемалары, мысалы, экзема, бөртпе;
• сүйек ауыруы, бұлшықет түйілуі, бұлшықет ауыруы;
• түнде ояну және несеп шығару қажеттілігі (ноктурия), немесе қандағы несеп шығару және креатинин деңгейінің жоғарылауы сияқты несеп шығару проблемалары;
• әлсіздік, қажу.

Өте сирек жағымсыз әсерлер (10 000 адамға 1 жағдайға дейін)

• ҚҚСД барлық класына тән әсерлер: нейтропения, агранулоцитоз, апластикалық анемия, гемолитикалық анемия, бүйрекке нефроуытты әсер.
• асептикалық менингит;
• бауырдың зақымдануы, гепатит (бауырдың қабынуы), сарғаю, холестаз (бауырдан өттің түсуінің тоқтауы);
• көгеру, ісінулер, ауыр тері бұзылыстары (Стивенс-Джонсон синдромы, уытты эпидермальді некролиз);

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір таблетканың құрамында

белсенді зат - лорноксикам 8 мг,

қосымша заттар: кальций стеараты, гидроксипропилцеллюлоза, натрий гидрокарбонаты, бір орын басқан гидроксипропилцеллюлоза, микрокристалды целлюлоза,кальций гидрофосфаты,

Үлбірлі қабықтың құрамы: пропиленгликоль, тальк, титанның қостотығы Е171, гипромеллоза

Сыртқы түрінің, иісінің, дәмінің сипаттамасы

Ақтан ашық сары түске дейінгі дөңгелек, екі беті дөңес, үлбірлі қабықпен қапталған таблеткалар.

Шығарылу түрі және қаптамасы

6 таблеткадан ПВХ үлбірден және алюминий фольгадан жасалған пішінді ұяшықты қаптамаға салынады.

1 немесе 2 қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынған.

Сақта мерзімі

2 жыл

Жарамдылық мерзімі өткеннен кейін қолдануға болмайды!

Сақтау шарттары

30 ºС-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы

Өндіруші туралы мәлімет

Такеда ГмбХ, Германия

Леницштрассе 70-98, 16515 Ораниенбург, Германия/

Lehnitzstrasse 70-98, 16515 Oranienburg, Germany

Тел.: +43 732 6919 0

Факс: +43 732 65 60 66

Электронды пошта: www.takeda.com

Тіркеу куәлігінің иесі

Такеда Фарма А/С, Дания

Дубендал Алле 10, 2630 Тааструп, Дания/

DybendalAlle 10, 2630 Taastrup, Denmark

Тел.: +43 732 6919 0

Факс: +43 732 65 60 66

Электронды пошта: www.takeda.com

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Такеда Казахстан» ЖШС

Алматы қ., Шашкин к-сі 44

Телефон нөмірі (727) 2444004

Факс нөмірі (727) 2444005

Электронды пошта DSO-KZ@takeda.com

Дәріханалар

Қалалар