Корвалол №30

Сипаттама

Дәрілік затты медициналық қолдану

жөніндегі нұсқаулық

КОРВАЛОЛ^®

Саудалық атауы

Корвалол^®

Халықаралық патенттелмеген атауы

Жоқ

Дәрілік түрі

Таблеткалар

Құрамы

1 таблетканың құрамында

белсенді заттар: 100% затқа шаққанда α-бромизовалериан қышқылының этилді эфирі 12,42 мг, 100% құрғақ затқа шаққанда фенобарбитал 11,34 мг, жалбыз майы 0,88 мг;

қосымша заттар: лактоза моногидраты, магний стеараты,β-циклодекстрин, калий ацесульфамы.

Сипаттамасы

Екі беті дөңес, ақ түсті таблеткалар.

Фармакотерапиялықтобы

Жүйке жүйесі. Психолептиктер. Ұйықтататын және тыныштандыратын препараттар. Анксиолитиктер. Басқа препараттармен біріктірілген барбитураттар.

АТХ коды N05CB02

Фармакологиялық қасиеттері

Фармакокинетикасы

Сублингвальді қабылдаған кезде, сіңуі тіл асты аймағында-ақ басталады, белсенді заттардың биожетімділігі жоғары (шамамен 60-80%). Әсері жылдам (5-10 минуттан кейін) байқалады. Ішке қабылдаған кезде әсері 15-45 минут өткен соң дамиды және 3-6 сағат бойы созылады. Бұрын барбитурат қышқылы препараттарын қабылдаған адамдарда әсер ету ұзақтығы барбитураттар ферменттер индукциясын туындататын бауырдағы фенобарбиталдың жылдам метаболизмі есебінен қысқарады. Егде жастағы адамдарда және бауыр циррозы бар пациенттерде Корвалол^® препаратының метаболизмі төмен, сондықтан оларда жартылай шығарылу кезеңі ұзарады, бұл дозаны азайтуды және препараттың қабылдану аралығын ұзартуды қажет етеді.

Фармакодинамикасы

Корвалол^® - тыныштандыратын және спазмолитикалық препарат,әсері оның құрамына кіретін компоненттермен анықталады.

α-бромизовалериан қышқылының этилді эфирі рефлекторлытыныштандыратын және спазмолитикалық әсер береді, оған негізінен ауыз қуысы мен мұрын жұтқыншағы рецепторларын тітіркендіруге, жүйке жүйесі орталық бөліктері рефлекторлық қозғыштығының төмендеуіне және ми қыртысы мен қыртыс астылық құрылымдар нейрондарындағы тежелу құбылыстарының күшеюіне, сондай-ақ орталықтық тамыр қозғалтқыш орталықтар белсенділігі төмендеуі мен тамырлардың тегіс бұлшықеттеріне жергілікті түйілуді басатын тікелей әсеріне байланысты болады.

Фенобарбитал ортаңғы және сопақша ми ретикулярлы формациясы орталықтарының үлкен жартышарлар қыртысына белсенділендіруші әсерін басады, сол арқылы ми қыртысы мен қыртыс асты құрылымдарына қоздырғыш әсер беру легін азайтады. Белсендіруші әсерлердің азаюы дозасына байланысты тыныштандырғыш, транквилизациялаушы немесе ұйықтататын әсер береді. Корвалол^® жалпы артериялық қысымды төмендетіп, қан тамырлары, әсіресежүрек қан тамырларыныңтүйілуін басып және алдын ала отырып, тамыр қозғалтқыш орталықтарына, коронарлық және шеткері қан тамырларына қоздырғыш әсерін азайтады.

Жалбыз майы құрамында эфир майларының мөлшері көп, оның ішінде 50 % жуық ментол және 4-9 % ментол эфирлері бар. Олар ауыз қуысының «суыту» рецепторларын тітіркендіруге және тегіс бұлшықеттер түйілулерін басып, тыныштандырғыш және жеңіл өт айдайтын әсер туғыза отырып, негізінен рефлекторлы түрде жүрек пен мидың қан тамырларын кеңейтуге қабілетті. Бұрыш жалбыз майы антисептикалық жәнеспазмолитикалық әсер етеді, метеоризм құбылыстарын жою қабілетіне ие.

Қолданылуы

- қатты ашушаңдықпен невроздарда

- ұйқысыздықта

- артериялық гипертензияны және вегетативтік қантамырлық дистонияны кешенді емдеуде

- коронарлық тамырлардың айқын емес түйілуі, тахикардияда

- нейровегетативті бұзылыстармен байланысты ішек түйілулері (спазмолитикалық препарат ретінде)

Қолдану тәсілі мен дозалары

Корвалол^® сублингвальді (тіл астына) немесе ішке ересектерге1 таблеткадан тәулігіне 2-3 рет тағайындалады.

Қажет болғанда (айқын тахикардия және коронарлық қантамырлар түйілуі) бір реттік дозаны 3 таблеткаға дейін арттыруға болады.

Препаратты қабылдау ұзақтығын дәрігер клиникалық әсерге немесе препараттың жағымдылығына байланысты анықтайды.

Жағымсыз әсерлері

Препаратқа жағымсыз реакциялар олардың даму жиілігіне сәйкес келесі түрде жіктелген: өте жиі (≥1/10), жиі (≥1/100, <1/10), жиі емес (≥1/1000, <1/100), сирек (≥1/10000, <1/1000) және өте сирек (<1/10000); белгісіз (құбылыстардың туындау жиілігін қолда бар деректер негізінде бағалау мүмкін емес).

Корвалол^®, әдетте, жақсы көтерімді. Жекелеген жағдайларда төмендегі жағымсыз әсерлер байқалуы мүмкін:

асқорыту жолының тарапынан: белгісіз - іштің қатуы, эпигастральді аймақта ауырлық сезімі, ұзақ қолданғанда – бауыр функциясының бұзылуы, жүрек айнуы, асқазан мен ішек аймағындағы жайсыздық;

жүйке жүйесі тарапынан: белгісіз - әлсіздік, атаксия, қозғалыс үйлесімінің бұзылуы, нистагм, елестеулер, парадоксальді қозу, зейін қоюдың төмендеуі, шаршау, реакциялардың бәсеңдеуі, бас ауыруы, когнитивтік бұзылулар, сананың шатасуы, ұйқышылдық, жеңіл бас айналу;

қантүзілу ағзалары тарапынан: белгісіз - анемия, тромбоцитопения, агранулоцитоз;

иммундық жүйе тарапынан: белгісіз - аса жоғары сезімталдық реакциялары, ангионевроздық ісінуді қоса;

жүрек-қантамыр жүйесі тарапынан: белгісіз - артериялық гипотензия, брадикардия; жүрек ырғағының баяулауы;

тері және шырышты қабықтар тарапынан: белгісіз - аллергиялық реакциялар, оның ішінде тері бөртпесі, қышыну, есекжем, Стивенс-Джонсон синдромы, уытты эпидермалық некролизі;

басқасы: белгісіз - тыныс алудың қиындауы.

Құрамына бром кіретін препараттарды ұзақ қабылдау: орталық жүйке жүйесінің бәсеңдеуі, депрессиялық көңіл-күй, депрессия, сананың шатасуы, атаксия, апатия, конъюнктивит, ринит, көзден жас ағуы, акне немесе пурпура сияқты симптомдармен сипатталатын броммен улануға әкелуі мүмкін.

Қолдануға болмайтын жағдайлар

- препарат компоненттеріне, бромға жоғары сезімталдық

- бауыр және/немесе бүйрек функциясыныңайқын бұзылулары

- бауыр порфириясы

- жүректің ауыр жеткіліксіздігі

- айқын артериялық гипотензия

- жедел инфаркт миокарді

- қант диабеті

- депрессия

- миастения

- маскүнемдік

- есірткілік және дәрілік тәуелділік

- демікпе, обструктивтік синдроммен респираторлық аурулар

- жүктілік және лактация

- 18 жасқа дейінгі балалар және жасөспірімдер

Дәрілермен өзара әрекеттесуі

Корвалол^® препаратының әсерін орталықтан бәсеңдететін типтегі препараттар күшейтеді.

Препараттың құрамында фенобарбитал болуы бауыр ферменттерін индукциялауы мүмкін, және тиісінше, осы ферменттермен метаболизденетін кейбір дәрілердің метаболизмін жылдамдатуы мүмкін (тікелей емес антикоагулянттарды, жүрек гликозидтерін, микробқа қарсы, вирусқа қарсы, зеңге қарсы, эпилепсияға қарсы, құрысуға қарсы, психотропты, пероральді қантты түсіретін, гормоналды, иммуносупрессиялық, цитостатикалық, аритмияға қарсы, гипертензияға қарсы дәрілік заттарды, гризеофульвинді, глюкокортикоидтарды, пероральді ұрықтануға қарсы дәрілерді қоса), өйткені олардың тиімділігі анағұрлым жоғары деңгейлі метаболизмнің нәтижесінде төмендейді.

Корвалол^® анальгетиктердің, жергіліктік анестетиктердің және орталық жүйке жүйесін бәсеңдететін дәрілік заттардың әсерін күшейтеді.

МАО тежегіштері фенобарбиталдың әсерін ұзартады. Рифампицин фенобарбиталдың әсерін төмендетуі мүмкін.

Фенобарбиталды алтын препараттарымен бір мезгілде қолданған кезде бүйректің зақымдану қаупі артады.

Фенобарбиталды қабынуға қарсы стероидты емес препараттармен бір мезгілде ұзақ уақыт қолдану кезінде асқазанның ойық жарасы пайда болуы және қан кету қаупі бар.

Фенобарбиталды зиновудинмен бір мезгілде қолдану екі препараттың да уыттылығын күшейтуі мүмкін.

Вальпрой қышқылымен бір мезгілде қолданғанда оның әсері күшейеді.

Метотрексатпен бір мезгілде қолданғанда соңғысының уыттылық әсері күшейеді.

Алкоголь препараттың әсерін, сондай-ақ оның уыттылығын күшейтеді. Препаратты қабылдаған кезде спиртті сусындарды қабылдауға болмайды.

Айрықша нұсқаулар

Стивенс-Джонсон және Лайелл синдромының даму қаупі емдеудің бірінші аптасында жоғары болады. Дәрілік тәуелділіктің даму қаупіне, организмде бромның жиналу мүмкіндігіне және бромнан уланудың дамуына байланыстыұзақ қолдану ұсынылмайды. Жүрек аймағындағы ауыру препарат қабылдаудан кейін басылмаған жағдайда жедел коронарлық синдромды жоққа шығару үшін дәрігерге қаралу қажет. Гиперкинез, гипертиреоз, бүйрек безінің гипофункциясы, декомпенсацияланған жүрек жеткіліксіздігі, жедел және тұрақты ауыру, дәрілік заттармен жедел уланған кезде сақтықпен тағайындайды.

Спиртті сусындарды бір мезгілде қолданудан аулақ болған жөн.

Препаратты артериялық гипотензия кезінде абайлап тағайындаған дұрыс.

Препараттың құрамында лактоза моногидраты бар, сондықтан, егер Сіздің кейбір қанттарды көтере алмаушылығыңыз болса, осы дәрілік затты қабылдар алдында дәрігерден кеңес алыңыз.

Педиатрияда қолданылуы

Балаларды емдеу үшін қолданылу тажірибесі жоқ.

Жүктілік және лактация кезеңінде қолданылуы

Жүктілік және бала емізу кезеңінде қолдануға болмайды.

Препараттың көлікті және қауіптілігі зор механизмдерді басқару қабілетіне әсер ету ерекшеліктері

Препаратты механизмдермен жұмыс істейтін адамдар, автокөлік жүргізушілерінің және т.б. қолданбағаны жөн.

Артық дозалануы

Препаратты жиі немесе ұзақ қолданған кезде артық дозалануы мүмкін, бұл оның құрамдастарының жинақталуымен байланысты. Ұзақ және тұрақты қолдану тәуелділікті, абстиненттік синдромды, психомоторлық қозуды туындатуы мүмкін. Препарат қабылдауды күрт тоқтату, тоқтату синдромын туындатуы мүмкін.

Артық дозалану симптомдары: тыныс алудың бәсеңдеуі, тіпті ол тоқтағанға дейін; орталық жүйке жүйесінің бәсеңдеуі, сананың шатасуы, бас айналу, атаксия, тіпті комаға дейін болатын ұйқышылдық; ырғақтың бұзылуын, тахикардияны, тіпті коллапстық жағдайға дейінгі артериялық қысымның төмендеуін қоса жүрек-қантамыр қызметінің бәсеңдеуі; жүрек айну, әлсіздік, дене температурасының төмендеуі, диурездің азаюы.

Емі: симптоматикалық.

Шығарылу түріжәне қаптамасы

10 таблеткадан поливинилхлоридті жарықтан қорғайтын үлбірден және баспалы лакталған алюминий фольгадан жасалған пішінді ұяшықты қаптамаға салынған.

1, 3 немесе 5 пішінді ұяшықты қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

Сақтау шарттары

Жарықтан қорғалған жерде, 25^°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін препаратты қолдануға болмайды.

Дәріханалардан босатылу шарттары

Рецептісіз

Өндіруші

«Фармак» ЖАҚ, Украина, 04080, Киев қ., Фрунзе к-сі, 74.

Тіркеу куәлігінің ұстаушысы

«Фармак» ЖАҚ, Украина

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттардың тіркеуден кейінгі қауіпсіздігін қадағалауға жауапты ұйымның атауы,мекенжайы және байланыс деректері (телефон, факс, электронды пошта)

Қазақстан Республикасындағы «Фармак» ЖАҚ өкілдігі

Қазақстан Республикасы, Алматы қ., индексі 050012, Амангелді к-сі, 59 "А", "Шартас" бизнес орталығы, 9-қабат.

Тел./факс: +7 (727) 267 63 73,

Электронды пошта: а.aspetova@farmak.kz

Қалалар