Сипаттама
Саудалық атауы
Глутаргин
Халықаралық патенттелмеген атауы
Аргинин
Дәрілік түрі, дозасы
Инфузия үшін ерітінді дайындауға арналған концентрат, 400 мг/мл
Фармакотерапиялық тобы
Асқорыту жолы және зат алмасу. Бауыр ауруларын және өт жолдарын емдеуге арналған препараттар. Бауыр ауруларын емдеуге арналған препараттар, липотропты препараттар. Бауыр ауруларын емдеуге арналған препараттар. Аргинин глутаматы.
АТХ коды А05ВА01
Қолданылуы
Кешенді ем құрамында:
- әр түрлі этиологиядағы жедел және созылмалы гепатиттерде (оның ішіндеинфекциялық аурулар кезінде)
- гепатотропты улармен улануда (бозғылт арамқұлақ, химиялық және дәрілік заттармен)
- бауыр циррозында
- бауырэнцефалопатиясында
- орташа және ауыр дәрежедегі жедел алкогольді уыттануда
-жүктіліктің III триместріндегі асқынуларда (кешеуілдеген гестоз, оның ауыр түрлері – преэклампсия мен эклампсияны қоса, фетоплацентарлық жеткіліксіздік, жүкті әйелдердегі гепатобилиарлық жүйенің созылмалы патологиялары)
Қолданудың басталуына дейін қажетті мәліметтер тізбесі
Қолдануға болмайтын жағдайлар
- препарат компоненттеріне жоғары сезімталдық
- қызба
- жоғары қозғыштық және жедел психоздар
- бүйректің сүзгіш (азот бөлетін) функциясыныңауыр бұзылулары
Қолдану кезіндегі қажетті сақтандырушаралары
Асқынулардың алдын алу үшін дәрігердің қатаң нұсқауы бойынша қолданыңыз.
Басқа дәрілік препараттармен өзара әрекеттесуі
Глутаргиннің инсулин сөлінісіне әсері аминофиллинді бір мезгілде тағайындағанда жоғарылайды. Глутаргин антиагрегациялық дәрілердің (дипиридамолдың) әсерін күшейтуі мүмкін. Изониазидті қолдану кезінде туындауы мүмкін нейроуытты құбылыстардың алдын алады және әлсіретеді. Винбластин әсерін әлсіретеді.
Үйлесімсіздігі.
Препаратты басқа дәрілік заттармен араластыруға болмайды. Тек ұсынылған еріткіштерді ғана қолдану керек.
Арнайы ескертулер
Эндокриндік бездерінің функциясы бұзылған пациенттерге тағайындағанда препараттың инсулин мен өсу гормондары секрециясын стимуляциялайтынын ескерген жөн. Глутаргин мочевинада аммиактың байланысын белсендіреді, бұл талапқа сай қанда оның деңгейінің қысқа мерзімді жоғарылауымен қатар жүруі мүмкін.
Педиатрияда қолдану
Балаларға препаратты қолданудың тиімділігі мен қауіпсіздігі зерттелмеген.
Жүктілік немесе лактация кезінде
Жүктілік кезеңінде жүктіліктің I және II триместрінде және бала емізу кезінде препаратты клиникалық қолдану қауіпсіздігі зерттелмеген.
Препараттың көлік құралдарын және қауіптілігі зор механизмдерді басқару қабілетіне әсер ету ерекшеліктері
Препаратпен емдеу кезінде ОЖЖ тарапынан жағымсыз реакциялар (бас ауыру, бас айналу, тремор) туындауы мүмкін болғандықтан, автокөлікті немесе басқа механизмдерді басқарғанда сақ болған жөн.
Қолдану жөніндегі нұсқаулар
Дозалау режимі
Препаратты ересектерге вена ішіне тағайындайды.
Жедел және созылмалы гепатиттер, гепатотропты улармен улану, бауыр циррозы, бауыр энцефалопатиясы:тәулігіне 2 рет 150-250 мл 0,9 % натрий хлориді ерітіндісіне немесе 5% глюкоза ерітіндісінеминутына 60-70 тамшы жылдамдықпен 5 мл-ден (2 г) тамшылатып вена ішіне енгізеді. Ауыр жағдайларда препараттың тәуліктік дозасын 2 енгізуге бөлінген 15-20 мл (6 - 8 г) дейін жоғарылатады.
Ең жоғары тәуліктік дозасы – 20 мл (8 г). Емдеу курсы – 5-10 тәулік.
Жедел алкогольдік уыттану: Вена ішіне тәулігіне 2 рет 2–3 күн бойы тағайындайды, 150–250 мл 0,9%натрий хлоридінің ерітіндісіне немесе 5% глюкоза ерітіндісіне 2 мл-ден (0,8 г)минутына 60–70 тамшы жылдамдықпен тамшылатып енгізеді, содан соң дозаны 10 күн бойы тәулігіне 2 рет 1 мл-ге (0,4 г) дейін азайтады. Ауыр жағдайларда (алкогольдік комада) тәуліктік доза тәулігіне 2 рет 5 мл-ге (2 г) дейін көтеріледі.
40 % Глутаргин ерітіндісімен емдеу курсынан кейін қажет болғанда Глутаргин таблеткаларын қабылдауға ауысқан жөн.
ІІІ триместрдегі жүктілік патологиясы: тәулігіне 1-2 рет150-250 мл 0,9 % натрий хлориді ерітіндісіне немесе 5% глюкоза ерітіндісіне 5 мл-ден (2 г) минутына 60-70 тамшы жылдамдықпен тамшылатып енгізеді.
Ең жоғары тәуліктік доза – 10 мл (4 г). Емдеу курсы – 5-7 тәулік.
Пациенттердің ерекше тобы
Балалар
Балаларға препаратты қолданудың тиімділігі мен қауіпсіздігі зерттелмеген.
Енгізу әдісі және жолы
Препаратты вена ішіне тағайындау керек.
Қабылдау уақыты көрсетілген қолдану жиілігі
Қабылдау жиілігі пациенттің көрсетілімдері мен жағдайына байланысты жеке белгіленеді.
Емдеу ұзақтығы
Емдеу ұзақтығы көрсетілімдері мен пациенттің жағдайына байланысты жеке белгіленеді.
Артық дозаланған жағдайда қолданылуы қажет шаралар
Симптомдары: жағымсыз реакциялар көріністерінің күшеюі, кеуде қуысының ауыруы, атриовентрикулярлық бөгет.
Емі:кортикостероидтарды вена ішіне енгізу. Симптоматикалық ем.
Дәрілік препараттың бір немесе бірнеше дозасын өткізіп алған кездегі қажетті шаралар
Егер сіз дозаны қабылдауды ұмытып кетсеңіз, келесі дозаларды дәрігер ұсынған емдеу режиміне сәйкес қабылдаңыз. Одан әрі дәрігердің ұсыныстарына сәйкес препаратты қабылдауды жалғастырыңыз.Қабылдауды ұмытып кеткеннің орнын толықтыру үшін препараттың қос дозасын қабылдауға болмайды.
Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі кеңестер
Дәрілік препаратты қабылдамас бұрын кеңес алу үшін дәрігерге немесе фармацевтке жүгініңіз.
ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар
Сирек:
– ентігу, кеуде қуысының ауыруы, дене температурасының көтерілуі, қалтырау, енгізу орынындағы өзгерістер, флебит;
– жыпылықтайтын аритмия, артериялық қысымның төмендеуі, тахикардия;
– жүрек айнуы, эпигастрий аймағының ауыруы;
– бас ауыруы, бас айналуы, тремор, әлсіздік;
–аса жоғары сезімталдық реакциясы, тері бөртпелерін, қышынуды, гиперемияны, есекжемді, ангионевроздық ісінуді қоса.
Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса,дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз:
Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттарды және медициналық бұйымдарды сараптау ұлттық орталығы» ШЖҚ РМК
http://www.ndda.kz
Қосымша мәліметтер
Дәрілік препараттың құрамы
Бір мл препараттың құрамында
белсенді зат –400.0 мг аргинин глутаматы,
қосымша зат –инъекцияға арналған су.
Сыртқы түрінің, иісінің, дәмінің сипаттамасы
Сарғыш түсті мөлдір ерітінді.
Шығарылу түрі және қаптамасы
5 мл препараттан I класты шыны ампулаларға құйылады.
Ампулаға бояумен таңбалау мәтіні немесе өздігіненжабысатын заттаңба жапсырылады.
10 ампуладан медициналық қолдану жөніндегі қазақ және орыс тілдеріндегі нұсқаулықпен, керамикалық кескіш дискімен немесе ампулалық керамикалық пышақпен бірге аралық бөлігі бар картон қорапқа салынады.
5 ампуладан поливинилхлоридті үлбірден немесе поливинилхлоридті үлбірден және алюминий фольгадан жасалған пішінді ұяшықты қаптамаға салынады.
5 ампуладан 2 пішінді ұяшықты қаптама медициналық қолдану жөніндегі қазақ және орыс тілдеріндегі нұсқаулықпен, керамикалық кескіш дискімен немесе ампулалық керамикалық пышақпен бірге картон қорапқа салынады.
Препаратты сындыру сақинасы немесе нүктесі мен кертігі бар ампулаларға қаптағанда керамикалық кескіш дискісі немесе ампулалық керамикалық пышақты салмауға болады.
Сақтау мерзімі
4 жыл
Жарамдылық мерзімі өткеннен кейін қолдануға болмайды!
Сақтау шарттары
Түпнұсқалық қаптамада,25 °С-ден аспайтын температурада сақтау керек.
Балалардың қолы жетпейтін жерде сақтау керек.
Дәріханалардан босатылу шарттары
Рецепт арқылы
Өндіруші туралы мәліметтер
«Здоровье»Фармацевтикалық компаниясы» ЖШҚ
Украина, 61013, Харьков қ.,Шевченко к-сі, 22.
Тел: +38 (057) 757-07-77
Электронды поштасы (E-mail): office@zt.com.ua
Тіркеу куәлігінің ұстаушысы
«Здоровье»Фармацевтикалық компаниясы» ЖШҚ
Украина, 61013, Харьков қ.,Шевченко к-сі, 22.
Тел: +38 (057) 757-07-77
Электронды поштасы (E-mail): office@zt.com.ua
Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
ЖК Гуськов А.Е.
050039 Алматы қ., Майлин к-сі,72 үй, 34 пәтер
Ұялы телеф.: +7 777 392 8080
farmevro@mail.ru
Қазақстан Республикасы аумағында дәрілік заттың сапасы жөніндегі шағымдарды (ұсыныстарды) қабылдайтын ұйымның атауы, мекенжайы және байланыс деректері (телефон, факс, электронды пошта)
"Торговый дом GOOD LOOK" ЖШС
Қазақстан, Тараз қ., Жамбыл даңғылы, 6
Тел.: +7(726)522920
E-mail: goodlook2007@mail.ru
