Тауарлардың көрінісі фотосуретте көрсетілгеннен өзгеше болуы мүмкін

Гербион плюща 150 мл сироп

1906
Қолжетімділігі
Сатылымда бар
Үлгі
3838989607784
Елі
Словения
Өндіруші
KRKA d.d.
  • Сипаттама
  • Дәріханалар

Сипаттама

Дәрілік затты медициналық қолдану жөніндегі нұсқаулық

Гербион® шырмауық шәрбаты

Саудалық атауы

Гербион® шырмауық шәрбаты

Халықаралық патенттелмеген атауы

Жоқ

Дәрілік түрі

Шәрбат, 150 мл

Құрамы

1 мл шәрбаттың құрамында

белсенді зат - шырмауық жапырақтары құрғақ экстрактісі (Hedera helix L., Araliaceae, folium) (5-7.5 : 1) – 7,0 мг,

қосымша заттар: сұйық сорбитол (кристалданбайтын), глицерин, натрий бензоаты, лимон қышқылы моногидраты, бальзам хош иістендіргіші*, тазартылған су.

*Пропиленгликоль, этанол, цитронелл майы, Litsea cubeba цитралі, лимон майы және кориандр майынан тұрады

Сипаттамасы

Өзіне тән иісі және дәмі бар, сары-қоңыр түсті шәрбат. Табиғи текті субстанцияларға тән елеусіз шөгіндісінің болуына жол беріледі.

Фармакотерапиялық тобы

Респираторлық жүйе. Жөтел және суық тию аурулары кезінде қолданылатын препараттар. Экспекторанттар, жөтелді бәсеңдететін біріктірілімді қоспағанда. Қақырық түсіретін препараттар. Шырмауық жапырақтары экстрактісі.

АТХ коды R05CА12

Фармакологиялық қасиеттері

Фармакокинетикасы

Фармакокинетикасы зерттелмеген

Фармакодинамикасы

Гербион® шырмауық шәрбатының құрамында секретоликалық және бронхоспазмолитикалық дәрі ретінде әсер ететін шырмауықжапырақтарының құрғақ экстрактісі бар. Шырмауықжапырақтарынан алынған құрғақ экстрактісінің негізгі ингредиенттері тритерпен сапониндері, негізінен С гедеракозидтері және альфа-гедерин. Альфа-гедерин эндоцитоздың бета 2-адренергиялық рецепторларын тежейді, олар бронх бұлшықеттері және өкпе эпителийінің бета 2-адренергиялық жасушалары белсенділігін арттырады. Бұл бронх бұлшытеттерінде кальцийдің жасушаішілік деңгейін төмендетеді, ол өз ретіндебронхтың босаңсуына әкеледі. Бета 2-адренергиялық рецепторларын көтермелеудің нәтижесінде II типті альвеолярлы эпителийлік жасушалар сурфактантты көбірек өндіреді, бұл шырыш тұтқырлығының кемуіне алып келеді. Қақырық түсіру де, жөтел де осылайша жеңілдейді.

Қолданылуы

Жоғары тыныс алу жолдары және өкпенің қабыну ауруларын кешенді емдеуде симптоматикалық дәрі ретінде қолданылады.

Қолдану тәсілі және дозалары

Ұсынылатын дозалағыш қасықтың көмегімен ішке қолдану керек.

Ересектер мен 12 жас және одан асқан балаларға: 5 немесе 7,5 мл шәрбат күніне 2 рет (күнделікті 70-105 мг шырмауықжапырақтары құрғақ экстрактісіне сәйкес келеді).

6-дан 11 жасқа дейінгі балаларға: 5 мл шәрбат күніне 2 рет (күнделікті 70 мг шырмауық жапырақтары құрғақ экстрактісіне сәйкес келеді).

2-ден 5 жасқа дейінгі балаларға: 2,5 мл шәрбат күніне 2 рет (күнделікті 35 мг шырмауық жапырақтары құрғақ экстрактісіне сәйкес келеді).

Шәрбат таңертең, түсте және/немесе кешке қабылдануы тиіс.

Гербион® шырмауық шәрбатын қабылдағанда шай немесе басқа жылы сусындарды молынан ішу ұсынылады.

Гербион® шырмауық шәрбатын тамақтануға қарамастан қолдануға болады. Жеңіл жағдайларда емдеу ұзақтығы 1 апта болады. Егер пациент жағдайының жай-күйі жақсара бастамаса, одан әрі емдеуге қатысты дәрігерге жүгінген жөн.

Күрделілеу жағдайларда емдеу ұзақтығын дәрігер әр адамға жекелей анықтайды.

Жағымсыз әсерлері

Өте сирек

- аллергиялық реакциялар (тері қышынуы, қызару, тыныс алудың қиындауы)

- жүрек айну, құсу, диарея

Қолдануға болмайтын жағдайлар

- әсер етуші затқа немесе препараттың кез келген басқа компонентіне және Аралия тұқымдас өсімдіктерге аса жоғары сезімталдық

  • жүктілік және лактация кезеңі
  • тыныс алу симптомдарының нашарлау қаупіне байланысты 2 жасқа дейінгі балаларға

- тұқым қуалайтын фруктоза жақпаушылығы

Дәрілермен өзара әрекеттесуі

Препараттың басқа дәрілік заттар әсеріне ықпал етуі жайлы деректер жоқ. Препарат әсеріне тағамның ықпал етуі туралы хабарланбаған.

Айрықша нұсқаулар

Егер ауру симптомдары кетпей жатса немесе ентігу, дене температурасының жоғарылауы, сондай-ақ жөтелген кезде іріңді немесе қанды қақырық пайда болса, дереу дәрігермен кеңесу керек.

Тұрақты немесе қайталанатын жөтел 2-ден 4 жасқа дейінгі балаларда емдеуге дейін медициналық диагнозды қажет етеді.

Кодеин немесе декстрометорфан сияқты жөтелге қарсы дәрілерді бір мезгілде пайдалануға болмайды.

Гастрит немесе асқазан ойық жарасы бар пациенттерге сақтықпен қолдану ұсынылады.

Гербион® шырмауық шәрбатының құрамында сорбитол (Е420) бар. Сирек тұқым қуалайтын фруктоза жақпаушылығы проблемасымен пациенттер бұл препаратты қабылдамауы тиіс.

Жүктілік және лактация кезеңі

Жүктілік және бала емізу кезеңінде қолдануға болмайды (клиникалық деректер жеткіліксіздігіне байланысты).

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препаратты қабылдау автокөлікті немесе қауіптілігі зор механизмдерді басқару қабілетіне әсер етпейді.

Артық дозалануы

Препаратты үш еселенген тәуліктік дозадан асатын көп мөлшерде қабылдау жүрек айну, құсу, диарея және қозуды туындатуы мүмкін.

Емі: симптоматикалық

Шығарылу түрі және қаптамасы

150 мл шәрбаттан алғашқы ашылуы бақыланатын бұрандалы пластик қақпағы бар күңгірт шыныдан жасалған шыны құтыларға құйылады.

1 құтыны өлшеуіш қасықпен және медициналық қолдану жөніндегімемлекеттік және орыс тіліндегі нұсқаулықпен бірге картон қорапшаға салады.

Сақтау шарттары

25 оС-ден аспайтын температурада сақтау керек.

Тоңазытқышта сақтауға болмайды.

Балалардың қолы жетпейтін жерде сақтау керек!

Сақтау мерзімі

2 жыл

Құтының алғашқы ашылуынан кейінгі қолдану кезеңі - 3 ай.

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

­Өндіруші

КРКА, д.д., Ново место, Словения

Шмарьешка цеста 6, 8501 Ново место, Словения

Тіркеу куәлігінің ұстаушысы

КРКА, д.д., Ново место, Словения

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта)

«КРКА Қазақстан» ЖШС, ҚР, 050059, Алматы қ., Әл-Фараби даңғ. 19, 1б корпусы, 2 қабат, 207 кеңсе

тел.: +7 (727) 311 08 09

факс: +7 (727) 311 08 12

info.kz@krka.biz

Дәріханалар

Тауар артығымен бар
Тауар аз қалды
Аптека №30
г. Сарыагаш, ул. Ермекова, 1А
Круглосуточно
Аптека № 7
г. Сарыагаш, ул. Исмаилова, б/н
Круглосуточно