Сипаттама
Дәрілік препаратты қолдану
жөніндегі нұсқаулық (Қосымша-парақ)
Саудалық атауы
Флоксимед
Халықаралық патенттелмеген атауы
Ципрофлоксацин
Дәрілік түрі, дозалануы
Көзге арналған жақпамай, 0.3 %, 5 г
Фармакотерапиялық тобы
Сезім мүшелері. Офтальмологиялықпрепараттар. Микробқа қарсы препараттар. Фторхинолондар. Ципрофлоксацин.
АТХ кодыS01АЕ03
Қолданылуы
- препаратқа сезімтал бактериялардың әсерінен туындаған көз және оның қосалқыларының көрсетілген әртүрлі инфекциялық ауруларын жергілікті емдеу: жедел және баяу өрбитін конъюнктивиттер, блефаконъюнктивиттер, блефариттер, мөлдір қабықтың гипопионды/гипопионсыз бактериялық ойық жаралары, бактериялық кератиттер және кератоконъюнктивиттер, созылмалы дакриоциститтер және мейбомиттер
- офтальмохирургияда операцияға дейінгі профилактика
- операциядан кейінгі инфекциялық асқынуларды емдеуге
- көз алмасының және оның қосалқы аппаратының жарақаттан кейінгі (бөгде дененің болуымен немесе онсыз) инфекциялық асқынуларын емдеуге және профилактикасында
Қолдануды бастағанға дейін қажетті мәліметтер тізбесі
Қолдануға болмайтын жағдайлар
- ципрофлоксацинге және фторхинолондар тобының басқа препараттарына асқын сезімталдық
- глюкоза-6-фосфатгидрогеназа тапшылығы
- 18 жасқа дейінгі балалар және жасөспірімдер
- жүктілік және лактация кезеңі
Басқа дәрілік препараттармен өзара әрекеттесуі
Флоксимедтің белсенділігі оны бета-лактамды антибиотиктермен, аминогликозидтермен, ванкомицинмен, клиндамицинмен, метранидазолмен біріктірген кезде артады.
Арнайы ескертулер
Флоксимедті тек жергілікті ғана қолдануға болады. Көзге тамызатын дәрілерді немесе көзге арналған жақпамайды қолданғаннан кейін конъюнктивальді гиперемия ұзақ уақытқа созылса немесе өршісе, онда пациентке препаратты пайдалануды тоқтату және дәрігерге қаралуы керектігін ескерткен жөн.
Препаратпен емделу кезінде жұмсақ жанаспалы линзаны кимеуге кеңес беріледі. Қатты жанаспалы линзаларды пайдаланғанда оларды дәрі тамызар алдында алып қойған және препарат инстилляциясынан кейін 15-20 минуттан соң қайтадан таққан жөн.
Жүктілік және лактация
Жүкті әйелдерге препаратты қолдануға талапқа сай және жақсы бақыланатын клиникалық зерттеулер жүргізілген жоқ. Препарат жүктілік кезеңінде ұсынылмайды.
Жаңа туған нәрестелерге жағымсыз ықпал етуіне жол бермеу үшін препаратпен емделу кезінде бала емізуді тоқтатқан жөн.
Дәрілік заттың көлік құралын немесе қауіптілігі зор механизмдерді басқару қабілетіне ықпал ету ерекшеліктері
Флоксимед көзге тамызатын дәрілерді немесе көзге арналған жақпамайды қолданғаннан кейін көруі уақытша нашарлаған пациенттерге машинаны жүргізуге немесе күрделі техникамен, станоктармен немесе көздің айқын көруін қажет ететін қандай да болсын басқа күрделі құрал-жабдықпен жұмыс жасау ұсынылмайды.
Қолдану бойынша ұсынымдар
Препаратты пациентке тағайындар алдында осы науқаста ауру тудырған микрофлораның оған сезімталдығын анықтап алған дұрыс.
Флоксимед 0,3% көзге арналған жақпамайын конъюнктивальді қалтаға (қабақтың артқы беті мен көз алмасының алдыңғы беті арасындағы қуыс) жағады.
Инфекцияның ауыр түрлерінде көзге арналған жақпамайы тәулігіне 3-4 рет пайдаланылады; ауру симптомдарының бәсеңдеуіне қарай қабылдау саны азаюы мүмкін.
Инфекцияның жеңіл түрлерінде препаратты әдетте тәулігіне 2 рет тағайындайды.
Препараттың ұзағырақ жанасуын қамтамасыз ету үшін түнге қарай көзге тамызатын дәрілеріне қосымша ретінде көзге арналған жақпамайын қолдануға болады.
Артық дозалану жағдайында қабылдау қажет болатын шаралар
Флоксимед препаратының артық дозалануы бойынша деректер жоқ.
ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар
Жиі
- аллергиялық реакциялар, қышыну, күйдіру, жеңіл-желпі ауыру және конъюнктива гиперемиясы; жүректің айнуы, көздегі жайсыздық, қабақ жиегінде қабықшалардың түзілуі
Сирек
- қабақтың ісінуі, көз қарығуы, көзден жас ағу, көзде бөгде денелерді сезіну, тамызудан соң бірден ауызда жағымсыз дәмнің пайда болуы, көру өткірлігінің төмендеуі, мөлдір қабықтың ойық жарасы бар науқастарда ақ кристалл преципитаттың пайда болуы, кератит, кератопатия, дақтардың пайда болуы немесе мөлдір қабықтың инфильтрациясы.
Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек:
Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті РММ «Дәрілік заттар мен медициналық бұйымдарды сараптау ұлттық орталығы» ШЖҚ РМК
http://www.ndda.kz
Қосымша мәліметтер
1 мл препараттың құрамында
белсенді зат -3,0 мгципрофлоксацин (ципрофлоксацин гидрохлориді түрінде)
қосымшазаттар: хлорбутанол, сусыз ланолин, сары жұмсақ парафин
Сыртқы түрінің, иісінің, дәмінің сипаттамасы
Сарғыштау-ақ түсті гомогенді жақпамай.
Шығарылу түрі және қаптамасы
Бұралатын қақпақшасы бар алюминий сықпаларға препарат 5 г-нан салынған.
1 сықпадан медициналық қолдану жөніндегі қазақ және орыс тілдеріндегі нұсқаулықпен бірге картон қорапқа салынған.
Сақтау мерзімі
2 жыл
Жарамдылық мерзімі өткеннен кейін қолдануға болмайды!
Сақтау шарттары
30°С-ден аспайтын температурда сақтау керек.
Сықпаны ашқаннан кейін, қолдану мерзімі бір ай ішінде.
Балалардың қолы жетпейтін жерде сақтау керек!
Дәріханалардан босатылу шарттары
Рецепт арқылы
Өндіруші туралы мәліметтер
«Е.И.П.И.Ко.», Египет
Заңды мекенжайы: Тенс ов Рамадан Сити, Бірінші өндірістік АймақВ1, а/ж 149 Тенс
Телефон: +2015 361663
Факс: +2015 364377
Электрондық мекенжайы: ipico@eipico.com.eg
Тіркеу куәлігінің ұстаушысы
«УОРЛД МЕДИЦИН ОФТАЛЬМИКС», Ұлыбритания
Заңды мекенжайы: Граунд Фло, Гадд Хаус, Аркадиа Авеню, Финчли, Лондон қ-сы N3 2JU
Телефон: +44 (0) 845 0 66 50 00
Факс: +44 (0) 845 0 66 50 01
Электрондық мекенжайы: pv@wm-ophtalmics.com
Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың қауіпсіздігін тіркеуден кейінгі бақылауға жауапты ұйымныңатауы, мекенжайы және байланыс деректері (телефон, факс, электронды пошта)
«TROKA-S PHARMA», ЖШС
ҚР, Алматы қ-сы, Түріксіб ауданы, Сүйінбай д-лы, 222б
Ұялы тел +7 701 786 33 98, (24-сағат бойы қолжетімді).
Электрондық мекенжай: pvpharma@worldmedicine.kz
