Фенадол 40 г, гель

Сипаттама

Дәрілік препаратты медициналық қолдану

жөніндегі нұсқаулық (Қосымша парақ)

Саудалық атауы

Фенадол^®

Халықаралық патенттелмеген атауы

Этофенамат

Дәрілік түрі, дозасы

Гель 40 г

Фармакотерапиялық тобы

Сүйек-бұлшықет жүйесі. Буын және бұлшықет ауыруында жергілікті қолдануға арналған препараттар. Жергілікті қолдануға арналған қабынуға қарсы стероидты емес препараттар. Этофенамат.

АТХ кодыМ02АА06

Қолданылуы

Ересектерде сыртқы ауыру симптомдарын емдеу үшін:

- сіңірлердің, байламдардың созылуы кезіндегі қатты ауыруларданемесе аяқ-қолдардағы жарақаттан кейінгі (спорттық жарақат) гематомаларда

- гонартроз кезіндегі буындардың жұмсақ тіндеріне (бурситте, сіңірлердің, буын капсуласының ауыруында)

Қолданудың басталуына дейін қажетті мәліметтер тізбесі

Қолдануға болмайтын жағдайлар

- препараттың әсер етуші затына немесе қосымша заттарының кез келгеніне аса жоғары сезімталдық

- балалар мен 18 жасқа дейінгі жасөспірімдерге

- ашық жаралар, қабынулар, тері инфекциялары, сондай-ақ, терідегі немесе шырышты қабықтардағы экзема

- жүктіліктің соңғы триместрі

Қолдану кезіндегі қажетті сақтандыру шаралары

Фенадол^® препаратын тек белгілі бір шараларды сақтай отырып және мұқият медициналық қадағалаумен пайдалану қажет:

- демікпесі, тыныс мүшелерінің созылмалы обструкциялық аурулары, пішен қызбасы, мұрынның шырышты қабығының созылмалы ісінуі (мұрын полипі), пішен қызбасын еске салатын клиникалық симптомдармен қатар жүретін тыныс мүшелерінің созылмалы обструкциялық аурулары, немесе тыныс жолдарының созылмалы инфекциясы бар пациенттер.

- қабынуға қарсы стероидты емес / ауырғанды басатын басқа дәрілерге сезімталдығы жоғары пациенттер.

Демікпені еске салатын симптомдары бар (анальгетиктердің жақпаушылығы/анальгетиктік демікпе), тері мен шырышты қабықтардың жергілікті ісінуі немесе есекжем бар пациенттердегіге қарағанда, аталған пациенттердеде қауіп жоғарырақ.

- тері реакциялары, терінің қышынуы немесе есекжем сияқты, және басқа заттарға аллергиялық реакцияларға бейім пациенттер.

Терінің өңделген бетін гельді қолдану кезінде, сондай-ақ оны қолданғаннан кейін екі апта ішінде күн және/немесе солярий әсеріне ұшыратуға болмайды.

Егер препарат ұзақ уақыт бойы пайдаланылса және/немесе дененің үлкен бөліктеріне жағылатын болса, препараттың жүйелі сіңірілуі артады. Сондықтан бұдан аулақ болу керек.

Фенадол^® препаратының көзге тиіп кетуінен сақтаныңыз. Көзге тиіп кеткен жағдайда, судың көбірек мөлшерімен дереу жуып тастау қажет.

Фенадол^® жиһаздың немесе пластик беткейлердің зақымдануын немесе жылтыратылған түсінің өзгеруін туғызуы мүмкін. Сондықтан өнімді жаққаннан кейін қолды жуу және жоғарыда аталған материалдарға тигізбеу керек.

Басқа дәрілік препараттармен өзара әрекеттесуі

Анықталмаған

Арнайы сақтандырулар

Балалар

Балаларда пайдаланылу тәжірибесі шектеулі. Фенадол^® препаратын балалар мен 18 жасқа дейінгі жасөспірімдерге қолдану ұсынылмайды.

Егде жастағы пациенттер

Дозасын түзету қажет емес.

Бауыр жеткіліксіздігі бар пациенттер

Дозасын түзету қажет емес.

Бүйрек жеткіліксіздігі бар пациенттер

Дозасын түзету қажет емес.

Жүктілік немесе лактация кезінде

Жүктілік кезінде және лактация кезеңінде қолдану ұсынылмайды Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Фенадол көлік құралдарын және қауіптілігі зор механизмдерді басқару қабілетіне әсер етпейді.

Қолдану жөніндегі нұсқаулар

Дозалау режимі

Зақымданған бөліктің ауданына байланысты, 5-10 см гельді (1,7-3,3 г гельге және 75-150 мг этофенаматқа баламалы) сығып шығару керек.

Жарақаттарды емдеу үшін ең жоғарғы тәуліктік дозасы 9 г гельді (450 мг этофенаматқа баламалы) құрайды.

Енгізу әдісі және жолы

Жергілікті қолдануға арналған.

Фенадол^® гелі зақымданған беткейлерге жұқа қабаттап, теріге ақырын ысқылай отырып жағылады.

Гельді жаққаннан кейін ол теріде кебуі үшін бірнеше минут күте тұру керек.

Таңғышпен немесебандажбен жабу ұсынылмайды.

Қабылдау уақытының көрсетілуімен қолдану жиілігі

Фенадол^® тәулігіне 3 рет қолданылады.

Емдеу ұзақтығы

Кесілмей зақымдалған (мысалы, спорттық) жарақаттарда әдетте, бір апталық ем жеткілікті. Ұзағырақ пайдаланудың емдік әсері расталмаған.

Көпшілік жағдайларда, ревматизм кезінде 3 аптадан 4 аптаға дейін емдеу жеткілікті. Егер симптомдары жойылмаса, ұзағырақ емдеудің қажет-қажет еместігін анықтау үшін дәрігерге жүгіну керек.

Артық дозалану жағдайында қабылдау қажет болатын шаралар

а) Фенадол^® гельдің ішіндегісін қысқа уақыт аралығында дененің бүкіл бетіне жаққан кезде бас ауыруы, бас айналуы және/немесе эпигастрий аймағында жайсыздық туындауы мүмкін.

Емі: гельді дереу терінің бетінен сумен жуып тастау керек.

б) Фенадол^® гелі ішке кездейсоқ түскен жағдайда асқазанды шаю немесе құстыру және белсендірілген көмір беру қажет.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар

Егер Сізде осы препаратты қолдану жөнінде қосымша сұрақтар туындаса, дәрігермен кеңесіңіз.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдаукерек шаралар

Жағымсыз құбылыстардың жиілігін анықтау келесі критерийлерге сәйкес жүргізіледі: өте жиі (≥ 1/10), жиі (≥ 1/100 - < 1/10 дейін), жиі емес (≥ 1/1000 - < 1/100 дейін), сирек (≥ 1/10000 - < 1/1000 дейін), өте сирек (< 1/10000), белгісіз (қолда бар деректердің негізінде бағалау мүмкін емес)

Жиі емес

- терінің қызаруы, қышынуы, ашыту сезімі, бөртпе, кейде күлдіреуіктер немесе терідегі жергілікті есекжем реакциялары

Сирек

- аса жоғары сезімталдық реакциялары немесе жергілікті аллергиялық реакциялар (жанаспалы дерматит).

Өте сирек

- аллергиялық дерматит (қатты қышыну, бөртпе, эритема, ісіну, жарыққа сезімталдық реакциялары, буллезді бөртулер)

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

«Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттарды және медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

1 г гельдің құрамында

белсенді зат -50 мг этофенамат

қосымша заттар: қарағай эссенциясы, эвкалипт майы 773791, эмульгин М-8, полиэтиленгликоль 400, карбопол 980, триэтаноламин, изопропил спирті, тазартылған су.

Сыртқы түрінің, иісінің, дәмінің сипаттамасы

Мөлдір, хош иісі бар ашық-сары түсті гель

Шығарылу түрі және қаптамасы

Бұрандалы полиэтилен қақпағы бар алюминий сықпаға 40 г препараттан салынған.

1 сықпадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапқа салынады.

Сақтау мерзімі

3 жыл

Жарамдылық мерзімі өткеннен кейін қолдануға болмайды!

Сақтау шарттары

Құрғақ, жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз

Өндіруші туралы мәлімет

«ABDI IBRAHIM», Reşitpaşa Mahallesi Eski Büyükdere Caddesi No:4, Maslak-Sarıyer – 34467 Стамбул, Түркия, тел.: +90 212 366 84 00, электронды пошта: info@abdiibrahim.com.tr

Тіркеу куәлігінің ұстаушысы

«ABDI IBRAHIM», Reşitpaşa Mahallesi Eski Büyükdere Caddesi No:4, Maslak-Sarıyer – 34467 Стамбул, Түркия, тел.: +90 212 366 84 00, электронды пошта: info@abdiibrahim.com.tr

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Абди Ибрахим Глобал Фарм» ЖШС, Қазақстан Республикасы, Алматы обл., Іле ауд., Промзон 282, тел.: +7 (727) 356-11-00, 8-800-070-11-00, электронды пошта: info@aigp.kz

Қалалар