Алка зельтцер № 10 шипуч табл

Сипаттама

Дәрілік затты медициналық қолдану жөніндегі нұсқаулық

Алка-Зельтцер^®

Саудалық атауы

Алка-Зельтцер^®

Халықаралық патенттелмеген атауы

Жоқ

Дәрілік түрі

Көпіршитін таблеткалар

Құрамы

Бір таблетканың құрамында

белсенді заттар:324 мг ацетилсалицил қышқылы,

965 мг сусыз лимон қышқылы, 1743,87 мг натрий гидрокарбонаты (1625 мг құрғақ натрий гидрокарбонатына сәйкес).

қосымша заттар: повидон 25, кальций силикаты, диметикон, натрий докузаты, натрий бензоаты, натрий сахаринаты, лимон хош иістендіргіші, лайм хош иістендіргіші.

Сипаттамасы

Бір жағында «ALKA SELTZER» таңбасы бар, екінші жағында - біржақты ойығы бар, тегіс, дөңгелек ақ таблеткалар.

Фармакотерапиялық тобы

Басқа да анальгетиктер антипиретиктер. Салицил қышқылы және оның туындылары. Ацетилсалицил қышқылы басқа препараттармен біріктірілімде (психолептиктерді қоспағанда).

АТХ коды N02BА51

Фармакологиялық қасиеттері

Әсері құрамына кіретін белсенді компоненттеріне негізделген біріктірілген препарат.

Ацетилсалицил қышқылы ауыруды басатын, ыстықты түсіретін, қабынуға қарсы әсер береді, бұл простагландиндер синтезіне қатысатын циклооксигеназалар энзимдерін тежеуіне негізделген; А₂ тромбоксанының синтезін бөгей отырып, тромбоциттер агрегациясын тежейді.

Натрий карбонаты асқазандағыбос тұз қышқылын бейтараптандырады, бұл препараттың тітіркендіргіштік әсерін азайтады.

Лимон қышқылы препараттың жылдамырақ сіңуіне ықпал етеді.

Қолданылуы

Симптоматикасын жеңілдету үшін:

• бас ауыру, соның ішіндемасаңдық табы синдромы
• тіс ауыруы
• тамақ ауыры
• арқа мен бұлшықет ауыруы
• буындар ауыруы
• етеккір кезіндегі ауырулар.

ЖРВИ, тұмаудың және басқа инфекциялық-қабыну аурулары симптомдарын басу үшін:

• дене температурасының жоғарылауы.
• іштің ауыруы, қыжыл, жүрек айнуы, құсу
• қан кету қаупінің жоғарылауы (асқазан-ішектен, мұрыннан)
• бірлі-жарым жағдайлар – бауыр функциясының бұзылуы (бауыр трансаминазалары белсенділігінң жоғарылауы)
• бүйрек функциясының бұзылуы және жедел бүйрек жеткіліксіздігі
• тері бөртпесі, бронх түйілуі, Квинке ісінуі, анафилаксиялық реакция
• глюкоза-6-фосфатдегидрогеназаның күрделі тапшылығы барпациенттердегі гемолиз және гемолиздік анемия
• бас ауыруы, бас айналу, естудің бұзылуы, құлақтың шуылдауы (тиннитус) және сананың шатасуы.

Қолдану тәсілі мен дозалары

Ішке, тәулігіне 1 таблеткадан 6 ретке дейін. Қатты ауыру мен жоғары температурада 2-3 таблеткадан; ең жоғарғы тәуліктік дозасы 8 таблеткадан аспауы тиіс ((2,5 г).

Қабылдар алдында таблетканы/таблеткаларды бір стақан суда (200 мл) еріту керек. Қабылдау жиілігі мен уақыты: препаратты қабылдаулардың аралығы кемінде 4 сағатты құрауы тиіс. Препаратты қабылдау режимінің жүйелі сақталуы температураның күрт жоғарылауын болдырмауға және ауыру синдромының қарқындылығын азайтуға мүмкіндік береді.

Егде жастағы адамдар үшін: әдеттегі доза 1 таблетканы құрайды, анағұрлым қатты ауырған жағдайда және қызбада 2 таблетка қабылдайды. Екі жағдайда да қажет болғанда қабылдауды қайталауға болады, бірақ 4 сағаттан ерте болмауы керек. Ең жоғары тәуліктік доза 4 таблетканы құрайды. Таблетканы/таблеткаларды бір стақан суда ерітіп, ішу керек.

Емдеу ұзақтығы (дәрігердің кеңесінсіз) ауыруды басатын дәрі ретінде тағайындағанда 5 күннен және қызу түсіретін дәрі ретінде - 3 күннен аспауы тиіс.

Жағымсыз әсерлері

Қолдануға болмайтын жағдайлар

- препараттың құрамдас бөліктеріне жекелей жоғары сезімталдық

- ацетилсалицил қышқылын немесе оның туындыларын қабылдаудан туындаған демікпе

- асқазан-ішек жолының эрозиялы-ойық жаралы зақымданулары (өршу сатысында)

- геморрагиялық диатездерде

- аптасына 15 мг және одан көп дозада метотрексатпен үйлестіріп қолдану

- жүктілік ( I- III триместр) және лактация кезеңі

- Рейе синдромының даму қаупіне байланысты (энцефалопатия және бауыр жеткіліксіздігінің жедел дамуымен бауырдың жедел майлы дистрофиясы), 16 жасқа дейінгі балаларға, шығу тегі вирустық жедел респираторлық аурулар.

- ауыр созылмалы бүйрек және/немесе бауыр жеткіліксіздігі

- ауыр созылмалы жүрек жеткіліксіздігі.

Дәрілермен өзара әрекеттесуі

Препаратты бірге қолданғанда:

метотрексатпен аптасына15 мг немесе одан көп дозада қолданғанда: метотрексаттың гемолитикалық цитоуыттылығы жоғарылайды (метотрексаттың бүйректік клиренсі төмендейді және метотрексат қан плазмасы ақуыздарымен байланыстағы салицилаттармен алмасады); антикоагулянттармен, мысалы, гепаринмен қолданғанда тромбоциттер қызметін тежеуінің салдарынан қан кету қаупі, асқазан-ішек жолының шырышты қабығының зақымдалу қаупі, қан плазмасы ақуыздарымен байланыстан антикоагулянттарды (пероральді)ығыстыруы артады;

басқа қабынуға қарсы стероидты емес препараттармен, сондай-ақ, салицилаттардың жоғары дозаларымен (күніне 3 г немесе одан да көп) өзара синергиялық әрекеттесуінің нәтижесінде, ойық жара мен қан кету қаупі артады; урикозураттармен, мысалы, бензбромаронмен урикозуриялық әсері төмендейді; дигоксинмен бүйрекпен шығарылуы салдарынан, дигоксиннің концентрациясы артады; диабетке қарсы препараттармен, мысалы, инсулинмен, ацетилсалицил қышқылының гипогликемиялық әсері салдарынан диабетке қарсы препараттардың гипогликемиялық әсері артады; тромболитиктер тобы препараттарыменқан кетудің туындау қаупі артады;

диуретиктермен (күніне 3 мг және одан да көп дозада) простагландиндер синтезінің салдарынан гломерулярлық сүзілу төмендейді; жүйелік глюкокортикостероидтармен, Аддисон ауруында орынбасушы ем ретінде пайдаланылатын гидрокортизонды қоспағанда, соңғысының шығарылуының артуы салдарынан қандағы салицилаттар деңгейі төмендейді;

ангиотензин өзгертуші ферменттің тежегіштерімен (күніне 3 г және одан да көп дозада) простаглан­диндерді тежеуінің есебінен, гломерулярлық сүзілу төмендейді және соның салдары ретінде антигипертензивтік әсері төмендейді; вальпрой қышқылымен вальпрой қышқылының уыттылығы артады; этанолмен асқазан-ішек жолының шырышты қабығына зақымдағыш әсер ету қаупі артады және қан кету уақыты ұзарады.

Айрықша нұсқаулар

Ацетилсалицил қышқылы бронх түйілуін (анамнезде бронх демікпесі, созылмалы бронхөкпе аурулары, мұрын полиптері, аллер­гиялық риниттер болғанда).

Ацетилсалицил қышқылы қанағыштыққа бейімділікті арттыруы мүмкін, бұл тромбоциттер агрегациясына тежегіштік әсерімен байланысты. Оны тіс жұлу сияқты шағын араласуларды қоса, хирургиялық араласулар қажет болғанда ескеру қажет. Хирургиялық араласулар алдында, операция барысындағы және операциядан кейінгі кезеңде қанағыштықты азайту үшін, препаратты қабылдауды 5-7 күн бұрын тоқтату және дәрігерді хабардар ету қажет.

Қантамыр ауруларын емдеуде ацетилсалицил қышқылының тәуліктік дозасы 75 -тен 300 мг дейін құрайды.

Препаратты антикоагу­лянттармен қатарлас емдеуде, подаграда (несеп қышқылының шығарылуын азайтады), асқазан және/немесе он екі елі ішектің ойық жаралы ауруында (анамнезде), ойық жара ауруының созылмалы немесе рецидивті ағымында; немесе асқазан-ішектен қан кету көріністері; бүйрек және/немесе бауыр жеткіліксіздігінде, глюкоза-6-фосфатдегидрогеназа тапшылығында сақтықпен тағайындайды.

Көпіршитін Алка-Зельтцер бір таблеткасында 477 мг натрий бар, мұны натрий тұтынылуы бақыланатын диетада ескеру қажет.

Дәрілік заттың көлік құралдарын және қауіптілігі зор механизмдерді басқару қабілетіне әсер ету ерекшеліктері.

Әсер етпейді

Артық дозалануы

Симптомдары:

Ауырлық дәрежесі орташа артық дозалану: жүрек айну, құсу, құлақтағы шуыл, естудің нашарлауы, бас ауыруы, бас айналуы және сананың шатасуы – бұл сим­птомдар препараттың дозасын төмендеткенде басылады.

Ауыр артық дозалану: қызба, гипервентиляция, кетоз, респираторлық ал­калоз, метаболизмдік ацидоз, кома, кардиогендік шок, тыныс алу жеткіліксіздігі, айқын гипогликемия.

Емі: лаваж, белсендірілген көмірді қабылдау, 7,5-8 арасында несептік рН алу үшін қышқыл-сілтілік теңгерімді мониторингілеу (қарқынды сілтілік диурез қолжетімді саналады, егер қан плазмасындағы салицилат концентра­циясы 500 мг/л астамды (3,6 ммоль/л) құраса немесе 300 мг/л (2,2 ммоль/л) балаларда), гемодиализ, жоғалған сұйықтықтың орнын толтыру, симптоматикалық ем.

Шығарылу түрі мен қаптамасы

2 таблеткадан алюминий фольгамен ламинацияланған қағаздан жасалған пішінді ұяшықсыз қаптамада.

5 пішінді қаптамадан қолдану жөніндегі мемлекеттік және орыс тіліндегі нұсқаулықпен бірге картон қорапшаға салынған.

Сақтау шарттары

25°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Қаптамасында көрсетілген жарамдылық мерзімі өткеннен кейін пайдалануға болмайды

Дәріханалардан босатылу шарттары

Рецептісіз

Өндіруші ұйымның атауы мен елі

Байер Биттерфельд ГмбХ, Германия

Тіркеу куәлігі ұстаушысының атауы мен елі

Байер Консьюмер Кэр АГ, Швейцария

Дәріханалар

Қалалар